சுங்கை காடுட் கொமுட்டர் நிலையம்

சுங்கை காடுட் கொமுட்டர் நிலையம் (ஆங்கிலம்: Sungai Gadut Komuter Station; மலாய்: Stesen Komuter Sungai Gadut) என்பது மலேசியா, நெகிரி செம்பிலான், சிரம்பான் மாவட்டம், சுங்கை காடுட் நகர்ப்பகுதியில் அமைந்துள்ள பயணிகள் தொடருந்து நிலையம் ஆகும். சுங்கை காடுட் நகர்ப்பகுதியில் இந்த நிலையம் அமைந்துள்ளதால், சுங்கை காடுட் நகரத்தின் பெயரில் அதற்கும் பெயரிடப்பட்டது.^[1]

சுங்கை காடுட்
KB16  | கொமுட்டர் Sungai Gadut Komuter Station
சுங்கை காடுட் கொமுட்டர் நிலையம் (2022)
பொது தகவல்கள்
அமைவிடம்	சுங்கை காடுட், நெகிரி செம்பிலான்  மலேசியா
ஆள்கூறுகள்	2°39′36.56″N 101°59′49.9″E
உரிமம்	மலாயா தொடருந்து
இயக்குபவர்	மலாயா தொடருந்து
தடங்கள்	பத்துமலை–புலாவ் செபாங் மேற்கு கடற்கரை
நடைமேடை	1 பக்க தீவு நடைமேடை
இருப்புப் பாதைகள்	3
கட்டமைப்பு
தரிப்பிடம்	கட்டணம்
துவிச்சக்கர வண்டி வசதிகள்	உண்டு
மாற்றுத்திறனாளி அணுகல்	உண்டு
மற்ற தகவல்கள்
நிலையக் குறியீடு	KB16
வரலாறு
திறக்கப்பட்டது	KB16  14 மே 2011
மின்சாரமயம்	2011
சேவைகள்
முந்தைய நிலையம்   மலாயா தொடருந்து   அடுத்த நிலையம்     செனவாங் பத்துமலை    புலாவ் செபாங்    ரெம்பாவ் தம்பின்
அமைவிடம் சுங்கை காடுட் நிலையம்

பத்துமலை-புலாவ் செபாங் வழித்தடத்தில் அமைந்துள்ள இந்த நிலையம் கேடிஎம் கொமுட்டர் தொடருந்துகளால் சேவை செய்யப்படுகிறது. 2011-ஆம் ஆண்டில், இந்த நிலையத்தில் கேடிஎம் கொமுட்டர் சேவை அறிமுகம் செய்யப்பட்டது. 14 மே 2011-ஆம் தேதி முதல் கொமுட்டர் தொடருந்து இந்த நிலையத்தில் இருந்து தன் பயணத்தைத் தொடங்கியது.^[2]

பொது

சிரம்பான் மற்றும் கிம்மாஸ் இடையே இரட்டை தடம் மற்றும் மின்மயமாக்கல் திட்டத்தின் ஒரு பகுதியாக இந்த நிலையம் கட்டப்பட்டது. மலாயா கடற்கரை மேற்குத் தொடருந்து வழித்தடத்தில் இரட்டைப் பாதை மற்றும் ஒற்றைப் பாதைகளை மின்மயமாக்கும் திட்டமே மலேசிய மின்மயமாக்கல் திட்டம் ஆகும்.^[3]

தொடக்கத்தில், 2011-ஆம் ஆண்டில் மட்டுமே சிரம்பான் வழித்தடம் இந்த நிலையம் வரையில் நீட்டிக்கப்பட்டது. பின்னர் 2012-ஆம் ஆண்டில், ரெம்பாவ் தொடருந்து நிலையம் வரையில் சிரம்பான் வழித்தடம் நீட்டிக்கப்பட்டது. இருப்பினும் சுங்கை காடுட் தொடருந்து நிலையத்திலேயே பெரும்பாலான தொடருந்துகள் தங்களின் சேவைகளை நிறுத்திக் கொண்டன.

சிற்றிடைப் போக்குவரத்துச் சேவை

2015-ஆம் ஆண்டில் சிரம்பான் வழித்தடம் சேவை புலாவ் செபாங் தம்பின் தொடருந்து நிலையம் வரை நீட்டிக்கப்பட்டது. அந்தச் சிற்றிடைப் போக்குவரத்துச் சேவை அப்போது ஓர் இடைவழிச் சேவையாக இருந்தது. 2011-ஆம் ஆண்டில் கிம்மாஸ் வரை இருந்த சிற்றிடைப் போக்குவரத்துச் சேவை தம்பின் வரை குறைக்கப்பட்டது.^[4]

புலாவ் செபாங் தம்பின் தொடருந்து நிலையம் வரையிலான சிற்றிடைப் போக்குவரத்துச் சேவை மொத்தமாகக் கலைக்கப்பட்டது. இப்போதைய பயணிகள் தொடருந்துகள் கோலாலம்பூரில் இருந்து சுங்கை காடுட் மற்றும் தம்பின் வரை செல்கின்றன. இந்த நிலையம் சுங்கை காடுட்கிற்கு மட்டும் அல்லாமல் அதன் சுற்றுப்புறத்தில் உள்ள கிராமப்பகுதிகளுக்கும் சேவை செய்கிறது.

சுங்கை காடுட்

சிரம்பான் நகர மையத்தில் இருந்து 9 கி.மீ. தொலைவில் அமைந்துள்ளது. சுங்கை காடுட் தொழிற்சாலைகள் நிறைந்த பகுதி. அனைத்துலக அளவில் சில நிறுவனங்கள் தொழிற்சாலைகளை நிறுவி உள்ளன. நெகிரி செம்பிலான் மாநிலத்தில் செனவாங் தொழிற்சாலைப் பகுதி, மாநிலத்தின் இரண்டாவது மிக முக்கியமான தொழில்துறைப் பகுதியாக விளங்குகிறது.

சுங்கை காடுட் பயணிகள் தொடருந்து நிலையமும்; அதன் நகரப் பகுதிகளும்; மலேசியாவின் வடக்கு-தெற்கு நெடுஞ்சாலை (North–South Expressway Southern Route); செனவாங் சந்திப்பு (Senawang Junction); கூட்டரசு சாலை 1 (மலேசியா) ; மற்றும் சுங்கை காடுட் சாலை N5 வழியாக இணைக்கப்பட்டு உள்ளன.

சுங்கை காடுட் நிலையக் காட்சியகம்

• 
• 
• 
• 

மேலும் காண்க

• சுங்கை காடுட்
• சிரம்பான் தொடருந்து நிலையம்
• மலேசியாவில் தொடருந்து மின்மயமாக்கல்
• புலாவ் செபாங் தம்பின் தொடருந்து நிலையம்