လှကြည်
From Wikipedia, the free encyclopedia
Remove ads
ဒေါက်တာလှကြည်ကို ပဲခူးတိုင်းဒေသကြီး၊ ကဝမြို့နယ်၊ ဖလေးကျေးရွာ၌ ၁၉၄၆ ခုနှစ် ဩဂုတ်လ ၂၆ ရက်နေ့တွင် အဘ ဦးအုန်းကြွယ်၊ အမိ ဒေါ်သိန်းကြည်တို့က မွေးဖွားခဲ့သည်။[၁][၂][၃]။ မွေးချင်း ၉ ဦးအနက် သတ္တမမြောက်ဖြစ်သည်။
Remove ads
ပညာရေး
ကဝမြို့နယ်၊ ဖလေးကျေးရွာ ပညာလင်္ကာရဘုန်းတော်ကြီးကျောင်းတွင် မူလတန်းနှင့် အလယ်တန်း၊ ပဲခူးမြို့ အထူးသဒ္ဒါသင်ကျောင်းတွင် အလယ်တန်းနှင့် အထက်တန်းပညာများ သင်ကြားခဲ့ပြီး ၁၉၆၃ ခုနှစ်တွင် တက္ကသိုလ်ဝင်တန်း အောင်မြင်ခဲ့သည်။ ၁၉၇၀ ပြည့်နှစ်တွင် ဆေးပညာဘွဲ့ (M.B., B.S) ကို ဆေးတက္ကသိုလ် (၁) ရန်ကုန် မှ လည်းကောင်း၊ ၁၉၈၀ ပြည့်နှစ်တွင် ကလေးကျန်းမာပညာဒီပလိုမာဘွဲ့ (Diploma in Child Health) ကို ဆေးတက္ကသိုလ် (၁) ရန်ကုန်မှ လည်းကောင်း၊ ၁၉၈၈ ခုနှစ်တွင် ပြည်သူ့ကျန်းမာရေးပညာမဟာဘွဲ့ (Master in Public Health) ကို အမေရိကန်ပြည်ထောင်စု၊ ကယ်လီဖိုးနီးယားပြည်နယ်တက္ကသိုလ်၊ လော့စ်အိန်ဂျယ်လိစ် (University of Calfornia, Los Angeles) မှ လည်းကောင်း ရရှိခဲ့သည်။[၄][၅]
Remove ads
ဝန်ထမ်းဘဝ
ဆေးမှူး/ဗိုလ်ကြီး (ကာကွယ်ရေးဝန်ကြီးဌာန)၊ လက်ထောက်ဆရာဝန် (ပြည်သူ့ဆေးရုံ၊ ခရမ်းမြို့၊ ရန်ကုန်တိုင်းဒေသကြီး)၊ တိုက်နယ်ဆရာဝန် (ပွေးကျစ်ကျေးရွာ၊ ကျောက်ပန်းတောင်းမြို့နယ်၊ မန္တလေးတိုင်းဒေသကြီး)၊ ကျောင်းကျန်းမာရေးဆရာဝန် (သရက်မြို့၊ မကွေးတိုင်းဒေသကြီး)၊ လက်ထောက်ညွှန်ကြားရေးမှူး (အာဟာရဌာနခွဲ၊ ကျန်းမာရေးဦးစီးဌာန)၊ ဒုတိယတိုင်းကျန်းမာရေးဦးစီးဌာနမှူး (ရန်ကုန်တိုင်း)၊ ဒုတိယညွှန်ကြားရေးမှူး (အမျိုးသားအာဟာရဖွံ့ဖြိုးရေးနှင့်သုတေသနဌာန၊ ကျန်းမာရေးဦးစီးဌာန)[၆][၇][၈][၉] တာဝန်များ ထမ်းဆောင်ပြီး ၂၀၀၆ ခုနှစ်တွင် သက်ပြည့်အငြိမ်းစားယူခဲ့သည်။
Remove ads
ရရှိခဲ့သော ဆုများ
စာပေဆုများ
၂၀၁၇ ခုနှစ်၊ ထွန်းဖောင်ဒေးရှင်းစာပေဆု (ကျန်းမာရေးစာပေ) ကို ဆီးချိုသွေးချိုရောဂါနှင့်မြန်မာဓလေ့အစားအစာ စာအုပ်ဖြင့်လည်းကောင်း[၁၀][၁၁]၊ ၂၀၁၉ ခုနှစ်၊ အမျိုးသား စာပေဆု၊ သုတပဒေသာ (အသုံးချသိပ္ပံ) ကို ကင်ဆာရောဂါနှင့် မြန်မာ့အစားအစာ စာအုပ်ဖြင့်လည်းကောင်း၊ ၂၀၂၀ ခုနှစ်၊ အမျိုးသား စာပေဆု၊ သုတပဒေသာ (အသုံးချသိပ္ပံ) ကို ကလေးကျန်းမာဖွံ့ဖြိုးရေး၊ နိုင်ငံတိုးတက်မှုနှင့် ခဲဆိပ်အန္တရာယ် (ကလောင်အမည် ဒေါက်တာဦးလှကြည် (ကလေးကျန်းမာရေး) စာအုပ်ဖြင့် ရရှိခဲ့သည်။[၁၂][၁၃][၁၄][၁၅][၁၆]
