Back in the U.S.A.

«Back in the U.S.A.» er ein song av Chuck Berry, gjeven ut i 1959 og vart då ein hit. Ein coverversjon i 1978 av Linda Ronstadt vart òg ein hit. .

Back in the U.S.A. Singel av Chuck Berry
B-side	Memphis, Tennessee
Språk	engelsk
Utgjeve	Juni 1959
Sjanger	Rock and roll
Lengd	2:27
Selskap	Chess 1729
Komponist	Chuck Berry
Tekstforfattar	Chuck Berry
Låtskrivar(ar)	Chuck Berry
Chuck Berry-kronologi
Almost Grown (1959)	Back in the U.S.A.	Broken Arrow (1959)

Chuck Berry-versjonen

Chuck Berry gav først ut songen på Chess Records i 1959 som singel. Singelen nådde 37. plassen på Billboard Hot 100. Han nådde òg 16. plassen på R&B-lista. Songen kom seinare ut på Berry-albumet More Chuck Berry i 1962. Teksten vart visstnok skriven etter at Berry kom attende til USA etter ei reise til Australia og sett levevilkåra til aboriginane.

Innspeling

Songen vart spelt inn 17. februar 1959, i Chicago.

• Chuck Berry, vokal og gitar
• Johnnie Johnson på piano
• Willie Dixon på bass
• Fred Below på trommer
• Etta James og The Marquees, korvokal

Etta James og The Marquees, med ein ung Marvin Gaye, syng korvokal på innspelinga, som vart produsert av Leonard og Phil Chess.^[1]

Linda Ronstadt-versjonen

Back in the USA Singel av Linda Ronstadt frå albumet Living in the USA
B-side	White Rhythm & Blues
Språk	engelsk
Utgjeve	1. august 1978
Sjanger	Rock
Lengd	3:02
Selskap	Asylum
Komponist	Chuck Berry
Tekstforfattar	Chuck Berry
Låtskrivar(ar)	Chuck Berry
Produsent	Peter Asher
Linda Ronstadt-kronologi
«Tumbling Dice» (1978)	Back in the USA	«Ooh Baby Baby» (1978)

Ronstadt hadde høyrd Berry-originalen då ho vart køyrd kring Los Angeles av Eagles-medlemmet Glenn Frey, som ein gong hadde spelt i bandet hennar. Songen var på ein kassett som Frey hadde teke opp sjølv.^[2]

Singelen til Ronstadt nådde 11. plassen på Cash Box-lista og 16. plassen på Billboard Hot 100-lista. 16. oktober 1987 gjekk Ronstadt på scenen med Chuck Berry i Fox Theater i St Louis som ein del av 60-årsfeiringa til Berry. Trass i at songen var øvd inn i C, la Berry han om til G, ein mykje høgare toneart, utan at Ronstadt var klar over det. I følgje produsenten Slocombe var «Linda Ronstadt så profesjonell. Du kan ikkje høyre at ho slit. Men ho vart så forbanna at ho gjekk rett av scenen etter songen og køyrde heim og kom ikkje attende for den andre konserten. Ronstadt/Berry-framføringa av «Back in the U.S.A.» vart filma og gjeven ut i 1987 som filmen Hail! Hail! Rock 'n' Roll.^[3]

Medverkande

• Linda Ronstadt – solovokal
• Dan Dugmore – elektrisk gitar
• Waddy Wachtel – elektrisk gitar, korvokal
• Don Grolnick – piano
• Kenny Edwards – bass, korvokal
• Russell Kunkel – trommer
• Peter Asher – korvokal

Salslister

Vekeslister Liste (1978) Plassering Australia KMR[4] 18 Canada RPM Top Singles[5] 8 Canada RPM Country 43 New Zealand 24 Sør-Afrika (Springbok Radio SA Top 20)[6] 11 US Billboard Hot 100[7] 16 US Billboard Adult Contemporary 30 US Billboard Country 41 US Cash Box Top 100[8] 11

Årslister Liste (1978) Plassering Canada RPM Top Singles[9] 83 US (Joel Whitburn's Pop Annual)[10] 113 US Cash Box[11] 88

Andre versjonar

• «Back in the USA» vart parodiert av The Beatles med songen deira «Back in the U.S.S.R.» frå The Beatles (eller White Album) i 1968.^[12]
• MC5 spelte inn songen i 1970 på det andre albumet sitt, som òg vart kalla Back in the USA.
• I 1972 vart songen spelt inn av Banana and the Bunch på albumet Mid-Mountain Ranch.
• I 1972 kom eit konsertopptak ut på albumet Roadwork av Edgar Winter's White Trash.
• Songen vart spelt av Jonathan Richman og The Modern Lovers i 1976 på det sjølvoppkalla andrealbumet deira.
• Gene Summers spelte songen i 1983 på albumet hans 'Live' In Scandinavia, og han nytta ofte songen som opningsnummer på konsertane sine.^[13]
• Chris Robinson og Rich Robinson frå The Black Crowes framførte songen under Kennedy Center Honors for Berry i 2000.
• Songen var avslutningsnummer av Bruce Springsteen and the E Street Band på eit kjend konsert i Main Point i Bryn Mawr den 5. februar 1975.