Жерви

Жерви или Жерве (грчки: Ζέρβη, Зерви) — село во Воденско, Егејска Македонија, денес во општината Воден на Постолскиот округ во Централна Македонија, Грција. Населението брои 303 жители (2011) и до денес е целосно населено со Македонци.^[2]

Жерви Ζέρβη
Улица во Жерви
Жерви
Местоположба во областа Жерви Местоположба на Жерви во општината Воден и областа Централна Македонија
Координати: 40°51.41′N 21°49.13′E
Земја	Грција
Област	Централна Македонија
Округ	Постол
Општина	Воден
Општ. единица	Островско Езеро
Надм. вис.	&10000000000000760000000760 м
Население (2011)[1]
• Вкупно	303
Час. појас	EET (UTC+2)
• Лето (ЛСВ)	EEST (UTC+3)

Црквата „Св. Тома“ во Жерви

Географија и местоположба

Селото сместено 23 км западно од градот Воден, на јужното подножје на планината Кајмакчалан, на надморска височина од 760 м.^[2]

Историја

Во 1848 г. рускиот славист Виктор Григорович го опишал Жерве како македонско^[3] село.^[4] Меѓу 1896 и 1900 г. селото потпаднало под врховенството на Бугарска егзархија^[5].

Според статистиката на Васил К’нчов („Македонија. Етнографија и статистика“) в 1900 г. во селото живееле 290 Македонци христијани.^[6][7] Целото население било под врховенството на Бугарската егзархија. По податоците на егзархискиот секретар Димитар Мишев („La Macédoine et sa Population Chrétienne“) во 1905 г. во Жерви (Jervi) имало 280 жители, сите Македонци^[6].^[8]

Со Букурешкиот договор во 1913 г. селото е припоено кон грчката држава, кога имало 256 жители.^[2] Во патописниот попис од 1917-18 г. Боривое Милоевиќ забележал 40 македонски куќи.^[2]

Жерви значајно настрадало во Граѓанската војна, поради што неколку семејства и поединци пребегнале во Р Македонија, а другите се засолниле на побезбедни места.^[2] По нормализацијата на состојбите, повеќемината се вратиле во селото.

Население

Преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	457	260	392	375	326	334	349	303

Извор за 1940-1991 г.: Т. Симовски, Населените места во Егејска Македонија

Самоуправа и политика

Селото припаѓа на општинската единица Островско Езеро со седиште во Острово, која припаѓа на поголемата општина Воден, во округот Постол. Воедно, селото е дел од општинскиот оддел Ослово, каде спаѓа и селото Ослово.

Стопанство

Селото е полупланинско и прилично пасивно. Највеќе се огледуваат пченицата и пченката, оревите и црешите, а делумно е застапено и сточарството.^[2] Во близина на Жерви има и коп на мермер.

Цркви

• „Св. Тома“
• „Св. Петка“ (вон самото село)