၂၀၁၅ အမျိုးသားအားကစားပွဲတော်

၂၀၁၅ အမျိုးသားအားကစားပွဲတော်သည် နေပြည်တော်မြို့တွင် ၂၀၁၅ခုနှစ် ဖေဖော်ဝါရီလ ၂၁ရက်မှ ၂၈ရက်နေ့အထိ ကျင်းပခဲ့သော စတုတ္ထအကြိမ် အမျိုးသားအားကစားပွဲတော် ဖြစ်သည်။ ပြည်ထောင်စုနယ်မြေ ၁ ခု၊ ပြည်နယ်နှင့်တိုင်း ၁၄ ခုတို့မှ ဝင်ရောက် ယှဉ်ပြိုင်ခဲ့ကြသည်။ ၁၉၉၇ ခုနှစ်တွင် ရန်ကုန်မြို့၌ တတိယအကြိမ် အမျိုးသားအားကစားပွဲတော်ကျင်းပပြီး ၁၈ နှစ်အကြာမှ ပြန်လည်ကျင်းပနိုင်ခဲ့ခြင်း ဖြစ်သည်။

၂၀၁၅ အမျိုးသားအားကစားပွဲတော်
2015 National Sports Festival

ကျင်းပရာမြို့	နေပြည်တော်မြို့
ပါဝင်သောအသင်းများ	၁၅
ကစားပွဲအမျိုးအစား	၃၄ (၂၇နည်း)
ဖွင့်ပွဲအခမ်းအနား	၂၁ ​ဖေ​ဖော်ဝါရီ
ပိတ်ပွဲအခမ်းအနား	၂၈ ​ဖေ​ဖော်ဝါရီ
တရားဝင်ဖွင့်လှစ်ပေးခဲ့သူ	ဦးဉာဏ်ထွန်း ဒုတိယသမ္မတ
တရားဝင်ပိတ်သိမ်းပေးခဲ့သူ	ဦးဉာဏ်ထွန်း ဒုတိယသမ္မတ
အဓိကအားကစားကွင်း	ဝဏ္ဏသိဒ္ဓိ မိုးလုံလေလုံအားကစားရုံ (ဖွင့်ပွဲ) ဝဏ္ဏသိဒ္ဓိ အားကစားကွင်း (ပိတ်ပွဲ)
<  ၁၉၉၇ ၂၀၂၄  >

ဤပွဲတော်သည် ၂၀၁၅ အရှေ့တောင်အာရှ အားကစားပြိုင်ပွဲအတွက် မျိုးဆက်သစ်များ ထွက်ပေါ်လာစေရန် ရည်ရွယ်သည်။^[၁]ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီးတို့က ပထမ၊ ဒုတိယ၊ တတိယ ရရှိခဲ့သည်။

ပြိုင်ပွဲကျင်းပခြင်း

ပထမအကြိမ်၊ ဒုတိယအကြိမ်နှင့် တတိယအကြိမ် အမျိုးသားအားကစားပွဲတော်များမှာ ၁၉၉၂၊ ၁၉၉၄၊ ၁၉၉၇ ခုနှစ်တို့တွင် ရန်ကုန်မြို့၌ ကျင်းပခဲ့သည်။ ထို့နောက် ကျင်းပရန်အခက်အခဲများကြောင့် ဆက်လက်ကျင်းပခြင်းမရှိခဲ့ပေ။^[၂]၂၀၁၅ခုနှစ်ရောက်မှသာ ပြန်လည်ကျင်းပနိုင်ခဲ့သည်။ ပြိုင်ပွဲကို နေပြည်တော်တွင် ကျင်းပခဲ့သည်။ ပြိုင်ပွဲ၏ပွဲစဉ်အချို့ကို ဇန်နဝါရီ (၈)ရက်​နေ့ကတည်းကပင် စတင်ကျင်းပခဲ့သည်။^[၃]

