Илија Јакимовски

Илија Јакимовски (18 јули 1921 во Дебар — 1986 во Скопје, Македонија) — македонски партизан, борец за слобода на Македонија, учесник во работничкото и комунистичкото движење и во НОБ. ^[1]

Животопис

Станал член на КПЈ од 1940 година. Од јуни истата година бил член на МК КПЈ за Скопје и член на ПК СКОЈ. По окупацијата (1941 година), станал член на диверзантска група во Скопје, а потоа одговорен за илегалните магацини.^[1] Пред формирањето на Главниот Штаб, оружената борба ја раководеле: Воена комисија – Методија Шаторов-Шарло, Коце Стојановски - Металец, Бранислав Шикиќ-Бруно, Љубомир Лековиќ- Горски, Илија Јакимовски и Роберт Гајдик.^[2][3]

Во текот на август-септември 1941 година, бил член МВШ во Скопје. Од ноември 1941 година до септември 1944 година бил во бугарски затвори. По ослободувањето работел во Државната безбедност на Македонија.^[1][4]

Поврзано

• Музеј на илегалните работилници за време на НОВ
• Прв скопски партизански одред