Драдња

Драдња — мало село во Општина Кавадарци, во областа Тиквеш, во околината на градот Кавадарци.

Драдња
Поглед на Драдња
Драдња Местоположба на Драдња во Македонија Драдња на карта
Координати 41°23′44″N 21°54′23″E
Регион	Вардарски
Општина	Кавадарци
Област	Тиквеш
Население	0 жит. (поп. 2021)[1]
Пошт. бр.	1423
Повик. бр.	043
Шифра на КО	11017
Надм. вис.	610 м
Слава	Спасовден
Драдња на општинската карта Атарот на Драдња во рамките на општината
Драдња на Ризницата

Географија и местоположба

Панорама на населбата Голеш

Селото се наоѓа во западниот дел од Општина Кавадарци, на северозападната страна на Тиквешкото Езеро, до коешто се протега и атарот на селото.^[2] Селото е ридско, на надморска височина од 610 метри. Од градот Кавадарци е оддалечено 16 километри.^[2]

Атарот зафаќа површина од 10,5 км². На него преовладуваат шумите на површина од 572,5 хектари, на пасиштата отпаѓаат 284,3 хектари, а на обработливото земјиште 81,2 хектари.^[2]

Селото се наоѓа на пространа тераса. Селото било христијанско и од збиен тип. Било поделено на Присојно и Осојно Маало, а на средина се наоѓало сретселото.^[3]

Во поново време во атарот на раселеното село, е подигната викенд-населбата Голеш крај Тиквешкото Езеро.^[4]

Историја

Загинатите драдњанци за време на НОБ

Во текот на отоманскиот период, селото било од получифлички тип со беговска кула во Осојното Маало.^[3]

Во XIX век, Драдња било село во Тиквешката каза на Отоманското Царство.

За време на Народноослободителната борба, неколку жители на Драдња се бореле и загинале во текот на борбите. Тие биле Косто Бојков, Трајко Манев, Крсте Миов, Перо Минов, Блажо Недев и Стеван Трајков. Во чест на нив, бил подигнат споменик во селото во 2003 година.

Стопанство

Селото нема развиена стопанска функција.^[2]

Селото се занимавале повеќе со сточарство, отколку со земјоделство.^[3]

Население

Население во минатото

Година Нас. ±% 1948 190 —     1953 179 −5.8% 1961 159 −11.2% 1971 39 −75.5% 1981 8 −79.5%	Година Нас. ±% 1991 6 −25.0% 1994 3 −50.0% 2002 3 +0.0% 2021 0 −100.0%

Според податоците на Васил К’нчов („Македонија. Етнографија и статистика“) од 1900 година, во селото Драдња имало 260 Македонци христијани.^[5] По податоците на секретарот на Бугарската егзархија, Димитар Мишев („La Macédoine et sa Population Chrétienne“) во 1905 година во Драдња имало 304 жители.^[6]

Според германска карта издадена во 1941 година, а заснована на пописот на Кралството Југославија од 1931 година, селото имало 200 Македонци.^[7]

Дотрајана куќа во селото

Селото е мало и во фаза на целосно раселување. Во 1961 година, селото броело 159 жители, а во 1994 година само тројца жители, македонско население.^[2]

Според пописот од 2002 година, во селото Драдња имало 3 жители, сите Македонци.^[8]

Според последниот попис од 2021 година, во селото немало жители.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	260	304	190	179	159	39	8	6	3	3	0

Извор за 1900 г.: Македонија. Етнографија и статистика.^[9]; за 1905 г.: La Macédoine et sa Population Chrétienne.^[10]; за 1948-2002 г.: Државен завод за статистика на РМ.^[11]; за 2021 г.: Државен завод за статистика на РМ.^[12]

Родови

Како родови во Драдња се споменуваат:^[3]

• Старинци: Стојчевци (3 к.), Соколовци (5 к.), Полендовци (9 к.), Писковци-Дуневци (5 к.) и Овчовци (3 к.)
• Доселеници: Галабовци (5 к.) доселени се на крајот од XVIII век од селото Дреново; Дипиновци (6 к.) доселени се од селото Галиште во Мариово.

Самоуправа и политика

Селото влегува во рамките на Општина Кавадарци, која била променета со новата територијална поделба на Македонија во 2004 година, при што кон нејзе била придодадена поранешната општина, Конопиште. Во периодот од 1996-2004 година, селото било дел од некогашната Општина Кавадарци.

Во периодот 1950-1952, селото било дел од некогашната општина Дреново, во која влегувале селата Галиште, Грбавец, Добриште, Дреново и Драдња.

Во периодот 1952-1955, селото било дел од тогашната општина Дреново, во која покрај селото Драдња се наоѓале селата Возарци, Брушани, Галиште, Грбовец, Дебреште, Добротино, Дреново, Кесендре, Мрзен Ораовец, Праведник, Раец, Фариш, Шешково и Шивец.

Во периодот 1955-1965, селото било дел од тогашната општина Кавадарци.

Во периодот 1965-1996 година, селото се наоѓало во рамките на големата Општина Кавадарци.

Избирачко место

Селото е опфатено во склоп на избирачкото место бр. 0698 според Државната изборна комисија, кое ги опфаќа селата Шешково, Драдња, Галиште, Праведник и Возарци, кое е сместено во основното училиште во село Возарци.^[13]

На локалните избори во 2017 година, на ова избирачко место биле запишани вкупно 755 гласачи.^[14] На претседателските избори во 2019 година, на ова избирачко место биле запишани вкупно 754 гласачи.^[15]

Културни и природни знаменитости

Црквата „Св. Спас“

Археолошки наоѓалишта^[16]

• Варвара — населба од римското време;
• Градиште — утврдување од доцноантичкото време;
• Илимски Гробишта — некропола од римското време;
• Манастириште — средновековна црква и некропола;
• Стена — средновековна црква.

Цркви^[17][18]

• Црква „Св. Спас“ — главната селска црква
• Црква „Св. Никола“ (Маркова Црква) — пештерна црква
• Црква „Св. Илија“ — новоизградена црква во летниковската месност Голеш^[19]

Редовни настани

• Спасовден — селска слава

Иселеништво

Од селото се иселиле Соколовци (1 к.) во САД во 1906 година.^[3]

Галерија

• 
  Панорама на селото од патот за црквата „Св. Спас“
• 
  Споменикот на НОБ во Драдња
• 
  Куќа во Драдња
• 
  Куќа во Драдња
• 
  Чешма во Драдња