കോട്ടയം ജില്ലയിലെ ഒരു ചെറിയ ഗ്രാമമാണ് കടപ്പാട്ടൂർ. ജില്ലാ ആസ്ഥാനമായ കോട്ടയത്ത് നിന്ന് 30 കിലോമീറ്റർ കിഴക്കായി പാലാ നഗരത്തിനു സമീപം മീനച്ചിലാറിൻ്റെ തീരത്താണ് ഈ ഗ്രാമം സ്ഥിതിചെയ്യുന്നത്. ശിവൻ സ്വരൂപവിഗ്രഹരൂപത്തിൽ കുടികൊള്ളുന്ന അപൂർവ്വം ക്ഷേത്രങ്ങളിലൊന്നായ കടപ്പാട്ടൂർ മഹാദേവക്ഷേത്രം സ്ഥിതി ചെയ്യുന്നത് ഈ ഗ്രാമത്തിലാണ്. ശബരിമലയിലേക്കുള്ള യാത്രാമധ്യേ, എല്ലാ വർഷവും ആയിരക്കണക്കിന് ശബരിമല തീർത്ഥാടകർ കടപ്പാട്ടൂർ ക്ഷേത്രത്തിലും ദർശനം നടത്തുന്നു.