மலேசிய அரசர்

மலேசிய அரசர் அல்லது யாங் டி பெர்துவான் அகோங் (ஆங்கிலம்: The Yang di-Pertuan Agong; மலாய்: Yang di-Pertuan Agong) என்பவர், மலேசியா நாட்டின் பேரரசர் ஆவார். 1957-ஆம் ஆண்டு, பிரித்தானியாவிடம் இருந்து மலாயா கூட்டரசு தன்னுரிமை பெற்ற போது, பேரரசர் பதவி உருவாக்கப்பட்டது.

மாட்சிமை தங்கிய அரசர் Yang di-Pertuan Agong يڠدڤرتوان أݢوڠ
பேரரசர் சின்னம்
தற்போது சுல்தான் இப்ராகிம் இப்னி அல்மார்கும் சுல்தான் இசுகந்தர் 31 சனவரி 2024 முதல்
வகை	சட்டப்படியான முடியாட்சி; தேர்வு முறை; கூட்டரசு முடியாட்சி
வாழுமிடம்	இசுதானா நெகாரா மலேசியா கோலாலம்பூர்
பதவிக் காலம்	ஐந்து ஆண்டுகள்
அரசமைப்புக் கருவி	மலேசிய அரசியலமைப்பு Constitution of Malaysia#Article 32
உருவாக்கம்	31 ஆகத்து 1957; 68 ஆண்டுகள் முன்னர் (1957-08-31)
முதலாமவர்	துவாங்கு அப்துல் ரகுமான்
துணை மாட்சிமை தங்கிய அரசர்	துணைப் பேரரசர் Timbalan Yang di-Pertuan Agong
ஊதியம்	ரிங்கிட் ஆண்டுக்கு 1,054,560[1]
இணையதளம்	www.istananegara.gov.my

அரச அமைப்புக்கு உட்பட்ட ஒரு முடியரசு நாடான மலேசியாவில், தேர்வு செய்யப்பட்ட ஓர் அரசர், நாட்டின் அரசத் தலைவர் ஆகிறார். உலக நாடுகளில் தேர்வு மூலமாக அரசராகிறவர்களில், யாங் டி பெர்துவான் அகோங் அவர்களும் ஒருவராவார். யாங் டி பெர்துவான் அகோங் அவர்களின் துணைவியார், மலேசிய அரசி, இராஜா பரமேசுவரி அகோங் என அழைக்கப் படுகிறார்.^[2]

மாமன்னரின் அதிகாரங்கள்

மலேசியாவின், அரச அமைப்புக்கு உட்பட்ட முடியரசில், பேரரசருக்கு, அரசியலமைப்பில் மிகுந்த அதிகாரங்கள் உள்ளன. கூட்டரசின் நிருவாக அதிகாரம், பேரரசரிடம் வழங்கப்பட்டு இருப்பதாகவும், அதை அவர் அமைச்சரவையின் ஆலோசனையின் பேரில் செயல்படுத்த முடியும் என்றும் மலேசிய அரசியலமைப்பு குறிப்பிடுகிறது.^[2]

அமைச்சரவைக்குத் தலைமை வகிக்கும் பிரதமரை, பேரரசர்தான் நியமனம் செய்வார். நாட்டின் பொதுத் தேர்தலில், தேர்வு பெறும் நாடாளுமன்ற உறுப்பினர்களால் பிரதமர் தேர்ந்தெடுக்கப் படுகிறார்.

