Општина Драгоманце

Месен народен одбор Драгоманце ― поранешна општина во Македонија, која постоела во периодот 1945-1952 година.

Месен народен одбор Драгоманце
Општина на ДФ/НР Македонија, ДФЈ/ФНРЈ
1945–1952 →   →   →
Главен град/седиште		Драгоманце
Составни делови		Врачевце (1945-1952), Добрача (1945-1952), Драгоманце (1945-1952), Пузајка (1947-1952) и Стрновац (1945-1952)
Историја
-	Основање на МНО Драгоманце	1945
-	Укинување на МНО Драгоманце	1952
Население
-	1948	953 жит.
Управни единици		Држава: ДФЈ/ФНРЈ Република: ДФ/НР Македонија Округ: Скопски (1945-1947) Околија: Козјачка (1945-1947), Кумановска (1947-1952)
Денес во		Општина Старо Нагоричане

Историја

Месниот народен одбор Драгоманце бил основан во 1945 година. Тој бил дел од Козјачката Околија, Скопски Округ, и негови составни населени места биле Врачевце, Добрача, Драгоманце и Стрновац.^[1] Во 1947 година, според новата административна поделба, Месниот народен одбор Драгоманце бил проширен на сметка на соседниот и укинат Месен народен одбор Пузајка со неговото село Пузајка. МНО Драгоманце тогаш припаѓал во Кумановската Околија.^[2] Во 1950 година, според новата административна поделба, Месниот народен одбор Драгоманце не претрпел територијални промени.^[3] Согласно административната поделба од 1952 година, МНО Драгоманце бил укинат на сметка на проширената Општина Жегљане која ги добила селата Врачевце, Драгоманце и Пузајка, проширената Општина Бајловце го добила селото Добрача, додека проширената Општина Старо Нагоричане го добила селото Стрновац.^[4]

Население

Според пописот од 1948 година, Месен народен одбор Драгоманце имал 953 жители, односно вкупното население на Врачевце, Добрача, Драгоманце, Пузајка и Стрновац. Од таа бројка, 950 биле Македонци, додека 3 биле Срби.^[5]

Поврзано

• Список на општини во Македонија по население (1948)