Костурино

Костурино — село во Општина Струмица, во околината на градот Струмица.

Оваа статија се однесува на струмчкото село. За воденското, погл. Костурени.

Костурино
Домот на културата во Костурино
Костурино Местоположба на Костурино во Македонија Костурино на карта
Координати 41°21′25″N 22°36′33″E
Општина	Струмица
Население	895 жит. (поп. 2021)[1]
Пошт. бр.	2413
Шифра на КО	27035, 27535
Надм. вис.	440 мнв м
Костурино на општинската карта Атарот на Костурино во рамките на општината
Костурино на Ризницата

Географија и местоположба

Црквата „Св. Димитриј“

Споменик во селото

ОУ „Даме Груев“

Костурино се наоѓа во Струмичкото Поле, во југоисточниот дел на Република Македонија. Од најблискиот град Струмица е оддалечен 12 километри.

Надморската височина во селото е 440 метри а површината на селото изнесува 2.455 ха.

Селот се граничи со Три Води, Мемешли, Орманли, Злешево, Чепели, Раборци, Раброво.

Историја

Костурино, црквата Св. Димитрија во 1931 г.

Погелед на Костурино во 1931 г.

Османлиски период

Во „Етнографија на Адријанопол, Монастир и Салоника“ се вели дека во 1873 г. Костурино се состоело од 102 семејства и 330 жители Македонци^[2][3] Според статистиката на Васил К’нчов („Македонија. Етнографија и статистика“) во 1900 година Белотино имало 790 жители Македонци^[2][4].

Во текот на т.н. афера Мис Стон, селото било посетено од страна на Гоце Делчев, каде се сретнал со Андон Ќосето и Иван Манолев^[5].

Селото било под влијание на Бугарската егзархија. Според податоците на секретарот на егзархијата Димитар Мишев („La Macédoine et sa Population Chrétienne“) во 1905 година во селото живееле 936 Македонци и 5 Грци, и работело егзархиско училиште^[2][6].

Југословенски период

По крајот на Балканските војни, селото било вклучено во составот на Кралство СХС, и подоцна Кралство Југославија.

Стопанство

Претежно занимање на населението е zемјоделие, sточарство и производство на вар. Обработливото земјиште во селото зафаќа површина од 575 ха^[7].

Население

Население во минатото

Година Нас. ±% 1948 1.069 —     1953 1.173 +9.7% 1961 1.403 +19.6% 1971 1.626 +15.9% 1981 1.530 −5.9%	Година Нас. ±% 1991 1.403 −8.3% 1994 1.235 −12.0% 2002 1.280 +3.6% 2021 895 −30.1%

Според германска карта издадена во 1941 година, а заснована на пописот на Кралството Југославија од 1931 година, селото имало 850 Македонци и 25 до 50 Албанци.^[8]

Според пописот на населението на Македонија од 2002 година, селото има 1.280 жители, од кои 1.276 Македонци, 1 Турчин, 2 Срби и 1 останат.^[9]

Според последниот попис од 2021 година, во селото живееле 895 жители, од кои 803 Македонци, 4 Албанци, 2 Срби, 3 останати и 83 лица без податоци.^[10]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	790	941	1.069	1.173	1.403	1.626	1.530	1.403	1.235	1.280	895

Извор за 1900 г.: Македонија. Етнографија и статистика.^[11]; за 1905 г.: La Macédoine et sa Population Chrétienne.^[12]; за 1948-2002 г.: Државен завод за статистика на РМ.^[13]; за 2021 г.: Државен завод за статистика на РМ.^[14]

Општествени установи

• Подрачно основно училиште Даме Груев
• Амбуланта
• Пошта

Самоуправа и политика

Избирачко место

Во селото постојат избирачките места бр. 1830 и 1831 според Државната изборна комисија, сместени во основното училиште.^[15]

На претседателските избори во 2019 година, на овие избирачки места биле запишани вкупно 1.090 гласачи.^[16]

На Македонски парламентарни избори во 2020 година, на овие избирачки места биле запишани вкупно 1.090 гласачи.^[17]

Културни и природни знаменитости

• Црква „Св. Димитриј“, православен храм.
• Василица Чука, археолошко наоѓалиште од хеленистичко и римско време.
• Прогон, археолошко наоѓалиште од доцноантичко и старохристијанско време.
• Растурен Брег, археолошко наоѓалиште од средновековно време.
• Орниче, археолошко наоѓалиште од неолитско време.

Редовни настани

Пеливанско борење кое се одржуваа по поводот Петровден на 12 јули секоја година

Личности

д-р Јанко Бачев, доктор на правни науки, универзитетски професор по меѓународно право и претседател на партијата Единствена Македонија (претходно Народно движење за Македонија)

Култура и спорт

• Петровден е официјален празник на селото.
• Пеливанското борење постаро од три века^[18]
• ФК Голаш-2005
• Здружение на тутунопроизводители „Костурани“
• Здружение на играорци „Костуранка"

Иселеништво