பண்டார் மலேசியா செலாத்தான் எம்ஆர்டி நிலையம்
பண்டார் மலேசியா திட்டத்தின் கீழ் ஒரு தொடருந்து நிலையம் From Wikipedia, the free encyclopedia
Remove ads
பண்டார் மலேசியா செலாத்தான் எம்ஆர்டி நிலையம் (ஆங்கிலம்: Bandar Malaysia Selatan MRT Station; மலாய்: Stesen MRT Bandar Malaysia Selatan) என்பது மலேசியா, கோலாலம்பூர், சாலாக் செலாத்தான், பண்டார் மலேசியா திட்டத்தின் கீழ் கட்டுமானத்தில் உள்ள ஒரு தொடருந்து நிலையம்; மற்றும் கோலாலம்பூர்–சிங்கப்பூர் அதிவிரைவு தொடருந்து சேவையின் முனையமும் ஆகும்.
கோலாலம்பூர்–சிங்கப்பூர் அதிவிரைவு தொடருந்து (Kuala Lumpur–Singapore high-speed rail) சேவையில் இந்த நிலையம் கோலாலம்பூரின் நுழைவாயிலாகச் செயல்படத் திட்டமிடப்பட்டுள்ளது.[1] இது புத்ராஜெயா எம்ஆர்டி வழித்தடத்தில் உள்ள நிலத்தடி நிலையங்களில் ஒன்றாகும். இந்த நிலையம் சுங்கை பீசி விரைவுச்சாலைக்குக்கு அருகில் பழைய வான்படை தளம் இருந்த இடத்தின் நிலத்தடியில் கட்டப்படுகிறது.[2]
Remove ads
பண்டார் மலேசியா
இந்த நிலையம் கோலாலம்பூர் சென்ட்ரலுக்கு இரண்டாம் நிலை போக்குவரத்து மையமாக இருக்கும். அங்கிருந்து கேஎல்ஐஏ போக்குவரத்து, கேடிஎம் கொமுட்டர் மற்றும் புத்ராஜெயா வழித்தடத்துடன் இணைக்கப்படும்.[3]
முதன்மையாக பண்டார் மலேசியாவின் தெற்குப் பகுதிக்கும்; வடக்கே பண்டார் மலேசியா உத்தாரா எம்ஆர்டி நிலையம் ஆகியவற்றுக்கு இந்த நிலையம் சேவை செய்யும். மேலும் சுங்கை பீசி இராணுவ வானூர்தி நிலையம் அமைந்துள்ள இடத்தில் பண்டார் மலேசியா மேம்பாட்டுப் பணிகளின் மீதமுள்ள பகுதிகளுடன் இணைத்துக் கட்டப்படுகிறது.[2]
Remove ads
எம்ஆர்டி புத்ராஜெயா வழித்தட நிலையம்
திட்டமிடப்பட்ட எம்ஆர்டி நிலையத்திற்கு தற்காலிகமாக பண்டார் மலேசியா செலாத்தான் என்று பெயரிடப்பட்டது. இந்த நிலையம் புத்ராஜெயா வழித்தடத்திற்கு சேவை செய்யும். எம்ஆர்டி புத்ராஜெயா வழித்தடம் மார்ச் 16, 2023 அன்று முழு செயல்பாடுகளைத் தொடங்கிய போதிலும், பண்டார் மலேசியாவில் திட்டமிடப்பட்ட நிலையங்கள் சேர்க்கப்படவில்லை. ஏனெனில் கோலாலம்பூர்–சிங்கப்பூர் அதிவிரைவு தொடருந்து திட்டம் தற்காலிகமாக நிறுத்தப்பட்டுள்ளது.[2]
இந்த நிலையம், அருகிலுள்ள பண்டார் மலேசியா உத்தாரா எம்ஆர்டி நிலையத்துடன் சேர்த்து, எதிர்கால நிரப்பு நிலையங்களாகக் கருதப்படுகின்றன. சான் சோவ் லின் நிலையம் மற்றும் கூச்சாய் எம்ஆர்டி நிலையம் ஆகிய நிலையங்களுக்கு இடையே இயங்கும் தொடருந்துகள் பண்டார் மலேசியா வழியாகச் செல்லும்; ஆனால் இந்த நிலையத்தில் நிற்பது இல்லை.[4]
Remove ads
மேலும் காண்க
மேற்கோள்கள்
வெளி இணைப்புகள்
Wikiwand - on
Seamless Wikipedia browsing. On steroids.
Remove ads