ပွဲများနှင့်အားကစား

ဖွင့်ပွဲအခမ်းအနား

၂၀၁၅ အမျိုးသားအားကစားပွဲတော် ဖွင့်ပွဲကို ၂၀၁၅ခုနှစ် ဖေဖော်ဝါရီလ (၂၁) ရက်နေ့ နံနက် (၈) နာရီတွင် ဝဏ္ဏသိဒ္ဓိအားကစားရုံ (ဘီ) ၌ ကျင်းပခဲ့သည်။ ဒုတိယသမ္မတ ဦးဉာဏ်ထွန်း က အားကစာယပွဲတော်ကို ဖွင့်လှစ်ပေးခဲ့သည်။

ပိတ်ပွဲအခမ်းအနား

၂၀၁၅ အမျိုးသားအားကစားပွဲတော် ပိတ်ပွဲကို ၂၀၁၅ခုနှစ် ဖေဖော်ဝါရီလ (၂၈) ရက်နေ့ ညနေ (၆) နာရီတွင် ဝဏ္ဏသိဒ္ဓိအားကစားကွင်းတွင် ကျင်းပခဲ့သည်။ ပိတ်ပွဲမစမီတွင် အမျိုးသားဘောလုံးပြိုင်ပွဲ ဗိုလ်လုပွဲ ကျင်းပခဲ့သည်။ ဒုတိယသမ္မတ ဦးဉာဏ်ထွန်းက ပွဲတော်ကို ပိတ်သိမ်းပေးခဲ့သည်။

ပါဝင်သည့်အသင်းများ

• ကချင်ပြည်နယ်
• ကယားပြည်နယ်
• ကရင်ပြည်နယ်
• ချင်းပြည်နယ်
• စစ်ကိုင်းတိုင်းဒေသကြီး
• တနင်္သာရီတိုင်းဒေသကြီး
• ပဲခူးတိုင်းဒေသကြီး
• မကွေးတိုင်းဒေသကြီး
• မန္တလေးတိုင်းဒေသကြီး
• မွန်ပြည်နယ်
• ရခိုင်ပြည်နယ်
• ရန်ကုန်တိုင်းဒေသကြီး
• ရှမ်းပြည်နယ်
• ဧရာဝတီတိုင်းဒေသကြီး
• နေပြည်တော်ပြည်ထောင်စုနယ်မြေ

အားကစားနည်းများ

• ​ပြေးခုန်ပစ်
• ကြက်​တောင်ရိုက်
• ဘတ်စကက်ဘော
• ဘီလိယက်နှင့် စနူကာ
• ကာယကြံ့ခိုင်မှု
• လက်​ဝှေ့
• စစ်တုရင်
• ခြင်းလုံး
• စက်ဘီးစီး
• ​ဘောလုံး
• ဖူဆယ်
• ​ဂေါက်သီး
• ​ဂျူဒို
• ​ကရာ​တေး
• ပိုက်​ကျော်ခြင်း
• ​ရေကူး/ဒိုင်ဗင်
• ရိုးရာလက်​ဝှေ့
• စားပွဲတင်တင်းနစ်
• တိုက်ကွမ်ဒို
• တင်းနစ်
• မြန်မာ့သိုင်း
• ​ဘော်လီ​ဘော
• အ​လေးမ
• ဝူရှုး
• ၃မျိုးဆင့် အားကစား
• ခရစ်ကတ်

အာရှအားကစားပြိုင်ပွဲတွင် အသုံးပြုခဲ့သော အားကစားကွင်း/ရုံများတွင် ကျင်းပခဲ့သည်။ ထို့အပြင် လယ်ဝေးနှင့် ပျဉ်းမနားမြို့များရှိ အားကစားကွင်းများကိုလည်း အသုံးပြုခဲ့သည်။ အားကစားနည်းပေါင်း (၂၇)နည်းတွင် အမျိုးသား (၂,၈၉၅)ဦး၊ အမျိုးသမီး (၁,၄၆၆)ဦးတို့ ပါဝင်ယီဉ်ပြိုင်ကြသည်။ ထို့အပြင် အားကစားနည်း (၇)နည်းဖြင့် မသန်စွမ်းအားကစားပြိုင်ပွဲလည်း ပါဝင်သည်။^[၄]