விக்கிரவாண்டி

விக்கிரவாண்டி (ஆங்கிலம்:Vikravandi), இந்தியாவின் தமிழ்நாடு மாநிலத்தில் அமைந்துள்ள விழுப்புரம் மாவட்டத்தில் உள்ள விக்கிரவாண்டி வட்டம் மற்றும் விக்கிரவாண்டி ஊராட்சி ஒன்றியம் ஆகியவற்றின் நிர்வாகத் தலைமையிடமும், பேரூராட்சி ஆகும். விக்கிரவாண்டி நகரம் முந்தைய தென் ஆற்காடு மாவட்டத்தில் ஒரு பகுதியாக இருந்தது.

விக்கிரவாண்டி
—  பேரூராட்சி  —
விக்கிரவாண்டி அமைவிடம்: விக்கிரவாண்டி, தமிழ்நாடு , இந்தியா
ஆள்கூறு	12°02′N 79°33′E
நாடு	இந்தியா
மாநிலம்	தமிழ்நாடு
மாவட்டம்	விழுப்புரம்
ஆளுநர்	ஆர். என். ரவி[1]
முதலமைச்சர்	மு. க. ஸ்டாலின்[2]
மாவட்ட ஆட்சியர்	எசு. சேக் அப்துல் இரகுமான், இ. ஆ. ப [3]
சட்டமன்றத் தொகுதி	விக்கிரவாண்டி
சட்டமன்ற உறுப்பினர்	நா. புகழேந்தி (திமுக)
மக்கள் தொகை • அடர்த்தி	12,022 (2011[update]) • 1,768/km2 (4,579/sq mi)
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு • உயரம்	6.8 சதுர கிலோமீட்டர்கள் (2.6 sq mi) • 44 மீட்டர்கள் (144 அடி)
இணையதளம்	http://townpanchayat.in/vikkiravandi

அமைவிடம்

விக்கிரவாண்டி பேரூராட்சிக்கு தெற்கே விழுப்புரம் 15 கி.மீ.; வடக்கே திண்டிவனம் 45 கி.மீ.; கிழக்கே பாண்டிச்சேரி 45 கி.மீ. தொலைவில் உள்ளன. விக்கிரவாண்டியில் தொடருந்து நிலையம் உள்ளது.^[4]

பேரூராட்சியின் அமைப்பு

6.8 ச.கி.மீ. பரப்பும், 15 பேரூராட்சி மன்ற உறுப்பினர்களையும், 75 தெருக்களையும் கொண்ட இப்பேரூராட்சி, விக்கிரவாண்டி (சட்டமன்றத் தொகுதி)க்கும் மற்றும் விழுப்புரம் மக்களவைத் தொகுதிக்கும் உட்பட்டது.^[5]

மக்கள்தொகை பரம்பல்

2011-ஆம் ஆண்டு மக்கள் தொகை கணக்கெடுப்பின்படி இப்பேரூராட்சி 2,735 வீடுகளும், 12,022 மக்கள்தொகையும் கொண்டது. இப்பேரூராட்சியின் எழுத்தறிவு 84.5% மற்றும் பாலின விகிதம் 1,000 ஆண்களுக்கு, 991 பெண்கள் வீதம் உள்ளனர். 6 வயதிற்குட்பட்ட குழந்தைகள் பாலின விகிதம், 1000 ஆண் குழந்தைகளுக்கு, 981 பெண் குழந்தைகள் வீதம் உள்ளனர். பட்டியல் சாதியினரும் பட்டியல் பழங்குடியினரும் முறையே 3,840 மற்றும் 145 ஆகவுள்ளனர்.^[6]

புவியியல்

இவ்வூரின் அமைவிடம் 12.03°N 79.55°E / 12.03; 79.55 ஆகும்.^[7] கடல் மட்டத்தில் இருந்து இவ்வூர் சராசரியாக 44 மீட்டர் (144 அடி) உயரத்தில் இருக்கின்றது.