ဖလုံ-စဝေါ် ဒီမိုကရက်တစ်ပါတီ

ဖလုံ-စဝေါ် ဒီမိုကရက်တစ်ပါတီ (အင်္ဂလိပ်: Phalon-Sawaw Democratic Party; PSDP) သည် ၂၀၁၀ ခုနှစ်တွင် စတင်ပေါ်ပေါက်လာသော ကရင်လူမျိုးများ ကိုယ်စားပြု နိုင်ငံရေးပါတီတစ်ခု ဖြစ်သည်။^[၂]

ဖလုံ-စဝေါ် ဒီမိုကရက်တစ်ပါတီ
နာယက	ဦးစောသိန်းအောင်
အထွေထွေ အတွင်းရေးမှူး	ဦးစောတင်လှိုင်
တည်ထောင်ခြင်း	၄ ဇွန် ၂၀၁၀; ၁၅ နှစ် အကြာက (၂၀၁၀-၀၆-04)[၁]
ဌာနချုပ်	ဘားအံမြို့၊ ကရင်ပြည်နယ်၊ မြန်မာနိုင်ငံ
နိုင်ငံရေး သဘောတရား	ကရင်လူမျိုး အခွင့်အရေး
မှတ်ပုံတင်အမှတ်	၄
အမျိုးသားလွှတ်တော် အမတ်နေရာ	၀ / ၂၂၄
ပြည်သူ့လွှတ်တော် အမတ်နေရာ	၀ / ၄၄၀
ပြည်နယ်နှင့် တိုင်းဒေသကြီး လွှတ်တော်များ အမတ်နေရာ	၀ / ၈၈၀
မြန်မာနိုင်ငံ၏ နိုင်ငံရေး နိုင်ငံရေးပါတီများ

သမိုင်းကြောင်း

ပါတီကို ၂၀၁၀ ခုနှစ် ဧပြီ ၂၃ ရက်နေ့တွင် တည်ထောင်ခွင့် လျှောက်ထားခဲ့ရာ မေလ ၄ ရက်နေ့တွင် တည်ထောင်ခွင့် ရရှိခဲ့သည်။^[၃][၄] ၂၀၁၀ အထွေထွေ ရွေးကောက်ပွဲတွင် အမျိုးသားလွှတ်တော်နေရာအတွက် လေးဦးဝင်ရောက်ယှဉ်ပြိုင်ခဲ့ရာ သုံးဦးအနိုင်ရရှိခဲ့သည်။ ပြည်သူ့လွှတ်တော်အတွက် ငါးဦး ဝင်ရောက်ယှဉ်ပြိုင်ခဲ့ရာ နှစ်ဦး အနိုင်ရရှိခဲ့သည်။^[၅]

ပါတီမှတ်ပုံတင်ခြင်း

အသစ်ပြဋ္ဌာန်းလိုက်သည့် ဥပဒေအရ ပြန်လည်မှတ်ပုံတင်ကြရန် ရွေးကောက်ပွဲကော်မရှင်က ကြေညာခဲ့ပြီးနောက် ၂၀၂၃ ခုနှစ် နိုင်ငံရေးပါတီများ မှတ်ပုံတင်ခြင်းနည်းဥပဒေအရ ပြည်ထောင်စုရွေးကောက်ပွဲကော်မရှင်သို့ မှတ်ပုံတင်ခဲ့ရာ ၂၀၂၃ ခုနှစ်၊ ဧပြီလ ၂၅ ရက်နေ့တွင် မှတ်ပုံတင်အမှတ် (၄) ဖြင့် ခွင့်ပြုခဲ့သည်။