နိုင်ငံခြားသုံးငွေကြီးကြပ်မှုကော်မတီ

နိုင်ငံခြားသုံးငွေကြီးကြပ်မှုကော်မတီသည် နိုင်ငံတော်စီမံအုပ်ချုပ်ရေးကောင်စီ က ဖွဲ့စည်းထားသော ပြည်ထောင်စုအဆင့်ရှိ ကော်မတီဖြစ်သည်။ကော်မတီသည် နိုင်ငံခြားသုံးငွေအား စိစစ်ခွင့်ပြုပေးရသည့် လုပ်ငန်းအား အဓိက ဆောင်ရွက်သည်။ကော်မတီကို ဗိုလ်ချုပ်ကြီး မြထွန်းဦး က ဦးဆောင်သည်။

နိုင်ငံခြားသုံးငွေကြီးကြပ်မှုကော်မတီ
Foreign Exchange Supervisory Committee

မြန်မာနိုင်ငံအစိုးရအဖွဲ့အစည်း
​ကော်မတီ အကျဉ်းချုပ်
ဖွဲ့စည်းခြင်း	၄ ဧပြီ ၂၀၂၂ (၂၀၂၂-၀၄-၀၄)
ဌာနချုပ်	နေပြည်တော်
ဌာနအကြီးအမှူးများ	ဗိုလ်ချုပ်ကြီး မြထွန်းဦး၊ ဥက္ကဋ္ဌ ဒေါက်တာကံဇော်၊ အတွင်းရေးမှူး

သမိုင်းကြောင်း

စစ်အာဏာသိမ်းမှု၏ နောက်ဆက်တွဲ ဂယက်ကြောင့် နိုင်ငံအတွင်း နိုင်ငံခြားငွေလဲလှယ်နှုန်း များ ဖြစ်သင့်ဖြစ်ထိုက်သည့် ဈေးထက် အဆမတန် မြင့်တက်သွားခဲ့၍ ကုစားနိုင်ရန် ဖွဲ့စည်းခြင်းဖြစ်သည်။၂၀၂၂ ခုနှစ် ဧပြီ ၄ရက်တွင် စတင်ဖွဲ့စည်းသည်။^[၁]

ကော်မတီ(၂၀၂၂-လက်ရှိ)

စဉ်	အမည်	တာဝန်ထမ်းဆောင်ခြင်း			ရာထူး
		စတင်ရက်	ပြီးဆုံးရက်	ရက်ပေါင်း
၁	ဗိုလ်ချုပ်ကြီး မြထွန်းဦး[၂]	၁၈ စက်တင်ဘာ ၂၀၂၃	လက်ရှိ	၆၇၃	ဥက္ကဋ္ဌ
	ဒုတိယဗိုလ်ချုပ်ကြီး မိုးမြင့်ထွန်း[၃]	၄ ဧပြီ ၂၀၂၂	၁၇ စက်တင်ဘာ ၂၀၂၃	၅၃၁
၂	ဒေါက်တာပွင့်ဆန်း[၄]	၄ ဧပြီ ၂၀၂၂	၁၉ ဩဂုတ် ၂၀၂၂	၁၃၇	အဖွဲ့ဝင်
	ဒုတိယဗိုလ်ချုပ်ကြီး ညိုစော[၅]	၅ ဇူလိုင် ၂၀၂၃	လက်ရှိ	၇၄၈
၃	ဦးဝင်းရှိန်	၄ ဧပြီ ၂၀၂၂	လက်ရှိ	၁၂၀၅	အဖွဲ့ဝင်
၄	ဒေါက်တာကံဇော်	၄ ဧပြီ ၂၀၂၂	၁၉ ဩဂုတ် ၂၀၂၂	၁၃၇	အဖွဲ့ဝင်
	ဦးအောင်နိုင်ဦး	၁၉ ဩဂုတ် ၂၀၂၂	၂၈ စက်တင်ဘာ ၂၀၂၃	၃၇၄
	ဦးထွန်းအုံ	၂၈ စက်တင်ဘာ ၂၀၂၃	လက်ရှိ	၆၆၃
၅	ဒေါက်တာ ခင်နိုင်ဦး	၂၈ စက်တင်ဘာ ၂၀၂၃	လက်ရှိ	၆၆၃	အဖွဲ့ဝင်
၆	ဦး​သန်းညိန်း	၄ ဧပြီ ၂၀၂၂	၁၈ ဩဂုတ် ၂၀၂၂	၁၆၇	အဖွဲ့ဝင်
	ဒေါ်သန်းသန်းဆွေ	၁၉ ဩဂုတ် ၂၀၂၂	လက်ရှိ	၁၀၃၇
၇	ဦးအောင်နိုင်ဦး	၄ ဧပြီ ၂၀၂၂	၁၈ ဩဂုတ် ၂၀၂၂	၁၆၇	အတွင်းရေးမှူး
	ဒေါက်တာကံဇော်	၁၉ ဩဂုတ် ၂၀၂၂	လက်ရှိ	၁၀၃၇

လုပ်ငန်းတာဝန်များ

• နိုင်ငံအတွင်းရှိ ရင်းနှီးမြှုပ်နှံမှုလုပ်ငန်းများ၊ ကုန်ထုတ်လုပ်မှုလုပ်ငန်းများက လိုအပ်သည့် စက်ပစ္စည်းများ၊ လုပ်ငန်းသုံးယာဉ်ယန္တရားများ၊ ကုန်ထုတ်လုပ်မှုအတွက် လိုအပ်သည့် အသုံးအဆောင်များနှင့် ကုန်ကြမ်းပစ္စည်းများစသည်တို့ တင်သွင်းရာတွင် လိုအပ်သည့် နိုင်ငံခြားသုံးငွေအား စိစစ်ခွင့်ပြုပေးခြင်း၊

• ပြည်သူအများ စားဝတ်နေရေးအတွက် လိုအပ်သည့် စက်သုံးဆီ၊ ဆေးဝါး၊ စားသုံးဆီ၊ ဓာတ်မြေဩဇာ၊ ပိုးသတ်ဆေး၊ ပြည်တွင်း၌ဝယ်ယူရရှိနိုင်ခြင်းမရှိသည့် တည်ဆောက်ရေးလုပ်ငန်းသုံးပစ္စည်းများ အစရှိသည်တို့ ဝယ်ယူတင်သွင်းရာတွင် လိုအပ်သည့် နိုင်ငံခြားသုံးငွေအား စိစစ်ခွင့်ပြုပေးခြင်း၊

• နိုင်ငံသားများ လူမှုရေးကိစ္စအလို့ငှာ ပြည်ပသို့သွားရောက်ဆေးဝါးကုသခြင်း၊ ပညာရေးကိစ္စများအတွက် သွားရောက်ခြင်းနှင့် ဘာသာရေးကိစ္စများအတွက် သွားရောက်ခြင်း စသည်တို့အတွက် လိုအပ်သည့် နိုင်ငံခြားသုံးငွေအား စိစစ်ခွင့်ပြုပေးခြင်း၊

• အထွေထွေဆိုင်ရာပစ္စည်းများ ပြည်ပမှတင်သွင်းခြင်း၊ ပြည်ပသို့ချေးငွေနှင့် အတိုးများပြန်လည်ပေးဆပ်ခြင်း၊ ဝန်ဆောင်ခများပေးချေခြင်း၊ ရင်းနှီးမြှုပ်နှံမှုလုပ်ငန်းများမှ အမြတ်ငွေများ ပြန်လည်လွှဲပို့ခြင်းစသည့် ကိစ္စများတွင် အသုံးပြုရန် လိုအပ်သည့် နိုင်ငံခြားသုံးငွေအား စိစစ်ခွင့်ပြုပေးခြင်း၊

• လူမှုအသုံးအဆောင် ဇိမ်ခံပစ္စည်းများ တင်သွင်းမှုအတွက် မဖြစ်မနေတင်သွင်းရန် လိုအပ်မှုအပေါ် နိုင်ငံခြားသုံးငွေစိစစ်ခွင့်ပြုပေးခြင်း၊

• နိုင်ငံအတွင်းရှိ ပြည်တွင်း ပြည်ပ ရင်းနှီးမြှုပ်နှံမှုလုပ်ငန်းများ၊ ကုန်ထုတ်လုပ်ငန်းများ၊ ပို့ကုန်/သွင်းကုန် လုပ်ငန်းများနှင့် ပညာရေး၊ ကျန်းမာရေးအပါအဝင် ဝန်ဆောင်မှုလုပ်ငန်းများအတွက် နိုင်ငံခြားသုံးငွေ လည်ပတ်မှုဆိုင်ရာကိစ္စရပ်များအား ကြီးကြပ်ကွပ်ကဲခြင်း။