கிழக்கு–மேற்கு இணைப்பு விரைவுச்சாலை

கிழக்கு–மேற்கு இணைப்பு விரைவுச்சாலை அல்லது சாலாக் விரைவுச்சாலை (ஆங்கிலம்; East–West Link Expressway அல்லது Salak Expressway; மலாய்: Lebuhraya Hubungan Timur–Barat) என்பது செபுத்தே புறநகர்ப் பகுதியில் இருந்து செராஸ், தாமான் கோனாட் வரையிலான மலேசிய கூட்டரசு நெடுஞ்சாலையில் நீட்டிக்கப்பட்ட ஒரு விரைவுச்சாலை ஆகும்.^[1]

கிழக்கு–மேற்கு இணைப்பு
East–West Link Expressway Lebuhraya Salak
வழித்தடத் தகவல்கள்
பராமரிப்பு அனி பெர்காட் (ANIH Berhad)
நீளம்:	13 km (8.1 mi)
வரலாறு:	கட்டுமான தொடக்கம்: 1993 கட்டுமான நிறைவு: 1995
முக்கிய சந்திப்புகள்
கிழக்கு முடிவு:	தாமான் கோனாட் பரிமாற்றச் சாலை
	செராஸ் நெடுஞ்சாலை   செராஸ்–காஜாங்  சுங்கை பீசி விரைவுச்சாலை  மாஜு விரைவுச்சாலை  கோலாலம்பூர்–சிரம்பான்  கோலாலம்பூர்-கிள்ளான்
மேற்கு முடிவு:	செபுத்தே பரிமாற்றச் சாலை
அமைவிடம்
முதன்மை இலக்குகள்:	செராஸ், பண்டார் துன் ரசாக், தாமான் தேசா
நெடுஞ்சாலை அமைப்பு
மலேசிய நெடுஞ்சாலைகள் விரைவுச் சாலை கூட்டரசு மாநிலம்

பேராக், கிரிக் நகரில் இருந்து கிளாந்தான் ஜெலி வரை செல்லும் கிழக்கு-மேற்கு நெடுஞ்சாலை 4 (East–West Highway/Gerik–Jeli Highway) வழித்தடத்திற்கும் கிழக்கு–மேற்கு எனும் அடைமொழிச் சொற்கள் உள்ளன. இருப்பினும் இந்த கிழக்கு–மேற்கு இணைப்பு விரைவுச்சாலை என்பது கோலாலம்பூர் தென்கிழக்கு பரவல் இணைப்புத் திட்டத்தின் ஒரு பகுதியாகும்.^[1]

இந்த நெடுஞ்சாலையை  என்று சில வரைபடங்கள் பெயரிடுகின்றன. ஏனெனில் இந்தச் சாலை வடக்கு-தெற்கு விரைவுச்சாலை தெற்கு வழித்தடத்துடன் நேரடியாக இணைவதால் அவ்வாறு கருதப்படுகிறது. இருப்பினும் அவ்வாறு குறிப்பிடுவது சரியானது அல்ல; ஏனெனில் இந்த கோலாலம்பூர்–சிரம்பான் விரைவுச்சாலை, பிளஸ் விரைவுச்சாலைகள் அமைப்பினால் நிர்வகிக்கப்படவில்லை. மாறாக மெட்ராமேக் கார்ப்பரேசன் (Metramac Corporation) என்று முன்பு அழைக்கப்பட்ட அனி நிறுவனத்தால் (ANIH Berhad) நிர்வகிக்கப்படுகிறது.

2007-ஆம் ஆண்டில், சாலாக் விரைவுச்சாலையுடன் கோலாலம்பூர்-சிரம்பான் விரைவுச் சாலை இணைக்கப்பட்டது; பின்னர்  எனும் சொந்த வழித்தட எண் வழங்கப்பட்டது. இந்த விரைவுச்சாலையின் கிலோமீட்டர் 0; செபுத்தே மாற்றுச் சாலையில் (Seputeh Interchange) தொடங்குகிறது.

வரலாறு

கிழக்கு-மேற்கு இணைப்பு விரைவுச்சாலையின் கட்டுமானப் பணிகள் 1993-இல் தொடங்கி 1995-இல் நிறைவடைந்தன; 17 ஆகத்து 1995 அன்று திறக்கப்பட்டது. மே 17, 2011-இல், சாலாக் மாற்றுச் சாலையில் (Salak Interchange) இருந்து தாமான் கோனாட் மாற்றுச் சாலை (Taman Connaught Interchange) வரையிலான சுங்கக் கட்டண சேகரிப்பு நீக்கல் செய்யப்பட்டது.^[2]

கூறுகள்

தாமான் கோனாட் பசார் மாலாம் எனும் இரவு சந்தை (Taman Connaught Pasar Malam) ஒவ்வொரு புதன்கிழமையும் மாலை 5:00 மணி முதல் அதிகாலை 1:00 மணி வரை தாமான் கோனாட் குடியிருப்புப் பகுதியில் நடைபெறும். அந்தக் கட்டத்தில் கிழக்கு–மேற்கு இணைப்பு விரைவுச்சாலையில் சட்டவிரோதமாக வாகனங்கள் நிறுத்துப் படுவதால் போக்குவரத்து நெரிசல் ஏற்படுவது வழக்கமாகிறது.

சுங்கக் கட்டணங்கள்

பிரிவு	வாகனங்களின் வகை	கட்டணம் (மலேசிய ரிங்கிட் RM)
0	விசையுந்துகள், மிதிவண்டிகள் அல்லது 2 அல்லது அதற்கும் குறைவான சக்கரங்களைக் கொண்ட வாகனங்கள்	இலவசம் (மே 11, 2011 முதல்)
1	வாடகை உந்துகளைத் தவிர்த்து, 2 அச்சுகள் மற்றும் 3 அல்லது 4 சக்கரங்களைக் கொண்ட வாகனங்கள்
2	பேருந்துகளைத் தவிர்த்து, 2 அச்சுகள் மற்றும் 5 அல்லது 6 சக்கரங்களைக் கொண்ட வாகனங்கள்
3	3 அல்லது அதற்கு மேற்பட்ட அச்சுகளைக் கொண்ட வாகனங்கள்
4	வாடகை உந்துகள்
5	பேருந்துகள்

மேலும் காண்க

• செராஸ் நெடுஞ்சாலை
• செராஸ்–காஜாங் விரைவுச்சாலை
• கோலாலம்பூர்–சிரம்பான் விரைவுச்சாலை
• கோலாலம்பூர்-கிள்ளான் நெடுஞ்சாலை
• சுங்கை பீசி விரைவுச்சாலை