Punt (signe)

Lo punt (var. ponch) es un signe de pontuacion que s'emplega de tres faiçons diferentas :

au nivèu de la frasa, s'emplega tà marcar la fin d'ua frasa assertica, positiva o negativa, simpla o complèxa, e ua pausa importanta de la votz. Amuisha atau que ne i a pas nada relacion sintaxica entre çò qu'es abans e çò qu'es après. Après un punt, la frasa que segueish comença tostemps per ua letra majuscula. Per exemple : « En dehens, las paraulas que's honhan. Que's tuman. Ne vòlen pas sortir ! »
au nivèu deu mot, lo punt s'emplega quand un mot es redusit a la consonanta iniciau o abracat (anóncias de la premsa...). Totun, ne s'i hica pas nat punt si lo mot abracat consèrva la darrèra letra. Per exemple : M. per Mossur, car. per carrèra, S^r per Sénher, Na per Dauna, D^la per Damisèla...
au nivèu d'un sigle, s'emplega tà destriar las letras capitaus (I.E.O per Institut d'Estudis Occitans). Totun, aqueth emplec n'es pas sistematic e los sigles hèra corrents ne l'utilizan pas (l'SNCF, l'ONU...).

Faits en brèu ., Ponctuacion ...

Ligams intèrnes