அதே சமயத்தில், யாரைப் பிரதமராகத் தேர்வு செய்வது எனும் விருப்புரிமை அதிகாரம், பேரரசர் அவர்களிடம் மட்டுமே உள்ளது. இருப்பினும், பிரதமரைப் பதவி நீக்கம் செய்யும் அதிகாரத்திற்கு அவரிடம் அனுமதி வழங்கப்படவில்லை.^[2]

அரசியலமைப்பு விதி 55

நாடாளுமன்றத்தைக் கலைப்பதற்கான கோரிக்கையை பேரரசர் அவர்களால் ஏற்றுக் கொள்ள முடியும். அதே சமயத்தில் நிராகரிப்பதற்கும் அவருக்கு அதிகாரம் வழங்கப்பட்டு உள்ளது. (அரசியலமைப்பு விதி 55) நாடாளுமன்றத்தினால் புதிதாக நிறைவேற்றப்படும் மசோதக்களை ஏற்றுக் கொள்ளவும் நிராகரிக்கவும் அவருக்கு அதிகாரம் உள்ளது.

எனினும், அரசியலமைப்பு விதி 55-இன் படி, அந்த மசோதக்கள் தொடர்ந்து நிராகரிக்கப்பட்டு வந்தால், 30 நாட்களுக்குப் பிறகு அவை தானாகவே சட்டங்களாக மாறிவிடும்.^[3]

மலேசியாவின் 17-ஆவது பேரரசர்

தற்சமயம், மலேசியாவின் பேரரசர் பதவியில் இருப்பவர் ஜொகூர் மாநிலத்தைச் சேர்ந்த சுல்தான் இப்ராகிம் இப்னி அல்மாரம் சுல்தான் இசுகந்தர். இவர் மலேசியாவின் 17-ஆவது பேரரசர் ஆகும். 2023 அக்டோபர் 26 இல் மலேசிய மாநிலங்களின் ஆட்சியாளர்களின் மாநாட்டில் இவர் தேர்வு செய்யப்பட்டார்.^[4] இவருடைய ஆட்சிகாலம் 31 சனவரி 2024-இல் தொடங்கியது.

மலேசிய பேரரசர்கள் பட்டியல்

பின்வரும் ஆட்சியாளர்கள் யாங் டி பெர்துவான் அகோங் எனும் பேரரசராகப் பணியாற்றி உள்ளனர்:^[5]

