Орљачка Планина

Орљачка Планина (грчки: Όρλιακας, Орљакас) — планина во Гребенско, Егејска Македонија.^[1][2]

Орљачка Планина
Όρλιακας
Орљачка Планина на карта
Највисока точка
Надм. вис.	1475 м
Координати	40.0094°N 21.2015°E / 40.0094; 21.2015
Географија
Место	Гребенско, Егејска Македонија
Матичен венец	Пинд

Опис

Ова е долга тесна планина во западниот дел на Гребенско и сочинува дел од венецот Северен Пинд. На запад и север е одвоена од планинскиот комплекс Василица со превојот (1.300 м) Дова – Кандила и потокот Потамули, а реката Венетик ја образува нејзината граница исток и југ. На југгозапад се поврзува со планината Љагуна преку билото на Егзархос (1.300 м).^[1]

Често планината погрешно се вклучува во венецот Лигос. Архаичното име Спилио(с) Σπίλο(ς) значи „стрмна карпа“. На некои други карти името Орљакас е обележано само на источниот крај на планината, над селото Спилио (960 м), а други во Орљачка Планина ги вклучуваат и најзападните височини (кои може да се разгледуваат самостојно), до врвот Кантила.^[1]

Карпите се офиолити, малку варовници, конгломерати и песочници.^[1]

Орљачка Планина е дел од мрежата на заштитени подрачка Натура 2000 (1310001).^[3]

Стрмните падини на планината се погодни за искачување по карпи.^[3]

До врвот се стасува од планинскиот пат кој ги поврзува селата Тиста (900 м) и Лавда (1.040 м) и минува близу до самиот врв.^[3]

Врвови

Име	Грчки	Висина	Местоположба
Кандила	Καντήλα	1.475 м[3]	во западниот дел, Ј од Лавда[2]
Калогрија	Καλόγρια	1.400 м[3]
Карамула	Καραμούλα	1.200 – 1.000 м[3]	во централниот дел, ИЈИ од Лавда и ЗЈЗ од Тиста[2]
Карецос	Καρέτσος	1.432 м[3]
Кафадијас, Кокораса	Καφαδίας, Κοκκοράσα	1.467 м[3]	во западниот дел, ЈЈИ од Лавда[2]
Керасија	Κερασιά	1.225 м[3]	во централниот дел, ЈИ од Лавда и ЈЗ од Тиста[2]
Кревати	Κρεββάτι	1.420 м[3]	во западниот дел, Ј од Лавда[2]
Макростиви, Бакостиви	Μακροστίβι, Μπακοστίβι	1.000 м[3]	во источниот дел, З од Спилио[2]
Мегали Петра	Μεγάλη Πέτρα	1.080 м[3]	во источниот дел, ЗСЗ од Спилио[2]
Орљакас	Όρλιακας	1.453 м[3]	во источниот дел, ЈЈЗ од Тиста[2]
Рахи Керасијас	Ράχη Κερασιάς	1.464 – 1.300 м[3]
Рахи Љарука	Ράχη Λιαρούκα	1.080 – 800 м[3]
Ставрос	Σταυρός	1.160 м[3]