Memory Almost Full

Memory Almost Full er det 14. studioalbumet til Paul McCartney. Det kom ut i Storbritannia den 4. juni 2007 og i USA dagen etter. Albumet var det første som kom ut på Starbucks sitt Hear Music. Albumet var produsert av David Kahne og spelt inn i Abbey Road Studios, Henson Recording Studios, AIR Studios, Hog Hill Mill Studios og RAK Studios mellom oktober 2003 og frå 2006 til februar 2007.^[12] Innimellom 2003 og 2006 spelte McCartney inn albumet Chaos and Creation in the Backyard (2005) med produsenten Nigel Godrich.

Memory Almost Full Studioalbum av Paul McCartney
Språk	engelsk
Utgjeve	4. juni 2007
Innspelt	Oktober 2003 - februar 2004 Mars 2006 – februar 2007
Studio	Abbey Road Studios i London; Henson Recording Studios i Los Angeles; RAK Studios i London; Hog Hill Mill Studios i Sussex; AIR Studios i London
Sjanger	Rock
Lengd	42:05
Selskap	Hear Music
Produsent	David Kahne
Paul McCartney-kronologi
Ecce Cor Meum (2006)	Memory Almost Full	iTunes Festival: London (2007)
Singlar frå Memory Almost Full
«Ever Present Past» Utgjeve: 20. april 2007 «Dance Tonight» Utgjeve: 18. juni 2007 «Nod Your Head» Utgjeve: 28. august 2007

Meldingar
Samla karakter
Kjelde	Karakter
Metacritic	69/100[1]
Karakter
Kjelde	Karakter
Allmusic	[2]
Entertainment Weekly	A−[3]
The Guardian	[4]
Los Angeles Times	[5]
The Observer	[6]
Pitchfork Media	(6.4/10)[7]
PopMatters	(5/10)[8]
Robert Christgau	[9]
Rolling Stone	[10]
BBC	positiv[11]

Memory Almost Full nådde Topp 5 i både Storbritannia, USA, Danmark, Sverige, Hellas og Noreg. Albumet vart nominert til Grammyprisen og har seld over to millionar eksemplar verda over^[13] og har fått gullplate i USA.^[14] Albumet vart gjeve ut i tre forskjellige versjonar: ei enkel plate, ei dobbelplate og ei luksusutgåve med CD og DVD.

Bakgrunn

Ni demoar vart spelte inn i The Mill i september 2003 av McCartney og turnébandet hans.^[15] Ein månad seinare, i oktober,^[16] byrja innspelinga for Memory Almost Full og vart produsert av David Kahne i Abbey Road Studios.^[15] McCartney og bandet spelte inn songane «You Tell Me», «Only Mama Knows», «Vintage Clothes», «That Was Me», «Feet in the Clouds», «House of Wax», «The End of the End» og «Whole Life».^[17] Men innspelinga vart avslutta og sett på vent, medan McCartney byrja på eit nytt album, Chaos and Creation in the Backyard, med produsenten Nigel Godrich.^[15]

Albumtittelen Memory Almost Full, er eit anagram for «for my soulmate LLM» («for sjelevenen min LLM», initialane til Linda Louise McCartney).^[13] Då han vart spurt om det var meininga svarte McCartney: «Det er best om somme ting held fram å vere eit mysterium».^[18] I eit seinare intervju med Pitchfork Media sa McCartney vidare, «Eg må sei, nokon sa til meg at det er eit anagram, og eg syns det eit mysterium, fordi det er så komplett. Det verkar å vere eit anagram i tittelen. Og det er eit mysterium. Det var ikkje gjort med vilje.»^[19]

Utgjeving

Albumet var det første han gav ut på Starbucks-selskapet Hear Music etter å ha vore 45 år på Capitol/EMI.^[16] McCartney var den første artisten på Hear Music.^[20] Den første amerikanske singelen, «Ever Present Past», vart først spelt på radio den 20. april.^[21] Det vart laga ein musikkvideo for «Dance Tonight» som vart lagt ut på YouTube den 23. mai.^[22] Albumet kom ut 4. juni 2007 i Storbritannia og dagen etter i USA.

Singelen «Dance Tonight» kom ut på 65-årsdagen til McCartney, den 18. juni, som ein digital singel. Ei fysisk utgåve på CD kom ein månad seinare, 23. juli.^[22] I musikkvideoen spelar Natalie Portman og Mackenzie Crook, og han vart regissert av Michel Gondry.^[23] Den tredje singelen, «Nod Your Head» vart gjeven ut digitalt den 28. august via iTunes Store.^[24]

Albumet vart rangert på 22. plassen på lista til Rolling Stone over dei 50 beste albuma i 2007.^[25]

I USA nådde albumet tredjeplassen på Billboard 200 med 161 000 selde eksemplar de første veka, den høgaste plasseringa til McCartney der sidan Flaming Pie i 1997.^[26] 47 % av albumsala frå opningsveka kom frå Starbucks-butikkar.^[20] Det vart annonsert av album selde i Starbucks-butikkar i Storbritannia ikkje ville bli talt av Official UK Charts, fordi dei ikkje var registrert i teljesystemet, men Memory Almost Full klarte likevel å nå femteplassen på UK Album Charts.^[27] Albumet nådde òg toppen av Billboard Internet Sales-lista,^[28] og tredjeplassen på Billboard Top Internet Albums Downloads.^[29]