#	படிமம்	பெயர்	நிலை	ஆட்சி	பிறப்பு	இறப்பு	ஆட்சியின் காலம்
1		துவாங்கு அப்துல் ரகுமான்	நெகிரி செம்பிலான்	31 ஆகஸ்டு 1957 – 1 ஏப்ரல் 1960	(1895-08-24)24 ஆகத்து 1895	1 ஏப்ரல் 1960(1960-04-01) (அகவை 64)	2 ஆண்டுகள், 214 நாட்கள்
2		சுல்தான் இசாமுதீன் ஆலாம் சா	சிலாங்கூர்	14 ஏப்ரல் 1960 – 1 செப்டம்பர் 1960	(1898-05-13)13 மே 1898	1 செப்டம்பர் 1960(1960-09-01) (அகவை 62)	0 ஆண்டுகள், 140 நாட்கள்
3		பெர்லிஸ் புத்ரா	பெர்லிஸ்	21 செப்டம்பர்1960 – 20 செப்டம்பர் 1965	(1920-11-25)25 நவம்பர் 1920	16 ஏப்ரல் 2000(2000-04-16) (அகவை 79)	4 ஆண்டுகள், 364 நாட்கள்
4		சுல்தான் இசுமாயில் நசிருதீன்	திராங்கானு	21 செப்டம்பர் 1965 – 20 செப்டம்பர் 1970	(1907-01-24)24 சனவரி 1907	20 செப்டம்பர் 1979(1979-09-20) (அகவை 72)	4 ஆண்டுகள், 364 நாட்கள்
5		சுலதான் அப்துல் ஆலிம் (1-ஆவது முறை)	கெடா	21 செப்டம்பர் 1970  – 20 செப்டம்பர் 1975	(1927-11-28)28 நவம்பர் 1927	11 செப்டம்பர் 2017(2017-09-11) (அகவை 89)	4 ஆண்டுகள், 364 நாட்கள்
6		சுல்தான் யாகயா பெட்ரா	கிளாந்தான்	21 செப்டம்பர் 1975 – 29 மார்ச் 1979	(1917-12-10)10 திசம்பர் 1917	29 மார்ச்சு 1979(1979-03-29) (அகவை 61)	3 ஆண்டுகள், 189 நாட்கள்
7		சுல்தான் அகமட் சா	பகாங்	26 ஏப்ரல் 1979 – 25 ஏப்ரல் 1984	(1930-10-24)24 அக்டோபர் 1930	22 மே 2019(2019-05-22) (அகவை 88)	4 ஆண்டுகள், 365 நாட்கள்
8		சுல்தான் இசுகந்தர்	ஜொகூர்	26 ஏப்ரல் 1984 – 25 ஏப்ரல் 1989	(1932-04-08)8 ஏப்ரல் 1932	22 சனவரி 2010(2010-01-22) (அகவை 77)	4 ஆண்டுகள், 364 நாட்கள்
9		சுல்தான் அசுலான் சா	பேராக்	26 ஏப்ரல் 1989 – 25 ஏப்ரல் 1994	(1928-04-19)19 ஏப்ரல் 1928	28 மே 2014(2014-05-28) (அகவை 86)	4 ஆண்டுகள், 364 நாட்கள்
10		துவாங்கு ஜபார்	நெகிரி செம்பிலான்	26 ஏப்ரல் 1994 – 25 ஏப்ரல் 1999	(1922-07-19)19 சூலை 1922	27 திசம்பர் 2008(2008-12-27) (அகவை 86)	4 ஆண்டுகள், 364 நாட்கள்
11		சுல்தான் சலாவுதீன்	சிலாங்கூர்	26 ஏப்ரல் 1999 – 21 நவம்பர் 2001	(1926-03-08)8 மார்ச்சு 1926	21 நவம்பர் 2001(2001-11-21) (அகவை 75)	2 ஆண்டுகள், 209 நாட்கள்
12		துவாங்கு சையத் சிராஜுதீன்	பெர்லிஸ்	13 டிசம்பர் 2001 – 12 டிசம்பர் 2006	17 மே 1943 (1943-05-17) (அகவை 82)		4 ஆண்டுகள், 364 நாட்கள்
13		சுல்தான் மிசான் சைனல் ஆபிதீன்	திராங்கானு	13 டிசம்பர் 2006 – 12 டிசம்பர் 2011	22 சனவரி 1962 (1962-01-22) (அகவை 63)		4 ஆண்டுகள், 364 நாட்கள்
14		சுல்தான் அப்துல் அலீம் (2-ஆவது முறை)	கெடா	13 டிசம்பர் 2011 – 12 டிசம்பர் 2016	(1927-11-28)28 நவம்பர் 1927	11 செப்டம்பர் 2017(2017-09-11) (அகவை 89)	4 ஆண்டுகள், 365 நாட்கள்
15		சுல்தான் முகமது V	கிளாந்தான்	13 டிசம்பர் 2016 – 6 சனவரி 2019	6 அக்டோபர் 1969 (1969-10-06) (அகவை 56)		2 ஆண்டுகள், 24 நாட்கள்
16		சுல்தான் அப்துல்லா	பகாங்	31 சனவரி 2019 – இன்று வரையில்	30 சூலை 1959 (1959-07-30) (அகவை 66)		6 ஆண்டுகள், 256 நாட்கள்
17		சுல்தான் இப்ராகிம் இசுகந்தர்	ஜொகூர்	31 சனவரி 2024 – Incumbent	1 ஆண்டு, 256 நாட்கள்	22 நவம்பர் 1958 (1958-11-22) (அகவை 66)

வெளி இணைப்புகள்

• Malaysian Parliament's Yang di-Pertuan Agong பரணிடப்பட்டது 2012-11-20 at the வந்தவழி இயந்திரம்
• Malaysia National Library's Yang di-Pertuan Agong
• WorldStatesmen

மேலும் காண்க

• மலேசியாவின் முடியாட்சிகள்