வி. சேகர்

வி. சேகர் (1951 அல்லது 1952 – 14 நவம்பர் 2025) தமிழ்த் திரைப்பட இயக்குநரும், தமிழ்த்தேசியவாதியும் ஆவார்.^[2] இவர் குடும்பப் படங்களை அதிகம் இயக்கியவர்.^[3] இவரின் திரைப்படங்கள் பெரும்பாலும் பல நடிகர்கள் நடித்த நடுத்தரக் குடும்பக்கதைப் படங்களாய் இருக்கும்.^[4] இவரின் மகன் கால் மார்க்குசு நடிப்பில் இவர் இயக்கிய சரவணப்பொய்கை திரைப்படம் இவரின் கடைசிப் படமாகும்.^[5]

வி. சேகர்
பிறப்பு	1951/1952 நெய்வாநத்தம், வட ஆற்காடு மாவட்டம், மதராசு மாநிலம் (தற்போது திருவண்ணாமலை மாவட்டம், தமிழ்நாடு), இந்தியா[1]
இறப்பு	14 நவம்பர் 2025 (அகவை 73) சென்னை, தமிழ்நாடு, இந்தியா
பணி	திரைப்பட இயக்குநர், கதாசிரியர்
செயற்பாட்டுக் காலம்	1987–2014
பிள்ளைகள்	2

திரை வாழ்க்கை

இயக்கிய திரைப்படங்கள்

ஆண்டு	படப்பெயர்	நடிகர்கள்
1990	நீங்களும் ஹீரோதான்	நிழல்கள் ரவி, திவ்யா
1991	நான் புடிச்ச மாப்பிள்ளை	நிழல்கள் ரவி, சரண்யா
1991	பொண்டாட்டி சொன்னா கேட்டுக்கணும்	சந்திரசேகர், பானுப்பிரியா
1992	ஒண்ணா இருக்க கத்துக்கணும்	சிவகுமார், ஜீவா, மனோரமா, கவுண்டமணி, செந்தில்
1993	பொறந்த வீடா புகுந்த வீடா	சிவகுமார், பானுப்பிரியா, வடிவுக்கரசி, கவுண்டமணி, செந்தில், சார்லி
1993	பார்வதி என்னை பாரடி	சரவணன், ஸ்ரீ பார்வதி
1994	வரவு எட்டணா செலவு பத்தணா	நாசர், ராதிகா, கவுண்டமணி, வடிவேல், செந்தில், கோவை சரளா
1995	நான் பெத்த மகனே	நிழல்கள் ரவி, ராதிகா, ஊர்வசி, மனோரமா, கவுண்டமணி, செந்தில், கோவை சரளா
1996	காலம் மாறிப்போச்சு	பாண்டியராசன், சங்கீதா, வடிவேல், சுந்தரராசன், இரேகா, கோவை சரளா
1997	பொங்கலோ பொங்கல்	விக்னேசு, சங்கீதா, வடிவேல், விவேக்கு, சின்னி ஜெயந்து, சார்லி, கோவை சரளா
1998	எல்லாமே என் பொண்டாட்டிதான்	இராம்கி, சங்கவி, வடிவேல், இராதிகா
1999	விரலுக்கேத்த வீக்கம்	நாசர், லிவிங்கு ஸ்டன், வடிவேல், விவேக்கு, குஷ்பூ, கனகா, கோவை சரளா
2000	கூடி வாழ்ந்தால் கோடி நன்மை	நாசர், கரண், வடிவேல், குஷ்பூ, கோவை சரளா
2001	வீட்டோட மாப்பிள்ளை	நெப்போலியன், ரோஜா
2002	நம்ம வீட்டு கல்யாணம்	முரளி, மீனா, வடிவேல், விவேக்கு, கோவை சரளா
2003	ஆளுக்கொரு ஆசை	சத்யராஜ், மீனா, வடிவேல், செந்தில்
2010	ஹெண்டதீர் தர்பார் (கன்னடப் படம்)	ரமேஷ் அரவிந்த், மீனா
2014	சரவணப்பொய்கை	கால் மார்க்குசு, அருந்ததி, விவேக்கு, கருனாசு

தொலைக்காட்சித் தொடர்கள்

• பொறந்த வீடா புகுந்த வீடா (சன் தொலைக்காட்சி)
• வீட்டுக்கு வீடு (ராஜ் டிவி)

இறப்பு

வி சேகர் 2025 நவம்பர் 14 அன்று சென்னையில் உள்ள தனியார் மருத்துவமனையில் தனது 73-ஆவது அகவையில் காலமானார்.^[6][7]