Нејтан Хас

Нејтан Питер Хас (англиски: Nathan Peter Haas; р. 12 март 1989 ) — поранешен австралиски професионален друмски велосипедист, кој возел професионално во периодот 2011-2021 за пет различни екипи.

Нејтан Хас

Хас во 2016 година
Лични податоци
Цело име	Нејтан Питер Хас
Прекар	Хаси[1]
Роден	12 март 1989(1989-03-12) (36 г.) Бризбејн, Квинсленд, Австралија
Висина	1,78 м
Маса	71 кг
Податоци за клубот
Мом. клуб	пензиониран
Дисциплина	друмски велосипедизам
Улога	возач
Вид на возач	универзален возач
Аматерски клубови
2009–2010	Пратис
Професионални клубови
2011 2012-2015 2016-2017 2018-2019 2020–2021	Џенезис Велт Адвајзерс Гармин-Баракуда Тим Дименжн Дата Катјуша-Алпесин Кофидис
Значајни победи
Етапни трки Трка околу Британија (2012) Хералд Сан Тур (2011) Еднодневни трки и класици Јапонски куп (2011, 2014)

Започнал да настапува на трки со чакал во 2022 година.^[2]

Кариера

Рана кариера

Првично започнал со планински велосипедизам и ја претставувал Австралија на две светски првенства. Меѓутоа, во 2009 година Хас се префрлил на друмски трки.

Пратис (2009–2011)

Во 2011 година, откако тој и колегата од Џенезис Велт Адвајзерс Стил фон Хоф доминирале на австралиските домашни национални друмски серии, Хас ја освоил Хералд Сан Тур 2011,^[3] трка на која возеле голем број на UCI World Tour екипи.^[4] Откако се нашол на добро место во бегството од шест члена на првата етапа, Хас завршил втор на клучната четврта етапа, победувајќи го предводникот во генералниот пласман и австралискиот друмски првак Џек Бобриџ (Гармин-Сервело). Хас победил на Јапонскиот куп 2011,^[5] трка на која исто така настапиле голем број на екипи и чии претходни победници биле Клаудио Кјапучи, Дамијано Кунего и Џилберто Симони. По неговата победа, Хас потпишал со Гармин-Баракуда.^[1][6][7][8]

Гармин-Баракуда (2012–2015)

По неговото доаѓање во Гармин, Хас се преселил во Жирона, Шпанија.^[1] Меѓутоа, Хас не успеал да победи на ниедна поединечна професионална трка во првата година, во која се соочил со многу рани од седиштето.^[9] Сепак успеал да заврши втор зад Џонатан Тирнан-Локе (Ендура Рејсинг) на Трката околу Британија 2012.^[10] Во текот на сезоната 2013, Хас завршил шести во генералниот пласман на Тур де Лангкави,^[11] и ја завршил својата прва голема трка, Џиро д’Италија.^[12] Додека возел на Тур Даун Андер 2014, Хас ги заработил првите бодови за Светската турнеја,^[13] пред да ја заврши трката на петтото место.^[14]

Бил именуван во почетниот состав за Тур де Франс 2015.^[15]

Дименжн Дата (2016–2017)

Есента 2015 година, екипата Тим Дименжн Дата објавила дека Хас потпишал со нив за сезоната 2016, приклучувајќи му се на поранешниот колега Тајлер Фарар.^[16]

Тим Катјуша-Алпесин (2018–2019)

Во февруари 2018 година, Хас ја освоил втората етапа на Трката околу Оман во спринтерска завршница на нагорнина и ја презел водечката маичка.^[17] Тоа му било прва победа од 2016 година и негова прва за Катјуша-Алпесин. Завршил петти во генералниот пласман на трката, освојувајќи го бодовниот пласман. Исто така имал место на подиумот на Трката околу Турција.^[18]

Личен живот

Хас моментално престојува во Жирона, Каталонија, Шпанија.

Достигнувања

2009

5. Национално хронометарско првенство под 23 години

2010

4. Национално хронометарско првенство под 23 години

2011

1. Краен пласман Хералд Сан Тур

1. Краен пласман Трка околу Тасманија

1. Јапонски куп

Океански друмски првенства под 23 години

2. Друмска трка

5. Хронометар

2. Национално друмско првенство под 23 години

2012

1. Краен пласман Трка околу Британија

1. Етапа 2 (ТТТ) Трка околу Јута

10. Јапонски куп

2013

6. Краен пласман Тур де Лангкави

2014

1. Јапонски куп

4. Краен пласман Хералд Сан Тур

1. Етапа 1

5. Краен пласман Тур Даун Андер

6. Брабантсе Пејл

2015

3. Голема океанска друмска трка „Кедел Еванс“

5. Краен пласман Сиркут Сиклист Сарт

6. Брабантсе Пејл

2016

1. Етапа 4 Вуелта а Бургос

1. Планински пласман Тур де Јоркшир

4. Национално друмско првенство

5. ГП Монтреал

6. ГП Квебек

6. Голема океанска друмска трка „Кедел Еванс“

2017

3. Национално друмско првенство

4. Амстел Голд Рејс

4. Краен пласман Тур Даун Андер

7. Голема океанска друмска трка „Кедел Еванс“

10. Краен пласман Трка околу Оман

2018

3. Краен пласман Трка околу Турција

Национални првенства

5. Друмска трка

5. Хронометар

5. Краен пласман Трка околу Оман

1. Бодовен пласман

1. Етапа 2

8. ГП Квебек

2019

4. Национално хронометарско првенство

9. Трка околу Келн

2020

5. Национално хронометарско првенство

2021

10. Париз-Камемберт

2022

Светски серија во чакал UCI

2. Севен Гравел Рејс

2. Ла Монстерато

Распоред на резултатите на големите трки

Голема трка	2013	2014	2015	2016	2017	2018	2019	2020
Џиро	СО	104	—	—	СО	—	—	119
Тур	—	—	СО	—	—	—	—	—
Вуелта	—	143	—	СО	—	—	—	—

СО = се откажал; — = не учествувал