Hanani

Hanani (kwa Kiebrania חנני, Ḥănānî, maana yake: "YHWH amefadhili"; alizaliwa karne ya 10 KK) alikuwa nabii nchini Israeli katika karne ya 9 KK.

Alikuwa baba wa nabii Yehu na inafikiriwa kwamba waliishi kusini^[1] .

Chanzo kikuu cha historia yake ni Kitabu cha pili cha Mambo ya Nyakati, sura ya 16^[2] .

Kadiri ya kitabu hicho, alimlaumu mfalme wa Yuda Asa kwa kufanya agano na mfalme wa Shamu Ben-Hadad I. Kwa ajili hiyo alifungwa na Asa bila kujali malalamiko ya wafuasi wa nabii huyo.

Wengineo

Katika Biblia ya Kiebrania kuna watu wengine watatu wenye jina hilohilo:

• Mmoja kati ya wana wa Heman (1 Nya 25:4, 25).
• Kuhani wa familia ya Immer aliyeoa mwanamke wa mataifa (Ezr 10:20).
• Ndugu wa Nehemia ambaye alimuarifu kuhusu hali mbaya ya Yerusalemu akakabidhiwa naye malango ya mji huo (Neh 1:2; 7:2).