Царевиќ

Царевиќ — село во Општина Прилеп, во областа Раец, во околината на градот Прилеп.

Царевиќ
Царевиќ Местоположба на Царевиќ во Македонија Царевиќ на карта
Координати 41°21′23″N 21°46′44″E
Регион	Раец
Општина	Прилеп
Население	0 жит. (поп. 2021)[1]
Шифра на КО	20107
Царевиќ на општинската карта Атарот на Царевиќ во рамките на општината
Царевиќ на Ризницата

Географија и местоположба

Историја

Во XIX век селото било дел од Прилепската каза на Отоманското Царство.

Стопанство

Потекло на името

Според Марко Цепенков, името на селото е добиено според некој цар кој шетал и поминал покрај ова село. Сите селани излегле со најголеми причести го пречекале, а една стара жена замесила зелник и царот тука ручал. Оттогаш селото го нарекле Царевиќ.

Население

Население во минатото

Година Нас. ±% 1948 254 —     1953 251 −1.2% 1961 166 −33.9% 1971 77 −53.6% 1981 32 −58.4%	Година Нас. ±% 1991 17 −46.9% 1994 12 −29.4% 2002 10 −16.7% 2021 0 −100.0%

Според статистиката на Васил К’нчов („Македонија, Етнографија и статистика“) од 1900 година, во Царевиќ живееле 470 жители, од кои 460 Македонци и 10 Роми.^[2] Според егзархискиот секретар Димитар Мишев, („La Macédoine et sa Population Chrétienne“) во 1905 година во Царевиќ имало 320 Македонци, под врховенството на Бугарската егзархија.^[3]

На Етнографската карта на Битолскиот Вилает од 1901 г. Царевник се води како чисто македонско село во Прилепската каза на Битолскиот санџак со 40 куќи.^[4]

Според германска карта издадена во 1941 година, а заснована на пописот на Кралството Југославија од 1931 година, селото имало 200 Македонци.^[5]

Според пописот од 2002 година, селото имало 10 жители, сите Македонци.^[6]

Според последниот попис од 2021 година, во селото немало жители.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	470	320	254	251	166	77	32	17	12	10	0

Извор за 1900 г.: Македонија. Етнографија и статистика.^[7]; за 1905 г.: La Macédoine et sa Population Chrétienne.^[8]; за 1948-2002 г.: Државен завод за статистика на РМ.^[9]; за 2021 г.: Државен завод за статистика на РМ.^[10]

Родови

Царевиќ е македонско село.

Според истражувањата од 1920-1924, родови во селото:

• Староседелци: Станковци (5 к.), Бекчевци (4 к.), Гусовци (6 к.), Димовци (2 к.), Калажеговци (1 к.) и Мицковци (1 к.)
• Доселеници: Соколовци (8 к.) доселени биле во почетокот на 19 век од некое прилепско село; Бошковци (5 к.) доселени биле во почетокот на 19 век од селото Раец; Илевци (1 к.) доселени во 1860 година од селото Радобил; Бачковци со Данчевци (2 к.) доселени се во 1870 година од селото Смолани; Пешиќовци со Дујевци (2 к.) доселени се во 1880 година од селото Радобил; Котевски (1 к.) доселени се во 1904 година од селото Марул.^[11]

Општествени установи

Самоуправа и политика

Избирачко место

Во селото постои избирачкото место бр. 1430 според Државната изборна комисија, сместени во просториите на приватна куќа. Во ова избирачко место е опфатено и селото Дрен.^[12]

На претседателските избори во 2019 година, на ова избирачко место биле запишани вкупно 8 гласачи.^[13]

Културни и природни знаменитости

Цркви

• Црква „Св. Димитриј“ од 1899 г.

Редовни настани

Личности

Култура и спорт

Иселеништво