Dovre kommune

Dovre kommune ligg nord i Gudbrandsdalen i Innlandet fylke og grensar i vest til Lesja kommune, i sør til Vågå og Sel, i aust til Folldal i Hedmark og i nord til Oppdal i Sør-Trøndelag. Store delar av kommunen ligg høgt over havet og inkluderer Snøhetta og nordlege delar av Rondane. I kommunen ligg det to kjente fjell; Snøhetta og Rondeslottet. Den mest kjente innsjøen er Vålåsjøen på Dovrefjell.

Dovre kommune
kommune
Kommunevåpen
Land	Noreg
Fylke	Innlandet
Adm.senter	Dovre
Areal	1 364 km²
•  land	1 352 km²
•  vatn	12 km²
Folketal	2 516  (1. januar 2025)
Målform	nøytral
Ordførar	Astrid Skomakerstuen Ruste[1] (Ap)
Kommunenr.	3431
Dovre kommune 62.035°N 9.4675°E / 62.035; 9.4675
Kart som viser Dovre kommune. Kart som viser Dovre kommune.
Wikimedia Commons: Dovre
Nettstad: www.dovre.kommune.no

Dei to viktigaste tettstadene er Dovre og Dombås. I tillegg kjem Dovreskogen. Kommunesenteret ligg på tettstaden Dovre, medan kommunikasjonsknutepunktet er Dombås. Her skil trafikken mot Trøndelag og Møre og Romsdal lag.

Kommunen er kjend for eit rikt plante og dyreliv. Delar av kommunen inngår i tre nasjonalparkar: Dovrefjell-Sunndalsfjella nasjonalpark, Rondane Nasjonalpark og Dovre nasjonalpark.

Hovudnæringane i kommunen er landbruk, reiseliv, handel og service.

Geografi

Kili gard i Dovre

Foto: Erlend Bjørtvedt

Dovre stasjon på Dovrebanen

Foto: Jan-Tore Egge

Gjennom kommunen renn Gudbrandsdalslågen. Delar av kommunen inngår i tre nasjonalparkar: Dovrefjell-Sunndalsfjella nasjonalpark, Rondane Nasjonalpark og Dovre nasjonalpark. I kommunen ligg det 2 kjente fjell; Snøhetta og Rondeslottet. Den mest kjente innsjøen er Vålåsjøen på Dovrefjell.

Dyre- og planteliv

Kommunen er kjent for eit rikt plante- og dyreliv. Spesielt kan nemnast moskusen som òg er avbilda i kommunevåpenet. Det er òg bestandar av villrein og jerv i kommunen. Fokstumyrene er internasjonalt kjent for sitt rike fugleliv. Planta mogop er avbilda i fylkesvåpenet for Oppland.

Klima

Dovre har innlandsklima med lite nedbør, kalde vintrar og relativt kjølige somrar grunna kommunens høgd over havet. Det er betydelege skilnader mellom dag- og nattetemperaturen i sommarhalvåret. Normalverdiar for perioden 1961−1990 er gitt i tabellen nedanfor.

Normalar for Dombås (645 moh.)[2]	Jan	Feb	Mar	Apr	Mai	Jun	Jul	Aug	Sep	Okt	Nov	Des	År
Temperaturnormal (°C)	−9,4	−8,2	−4,3	0,3	6,5	10,7	12,0	11,1	6,6	2,2	−4,3	−7,7	1,3
Nedbør (mm)	33	25	23	14	27	51	57	49	40	43	35	33	430

Dovre har noregsrekorden for lågaste registrerte årsnedbør. På Hjerkinn blei det i 1914 målt så lite som 65 mm nedbør.

Historie

Kommunen låg i Oppland fylke fram til 2020.

Kommunikasjonar

Dombås er kommunikasjonsknutepunktet. Her startar Raumabana som går ned til Åndalsnes. Dovrebana går sørover til Oslo og nordover til Trondheim. På Dombås tar E-136 av frå E-6. I kommunen ligg det fleire historiske skysstasjonar; Hjerkinn, Fokstua, Lie seinare flytta til Dombås, Tofte seinare flytta til Toftemo og Dovreskogen seinare flytta til Brennhaugen.

Næringsliv

Landbruket og tilknytte næringar er viktige i Dovre, der ein hovudsakleg driv med grasbasert husdyrhald. Reiseliv er òg ei viktig næring i kommunen, som mellom anna satsar på moskussafari. Trafikknutepunktet Dombås sysselset fleire i servicenæringar. Av industri har Dovre ysteri, møbelfabrikk og skiferproduksjon. Mellom 1968 og 1993 dreiv Folldal Gruver gruvedrift i Tverrfjellet på Hjerkinn. Avisa Vigga er lokalavis for Dovre og Lesja kommunar.

Utdanning

Dovre har to barneskular, Dovre skule og Dombås skule. Den einaste ungdomsskulen, Dovre ungdomsskule er samlokalisert med Nord-Gudbrandsdal vidaregåande skule på Dombås. Den vidaregåande skulen tilbyr berre studiespesialisering her. Hjerleid skole og håndverkssenter på Dovre har vidaregåande, landsfemnande utdanningar i treskjering, smiing og andre tradisjonshandverk. Tidlegare var det også offentleg vidaregåande utdanning på Hjerleid i mellom anna landbruksmekanikk, bygg og studiespesialisering. På Dombås ligg leirskulen Dovre fjellskole.

Kommunevåpen

Moskusen er eit sentralt symbol for kommunen, og inngår i kommunevåpenet. Han representerer styrke, byrgskap og sjølvrådigskap, og refererer til den faste, ville moskusstammen i kommunen.

Kjente dovringar

• Hans L. Bergseng, treskjerar
• Sigurd Einbu, astronom busett på Dombås
• Ragnar Solberg, diktar fødd og busett på Fokstua
• Anita Killi, animatør og filmskapar busett i Dovre
• Åse Thoresen, songar
• Børt-Erik Thoresen, songar og fjernsynsmann
• Eli Hagen, lokalpolitikar i FrP