மார்ச்

மார்ச்சு (March) என்பது யூலியன், கிரெகொரியின் நாட்காட்டிகளில் ஆண்டின் மூன்றாவது மாதம் ஆகும். இது 31 நாட்களைக் கொண்டுள்ளது. வடக்கு அரைக்கோளத்தில், இளவேனில் காலத்தின் வானிலைத் தொடக்கம் மார்ச்சு முதல் நாளில் நிகழ்கிறது. 20 அல்லது 21 ஆம் தேதிகளில் வரும் மார்ச்சு மாத சம இரவு பகல் வடக்கு அரைக்கோளத்தில் இளவேனில் காலத்தின் வானியல் தொடக்கத்தையும், தெற்கு அரைக்கோளத்தில் இலையுதிர் காலத்தின் தொடக்கத்தையும் குறிக்கிறது, தெற்கு அரைக்கோளத்தில் செப்டம்பர் என்பது வடக்கு அரைக்கோளத்தின் மார்ச்சு மாதத்திற்கு சமமான பருவமாகும்.

<<	மார்ச்					>>
ஞா	தி	செ	பு	வி	வெ	ச
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31
MMXXV

வரலாறு

பெரி பிரபுவின் மிகவும் வளமான நேரங்கள் எனும் பிரெஞ்சு இறை வணக்க நூலில் மார்ச்சு.

மார்ச்சு மாதத்தின் பெயர், தொடக்கக்கால உரோமானிய நாட்காட்டியின் முதல் மாதமான மார்சியசு என்பதிலிருந்து வந்தது. இம்மாதத்திற்கு உரோமானியப் போரின் கடவுளும், அவரது மகன்களான உரோமலசு, இரீமசு ஆகியோரின் மூலம் உரோமானிய மக்களின் மூதாதையருமான மார்சு என்பவரின் பெயரிடப்பட்டது. அவரது மாதம் மார்சியசு போர்ப் பருவத்தின் தொடக்கமாகும்,^[1] அத்துடன் இந்த மாதத்தில் அவரது நினைவாக நடத்தப்பட்ட பண்டிகைகள் அக்டோபரில் இந்த நடவடிக்கைகளுக்கான பருவம் முடிவுக்கு வந்தன.^[2] மார்சியசு உரோமானிய நாட்காட்டி ஆண்டின் முதல் மாதமாக ஏறத்தாழ கிமு 153 வரை இருந்து வந்தது,^[3] மாதத்தின் முதல் பாதியில் பல சமய நிகழ்வுகள் தொடக்கத்தில் புத்தாண்டுக் கொண்டாட்டங்களாகவே இருந்தன.^[4] பழங்காலத்தின் பிற்பகுதியில் கூட, மாதங்களை சித்தரிக்கும் உரோமானிய மொசைக்குகள் சில சமயங்களில் மார்ச் மாதத்தையே முதலிடத்தில் வைத்திருந்தன.^[5]

உருசியாவில் மார்ச்சு 1 15 ஆம் நூற்றாண்டின் இறுதி வரை எண்ணிடப்பட்ட ஆண்டைத் தொடங்கியது. பெரிய பிரித்தானியாவும் அதன் குடியேற்ற நாடுகளும் 1752 வரை மார்ச் 25 ஐத் தொடர்ந்து பயன்படுத்தி வந்தன, பின்னர் அவர்கள் இறுதியாக கிரெகொரியின் நாட்காட்டியை ஏற்றுக்கொண்டனர் (இங்கிலாந்தில் நிதியாண்டு ஏப்ரல் 6 இல்தொடங்குகிறது, இது முந்தைய யூலியன் நாட்காட்டியில் மார்ச் 25). ஈரான், எத்தியோப்பியா போன்ற பல நாடுகள் இப்போதும் மார்ச் மாதத்தில் புத்தாண்டின் தொடக்கத்தைக் கொண்டாடுகின்றன.^[6]

மார்ச் மாதம் வடக்கு அரைக்கோளத்தில் (வட அமெரிக்கா, ஐரோப்பா, ஆசியா, ஆப்பிரிக்காவின் ஒரு பகுதி) இளவேன்றி காலத்தின் முதல் மாதமாகவும், தெற்கு அரைக்கோளத்தில் (தென் அமெரிக்கா, ஆப்பிரிக்காவின் ஒரு பகுதி, ஓசியானியா) இலையுதிர்க்காலத்தின் முதல் மாதமாகவும் கொண்டாடப்படுகிறது.

மார்ச் மாதத்தில் கொண்டாடப்படும் பண்டைய உரோமானிய நிகழ்வுகளில் மார்ச் 1, மார்ச் 14, மார்ச் 17 ஆகிய நாட்களில் கொண்டாடப்படும் அகோனியம் மார்சியால், மார்ச் 1, மார்ச் 14, மார்ச் 17 ஆகிய நாட்களில் கொண்டாடப்படும் மெட்ரோனாலியா, மார்ச் 7 ஆம் தேதி கொண்டாடப்படும் யூனோனாலியா, மார்ச் 14 அன்று கொண்டாடப்படும் எக்குவிரியா, மார்ச் 14 அல்லது மார்ச் 15 இல் கொண்டாடப்படும் மாமுராலியா, மார்ச் 15, மார்ச் 22–28 வரை கொண்டாடப்படும் இலாரியா, மார்ச் 16–17 அன்று கொண்டாடப்படும் ஆர்கெய், மார்ச் 17 இல் கொண்டாடப்படும் லிபராலியா, பச்சனாலியா, மார்ச் 19–23 அன்று கொண்டாடப்படும் குயின்குவாட்ரியா, மார்ச் 23 அன்று கொண்டாடப்படும் தூபிலஸ்ட்ரியம் ஆகியவை அடங்கும். இந்த நாட்கள் இன்றைய கிரிகோரியன் நாட்காட்டியுடன் ஒத்துப்போகவில்லை.

