Ansgar Mtakatifu

Mtakatifu Ansgar (Amiens, Ufaransa, labda 8 Septemba 801 – Bremen, Ujerumani, 3 Februari 865) alikuwa askofu mmisionari huko Skandinavia.

Mt. Ansgari akiwahubiri Waswidi.

Tangu kale ametambuliwa kuwa mtakatifu.

Sikukuu yake ni 3 Februari^[1].

Maisha

Ansgar alijiunga na monasteri huko Corbie.

Mwaka 826 alikwenda kuhubiri Injili nchini Denmark, ambako hakufanikisha sana, hivyo akaenda Uswidi.

Alikuwa askofu wa Hamburg, halafu akaongezewa Bremen pia, upande wa kaskazini wa Ujerumani. Ndipo alipofariki kutokana na uchovu wa kazi zake, Pia alikuwa balozi wa Papa Gregori IV katika Denmark na Uswidi^[2].

Alivumilia magumu mengi sana katika kazi ya uenezaji Injili, asikate tamaa.

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko