Wild Horses

«Wild Horses» er ein song av the Rolling Stones på albumet Sticky Fingers frå 1971, skriven av Mick Jagger og Keith Richards. Musikkmagasinet Rolling Stone rangerte songen på 343. plass på lista deira over dei 500 største songane gjennom tidene i 2004.

«Wild Horses» Singel av Rolling Stones frå albumet Sticky Fingers
B-side	«Sway»
Språk	engelsk
Utgjeve	12. juni 1971
Innspelt	Desember 1969–februar 1970
Sjanger	Rock, Roots rock
Lengd	5:42
Selskap	Rolling Stones Records RS-19101
Komponist	Keith Richards, Mick Jagger
Tekstforfattar	Keith Richards, Mick Jagger
Låtskrivar(ar)	Jagger/Richards
Produsent	Jimmy Miller
Rolling Stones-kronologi
«Brown Sugar» (1971)	«Wild Horses»	«Tumbling Dice» (1972)

Mange har meint at Jagger skreiv teksten om Marianne Faithfull, men i omslaget til samlinga Jump Back frå 1993 avkreftar Jagger dette.

The Flying Burrito Brothers spelte inn ei utgåve av songen som kom ut alt i 1970, før The Rolling Stones si utgåve.

Utgjeving

Han kom ut på singel i USA i juni 1971, der han nådde 28. plass på singellista. Sjølv om songen har vore spelt mykje på konsertar, har han ikkje vorte gjeven ut på noko konsertalbum. Ei nyinnspeling av songen kom ut på det albumet Stripped i 1995.

Medverkande

The Rolling Stones

• Mick Jagger – vokal
• Keith Richards – 12-strengs akustisk gitar, elektrisk gitar, korvokal
• Mick Taylor – akustisk gitar
• Bill Wyman – bassgitar
• Charlie Watts – trommer

Andre medverkande

• Jim Dickinson – piano

Salslister

Liste (1971)	Plassering
Canada Top Singles (RPM)[1]	11
US Billboard Hot 100[2]	28
Liste (1996)	Plassering
Canada Top Singles (RPM)[3]	59
Sverige (Sverigetopplistan)[4]	53

Andre versjonar

Mange andre har gjort sine utgåver av songen, mellom andre The Flying Burrito Brothers, Leon Russell, The Cranberries, Elvis Costello, Neil Young, Old and in the Way, The Sundays, Guns N' Roses, Bush, Labelle, The Lovemongers med Chris Cornell, Jewel, Dave Matthews, Garbage, Charlotte Martin, Chantal Kreviazuk, Alicia Keys med Adam Levine, Tre Lux, Iron & Wine, Stone Sour, Honeytribe, Deacon Blue og Elisa.