செமலாய் மக்கள்

செமலாய் மக்கள் (ஆங்கிலம்: Semelai People; மலாய்: Orang Semelai) என்பவர்கள் மலேசியப் பழங்குடியினர் இனக்குழுவில் மலாய மூதாதையர் பிரிவைச் சேர்ந்த பழங்குடி மக்களாகும்.^[4]

செமலாய் மக்கள்

Semelai People
Orang Semelai

செமலாய் மக்களின் விருந்தினர் பெரா ஏரி, பகாங்; (2015)
மொத்த மக்கள்தொகை
9,228 (2010) [1]
குறிப்பிடத்தக்க மக்கள்தொகை கொண்ட பகுதிகள்
மலேசியா:
நெகிரி செம்பிலான் பகாங்	5,026 (2000)[2]
மொழி(கள்)
செமலாய் மொழி, மலாய் மொழி
சமயங்கள்
ஆன்மவாதம், கிறிஸ்தவம், இசுலாம்
தொடர்புள்ள இனக்குழுக்கள்
தெமுவான் மக்கள் செமாக் பெரி மக்கள் மா மெரி மக்கள், தெமோக் மக்கள்[3]

செமலாய் மக்கள் ஒராங் அஸ்லியின் 3 முக்கிய குழுக்களில் ஒன்றான புரோட்டோ மலாய் (Proto-Malay) எனும் மலாய மூதாதையர் பிரிவைச் சேர்ந்தவர்கள்.^[5] மலேசியாவின் நெகிரி செம்பிலான் மற்றும் பகாங் மாநிலங்களில் காணப்படுகிறார்கள்.^[6]

பொது

மலேசிய அரசாங்கம், தீபகற்ப மலேசியாவின் பூர்வீகப் பழங்குடியினரை ஓராங் அஸ்லி (Orang Asli) என்று வகைப்படுத்துகிறது. மலேசிய பழங்குடியினர் மேம்பாட்டு துறையின் (மலாய்: Jabatan Kemajuan Orang Asli (JAKOA); ஆங்கிலம்: Department of Orang Asli Development); கீழ் சிறப்புரிமை பெற்ற 18 தீபகற்ப மலேசியப் பழங்குடி இனக் குழுவினர் உள்ளனர்.^[7]

மொழி, கலாசார அடிப்படையில் அவர்களை மூன்று பெரும் பிரிவுகளாக மலேசிய அரசாங்கம் பிரித்துள்ளது.^[8][9] அந்த மூன்று பெரும் பிரிவுகளில் மலாய மூதாதையர் பிரிவின் கீழ் செமலாய் மக்கள் வகைப்படுத்தப் படுகின்றனர்.

குடியிருப்புகள்

செமலாய் மக்கள் தீபகற்ப மலேசியாவின் இரண்டு மாநிலங்களில் இரண்டு பெரிய குழுக்களாக உள்ளனர். அதாவது:

• நெகிரி செம்பிலான் மாநிலத்தின் செமலாய் மக்கள்: கம்போங் சுங்கை சாம்போ (Kampung Sungai Sampo); கம்போங் சுங்கை லூய் (Kampung Sungai Lui) செம்போல் மாவட்டம், நெகிரி செம்பிலான்^[10]
• பகாங் மாநிலத்தின் செமலாய் மக்கள்: இசுகந்தர் குடியிருப்பு (Pos Iskandar), கம்போங் புக்கிட் ரோக் (Kampung Bukit Rok); கம்போங் இபாம் (Kampung Ibam), பெரா ஏரி, கம்போங் புக்கிட் கெமுரோ (Kampung Bukit Gemuroh) பொங்கோக் (Bongkok), திரியாங், பெரா மாவட்டம், பகாங்^[11][12][13]

செமலாய் மக்கள் தொகை

செமலாய் மக்கள் தொகை பின்வருமாறு:-

ஆண்டு	1960[14]	1965[14]	1969[14]	1974[14]	1980[14]	1991[15]	1993[15]	1996[14]	2000[16]	2003[16]	2004[17]	2010[1]
மக்கள் தொகை	3,238	1,391	2,391	2,874	3,096	4,775	4,103	4,103	5,026	6,418	7,198	9,228

2010-ஆம் ஆண்டு மக்கள் தொகை கணக்கெடுப்பில், சிறிய எண்ணிக்கையிலான தெமோக் மக்கள்; செமலாய் மக்கள் தொகையில் சேர்க்கப்பட்டனர்.^[1]

காட்சியகம்

• 
  ஒரு செமலாயர் வீடு
• 
  செமலாயர் இடுகாடு
• 
  செமலாயரின் நெசவுக் கலை

மேலும் காண்க

• பாத்தேக் மக்கள்
• ஜெகாய் மக்கள்
• கென்சியூ மக்கள்
• கானாக் மக்கள்
• ஒராங் லாவுட் மக்கள்