«Ever Present Past» nådde 10. plassen på Bubbling Under Hot 100,^[30] og 16. plassen på Billboard Adult Contemporary.^[29] «Dance Tonight» nådde 46. plassen på Billboard Hot Digital Songs, 58. plassen på Billboard Pop 100, og til slutt 69. plassen på Billboard Hot 100.^[29]

Innhald

Nr.	Tittel	Lengd
1.	«Dance Tonight»	2:54
2.	«Ever Present Past»	2:57
3.	«See Your Sunshine»	3:20
4.	«Only Mama Knows»	4:17
5.	«You Tell Me»	3:15
6.	«Mr. Bellamy»	3:39
7.	«Gratitude»	3:19
8.	«Vintage Clothes»	2:22
9.	«That Was Me»	2:38
10.	«Feet in the Clouds»	3:24
11.	«House of Wax»	4:59
12.	«The End of the End»	2:57
13.	«Nod Your Head»	1:58

Alle spor skrivne av Paul McCartney

Japansk bonusspor

Nr.	Tittel	Lengd
14.	«Why So Blue»	3:11

Bonusspor på iTunes

Nr.	Tittel	Lengd
14.	«Dance Tonight» (Akustisk miks, bonus ved førehandsbestilling på iTunes)	2:47

Bonusplate for avgrensa dobbel-CD-utgåve

Nr.	Tittel	Lengd
1.	«In Private»	2:08
2.	«Why So Blue»	3:11
3.	«222»	3:38
4.	«Paul talks about the music of Memory Almost Full»	26:04

Bonusspor på luksusutgåva

Nr.	Tittel	Lengd
14.	«In Private»	2:08
15.	«Why So Blue»	3:11
16.	«222»	3:38

Bonus-DVD med luksusutgåva: Live at The Electric Ballroom, London, 7. juni 2007

Nr.	Tittel	Låtskrivar(ar)	Lengd
1.	«Drive My Car»	John Lennon, McCartney
2.	«Dance Tonight»
3.	«House of Wax»
4.	«Nod Your Head»
5.	«Only Mama Knows»
6.	«Dance Tonight» (musikkvideo)
7.	«Ever Present Past» (musikkvideo)

Medverkande

Medverkande i følgje plateomslaget.^[31]

Musikar Paul McCartney spelte alle instrumenta utanom på «Only Mama Knows», «You Tell Me», «Vintage Clothes», «That Was Me», «Feet in the Clouds» og «House of Wax», der han fekk med seg følgjande musikarar (alle frå turnébandet hans): Paul 'Wix' Wickens – klaverinstrument Rusty Anderson – gitar Brian Ray – bass Abe Laboriel jr. – trommer

Produksjon David Kahne – produsent og programmering Adam Noble, David Kahne, Steve Orchard, Geoff Emerick, Paul Hicks – lydteknikar Jamie Kirkham, Eddie Klein, Adam Noble, Chris Bolster, Kevin Mills, Mirek Stiles – assisterande lydteknikars David Kahne Andy Wallace – miksing Bob Ludwig – mastering Humphrey Ocean – plateomslag Max Vadukul – fotografi inni omslaget Rebecca og Mike – idear

Grammy-nominasjonar

• Beste popalbum med vokal (2008)^[32]
• Beste mannlege popsong for «Dance Tonight» (2008)^[32]
• Best rockesong av soloartist for «Only Mama Knows» (2008)^[32]
• Best mannlege popsong for «That Was Me» (2009)

Salslister

Vekeslister Liste (2007) Plassering Australian ARIA Albums Chart[33] 33 Den austerrikske albumlista[34] 17 Den belgiske albumlista (Flandern)[35] 25 Den belgiske albumlista (Vallonia)[36] 25 Den kanadiske albumlista[29] 6 Den danske albumlista[37] 2 Dutch Mega Albums Top 100[38] 6 European Albums Chart[39] 3 Den finske albumlista[40] 33 Den franske SNEP-lista[41] 13 Den tyske Media Control-lista[42] 18 Den greske albumlista[43] 4 Den italienske albumlista[44] 8 Den japanske Oricon-lista[45] 17 Den mexicanske albumlista[46] 17 Den norske VG-lista[47] 4 Den spanske albumlista[48] 17 Den svenske albumlista[49] 3 Den sveitsiske albumlista[50] 20 UK Albums Chart[51] 5 US Billboard 200[29] 3

Årslister Liste (2007) Plassering Den franske albumlista[52] 200 Den italienske albumlista[53] 179 UK Albums Chart[54] 177 US Billboard 200[55] 90 Salstrofé og salstal Region Salstrofé Salstal Canada (Music Canada)[56] Gull 50 000^ Danmark (IFPI Danmark)[57] Gull 15 000[58] Russland (NFPF)[59] Platina 20 000* Japan (Oricon) 43 563[60] Storbritannia (BPI)[61] Gull 105 010[62] USA (RIAA)[63] Gull 546 000[64] *salstala er basert på sertifiseringa aleine ^salstala er basert på sertifiseringa aleine xuspesifserte tal er baserte på sertifiseringa aleine