சின்னங்கள்

மார்ச்சு மாதத்தின் மலர் டஃபோடில்

நீலப்பச்சை இரத்தினக்கல்

பளபளப்பான குருதிக்கல்

மார்ச் மாத பிறப்புக் கற்கள் நீலப்பச்சையும் குருதிக்கல்லும் ஆகும். இந்தக் கற்கள் தைரியத்தைக் குறிக்கின்றன. இதன் பிறப்பு மலர் டாஃபோடில் ஆகும்.^[7] இதன் இராசி அறிகுறிகள் மார்ச் 20 வரை மீனம், மார்ச் 21 முதல் மேடம் ஆகும்.^[8]

நிகழ்வுகள்

மார்ச்சு முழுவதும்

• கத்தோலிக்க வழக்கப்படி, மார்ச் புனித யோசப்பின் மாதம்.
• கருப்பை அகணி இடப்பெயர்வு விழிப்புணர்வு மாதம்
• அறப் போராட்டத்திற்கான காலம்: சனவரி 30 – ஏப்பிரல் 4
• பெண்கள் வரலாற்று மாதம் (ஆத்திரேலியா, ஐக்கிய இராச்சியம், ஐக்கிய அமெரிக்கா)

முதல் கிழமை, மார்ச் 1 முதல் 7

• உலகளாவிய பண வாரம்

முதல் வியாழன்

• உலகக் கணித நாள்

இரண்டாவது ஞாயிறு

• பகலொளி சேமிப்பு நேரம் தொடக்கம் (அமெரிக்கா, கனடா)

மார்ச் 8–14

• உலகளாவிய விமானப் பெண்கள் வாரம்

இரண்டாவது திங்கள்

• பொதுநலவாய நாள் (நாடுகளின் பொதுநலவாயம்)

இரண்டாவது வியாழன்

• உலக சிறுநீரக நாள்

மார்ச்சின் இரண்டாவது முழு வாரத்தின் வெள்ளிக்கிழமை

• உலக தூக்க நாள்

மார்ச்சு 19, 19 ஞாயிறு இல்லையென்றால், மார்ச் 20

• நாசரேத்து யோசேப்பின் விழா (மேற்கத்திய கிறித்தவம்)

மார்ச்சு சமைரவு: அண். மார்ச்சு 20

• நவுரூஸ், ஈரானியப் புத்தாண்டு
• பன்னாட்டு சோதிட நாள்
• உலக கதை சொல்லும் நாள்

கடைசி சனி

• புவி மணிநேரம்^[9]

கடைசி ஞாயிறு

• பகலொளி சேமிப்பு நேரம் தொடக்கம் (ஐரோப்பா)

ஏனைய நிகழ்வுகள்

• மார்ச்சு 1
  • சுய காய விழிப்புணர்வு நாள்
  • உலக குடிமைப் பாதுகாப்பு நாள்
• மார்ச்சு 3
  • உலகக் காட்டுயிர் நாள்
• மார்ச்சு 8
  • அனைத்துலக பெண்கள் நாள்^[10]
• மார்ச்சு 14
  • பை நாள்
• மார்ச்சு 15
  • ஒவுனென் மட்சுறி (யப்பான்)
  • காவல்துறை அட்டூழியத்திற்கு எதிரான பன்னாட்டு நாள்
  • உலக நுகர்வோர் உரிமைகள் நாள்
  • உலகத் தொடர்பு நாள்
  • முசுலிம் கலாச்சாரம், அமைதி, உரையாடல் மற்றும் திரைப்படத்திற்கான உலக நாள்
  • உலக பேச்சு நாள்
• மார்ச்சு 17
  • புனித பேட்ரிக்கின் நாள் (அயர்லாந்து)
• மார்ச்சு 20
  • பன்னாட்டு மகிழ்ச்சி நாள் (ஐநா)
  • உலக சிட்டுக்குருவிகள் நாள்
• மார்ச்சு 21
  • பன்னாட்டு வண்ண நாள்
  • இனப்பாகுபாட்டை நீக்குவதற்கான பன்னாட்டு நாள்
  • பன்னாட்டு வன நாள்
  • உலக டவுன் நோய்க்கூட்டறிகுறி நாள்
  • உலகக் கவிதை நாள்
  • உலக பொம்மலாட்ட நாள்
• மார்ச்சு 22
  • உலக நீர் நாள்
• மார்ச்சு 23
  • உலக வானிலை நாள்
• மார்ச்சு 24
  • மொத்த மனித உரிமை மீறல்கள், பாதிக்கப்பட்டவர்களின் கண்ணியம் தொடர்பான உண்மைக்கான உரிமைக்கான பன்னாட்டு நாள் (ஐநா)
  • மர நாள்
  • உலக காச நோய் நாள்
• மார்ச்சு 25
  • • பன்னாட்டு பிறக்காத குழந்தை நாள்
  • அடிமை வணிகத்தால் பாதிக்கப்பட்டோரை நினைவுகூரும் பன்னாட்டு நாள்
  • சர்வதேச தடுத்து வைக்கப்பட்ட, காணாமற்போன பணியாளர்களுடன் கூட்டு ஒருமைப்பாடு நாள் (ஐநா)
• மார்ச்சு 27
  • பன்னாட்டு விஸ்கி நாள்
  • உலக நாடக அரங்க நாள்