မြန်မာနိုင်ငံဆရာဝန်အသင်း၊ စာရေးဆရာ ဆရာဝန်အဖွဲ့ (၂၀၁၆-၂၀၁၈) တွင် အလုပ်အမှုဆောင်အဖွဲ့ဝင်အဖြစ် တာဝန်ထမ်းဆောင်ခဲ့သည်[၁၇]။
Remove ads
ရေးသားထုတ်ဝေပြီးသော စာအုပ်များ
- သွေးချို-ဆီးချိုရောဂါ ကာကွယ်ထိန်းသိမ်းရေးအတွက် မှန်ကန်သည့်စားသောက်နည်း[၁၈]
- နှလုံးနှင့်သွေးကြောရောဂါများ ကာကွယ်ထိန်းသိမ်းရေးအတွက် မှန်ကန်သည့်စားသောက်နည်း[၁၉]
- သက်ကြီးဘဝ အာဟာရနှင့် ကျန်းမာရေး[၂၀]
- ဗီတာမင် အမေးအဖြေများ[၂၁]
- အဆီ၊ ကစီနှင့် ကယ်လိုရီ[၂၂]
- အရိုးပွ၊အရိုးပါးရောဂါအကြောင်းသိကောင်းစရာ[၂၃]
- အိပ်မပျော်ဘူးလား[၂၄]
- ရုတ်တရက်နှလုံးထိခိုက်ခြင်းနှင့် လေဖြတ်လေငန်းရောဂါ[၂၅]
- သတ္တုအာဟာရဓာတ် နှင့် ကျန်းမာရေး[၂၆]
- ဆီးချို သွေးချိုနှင့် အဆင်ပြေအောင် စားသောက်နေထိုင်ခြင်း[၂၇]
- နာတာရှည်ရောဂါကင်းဝေးအောင်စားသောက်ပါ
- ရင်သွေးငယ်အာဟာရ သန္တေသားမှစ[၂၈]
- ခန္ဓာကိုယ်အချိုးအစားကျ၍ အဝမလွန်အောင်ထိန်းသိမ်းပါ[၂၉]
- အိမ်ရှင်မတို့ သိထားသင့်တဲ့ မြန်မာ့အစားအစာများ၏ အာဟာရ
- ဆီးချိုသွေးချိုရောဂါနှင့် မြန်မာဓလေ့အစားအစာ (၂၀၁၇ ထွန်းဖောင်ဒေးရှင်းစာပေဆု) [၃၀]
- ကင်ဆာရောဂါနှင့် မြန်မာ့အစားအစာ (၂၀၁၉ အမျိုးသားစာပေဆု) [၃၁]
- ကလေးကျန်းမာဖွံ့ဖြိုးရေး၊ နိုင်ငံတိုးတက်ရေးနှင့် ခဲဆိပ်အန္တရာယ် (၂၀၂၀ အမျိုးသားစာပေဆု) [၃၂]
- ကိုဗစ်-၁၉ (COVID-19) နှင့် အခြားဗိုင်းရပ်ရောဂါများ[၃၃]
Remove ads
ရေးသားပြီးသော ဆောင်းပါးများ
ရေးသားပြီးသော ဆောင်းပါးများအနက် အချို့မှာ[၃၄]
- အဆီစားသုံးမှုများခြင်း အဝလွန်ခြင်းနှင့်ကင်ဆာ
- အစားအသောက်သန့်ရှင်းမှုနှင့် အမီးဘား (Amoeba) ဝမ်းကိုက်ရောဂါ
- ပီလောပီနံဥ အဆိပ်သင့်ခြင်း (ကလောဥတောက်ခြင်း
- သက်ကြီးရွယ်အိုနှင့် ရေ
- အာဆင်းနစ် (Arsenic) အဆိပ်သင့်ခြင်း
- ပါးစပ်မှဝင်လာနိုင်သော ခဲဆိပ်
- ပါးစပ်မှဝင်လာနိုင်သော ခဲဆိပ် (၂)
- အစားအသောက်မှ ခဲဆိပ်သင့်ခြင်း
- စားဆော်ဒါ (ဆိုဒီယမ် ဘိုင်ကာဘိုနိတ်) နှင့် ကျန်းမာရေး
- ဓာတ်မြေဩဇာသုံးစွဲခြင်းနှင့် ဆက်စပ်နေသော ကျန်းမာရေးပြဿနာများ
- ဖွဲနုဆီနှင့် ကျန်းမာရေး
- ပရီဘိုင်အောတစ် (Prebiotics) (သို့) အကျိုးပြု ပိုးစာများ
- ပိုတက်ဆီယမ် (Potassium) ကြွယ်ဝသော အစားအစာများနှင့် ကျန်းမာရေး
- တညင်းသီး၏ အာဟာရနှင့် ကျန်းမာရေး
- ယမ်းစိမ်းဓာတ်ဖြင့် တာရှည်ခံအောင် ပြုပြင်ထားသော အစားအစာများ
Remove ads
ကိုးကား
Wikiwand - on
Seamless Wikipedia browsing. On steroids.
Remove ads