Kanoaldi

Kanoaldi (pia: Chagnoald, Cagnoald, Canoeld, Cagnou, Canoaldus; karne ya 6 - 633 hivi) alikuwa askofu wa 6 wa Laon (Ufaransa) baada ya kuwa mmonaki huko Luxeuil chini ya Kolumbani (594)^[1] .

Huyo alipofukuzwa na mfalme Theuderiki II (610), Kanoaldi alikwenda naye kuinjilisha eneo la Bregenz, kando ya ziwa la Konstanz (Ujerumani) ^[2], halafu aliongozana naye hadi Roma.

Hatimaye aliweza kuongoza jimbo lake hadi alipofariki dunia^[3].

Tangu kale anaheshimiwa na Wakatoliki na Waorthodoksi kama mtakatifu kama ndugu zake Faro na Fara^[4].

Sikukuu yake huadhimishwa tarehe 6 Septemba^[5].

Tazama pia

• Watakatifu wa Agano la Kale
• Orodha ya Watakatifu Wakristo
• Orodha ya Watakatifu wa Afrika
• Orodha ya Watakatifu Wafransisko