சிவகுமார்

சிவகுமார் (Sivakumar) என்பவர் புகழ்பெற்ற தமிழ்த் திரைப்பட நடிகர் ஆவார். இவருக்கு, பெற்றோர் இட்ட பெயர், 'பாலதண்டாயுதபாணி' என்பதாகும். இவர் தமிழ்நாட்டின் கோயம்புத்தூர் அருகில் உள்ள சூலூர் நகரிலிருந்து மூன்று கி.மீ. தூரத்திலுள்ள காசிகவுண்டன்புதூர் என்னும் ஊரில் பிறந்தார். இவர் ஒரு தேர்ந்த ஓவியரும் ஆவார். மேடைப்பேச்சாளர் எனும் பரிணாமமும் கொண்ட இவர் இவர் கம்ப ராமாயணம், மகாபாரதம், திருக்குறள் 100 ஆகிய சிறந்த சொற்பொழிவுகளை நிகழ்த்தியுள்ளார். மேலும் இவர் தமிழ் திரையுலகில் ஒரு நல்ல நடிகருக்கான இலக்கணத்தை வகுத்தவர் என்றும் கூறப்படுகிறது.^[3]

சிவகுமார் பழநிசாமி
பிறப்பு	ராக்கையா கவுண்டர். பழநிசாமி [1] 27 அக்டோபர் 1941 (1941-10-27) (அகவை 83)[2] கோவை மாவட்டம் சூலூர் அருகில் காசிகவுண்டன் புதூர்
பணி	நடிகர், ஓவியர், மேடை பேச்சாளர்
பெற்றோர்(கள்)	தந்தை : ராக்கையா கவுண்டர் தாயாா் : பழநியம்மாள்
வாழ்க்கைத் துணை	இலட்சுமி
பிள்ளைகள்	சூர்யா, கார்த்தி, பிருந்தா

திரைப்பட நடிகர்கள் சூர்யா, கார்த்தி ஆகியோர் இவரது மகன்கள் ஆவர்.

ஆரம்ப கால வாழ்க்கை

• சிவகுமார் தனது ஆரம்ப காலத்தில் திரைப்படம் சார்ந்த நல்ல ஓவியராக வாழ்க்கையை தொடங்கினாலும் தமிழ் திரையுலகம் அவரை நல்லதொரு குணசித்திர நடிகராக தன் பக்கம் ஈர்த்து தக்க வைத்துக் கொண்டது.
• மேலும் தமிழ் திரையுலகில் சிவகுமார் நடிப்பையும் தாண்டி மேடை பேச்சு, சொற்பொழிவு, ஓவியம் வரைதல் போன்ற பல்துறை வித்தகராவார்.
• மேலும் தமிழ் திரையுலகில் நான்கு தலைமுறை நடிகர்களையும் கண்டு அவர்களுடன் இணைந்து நடித்த பழம்பெரும் முன்னணி நடிகர்களில் ஒருவராவார்.
• மேலும் திரைப்படங்களில் பல்வேறு கதாபாத்திரங்களில் ஏற்று மிக சிறப்பாக நடித்த பெருமை இவருக்கு உண்டு.
• மேலும் 1965 ஆம் ஆண்டு அன்றைய புகழ்பெற்ற படத்தயாரிப்பு நிறுவனமான ஏ. வி. எம். ஸ்டூடியோ தயாரித்து இயக்கிய காக்கும் கரங்கள் படத்தில் அன்றைய முன்னணி நடிகர் எஸ். எஸ். ராஜேந்திரன் நடித்த திரைப்படத்தில் சிவகுமார் முதல் முதலாக அறிமுகமானார்.
• இவர் திரையுலகில் முழுநேர நடிகராக ஈடுபட்டதால் ஏ. வி. எம். சரவணன் அவர்கள் இவரது இயற்பெயரான பழநிசாமி என்ற பழமையான பெயரை மாற்றிவிட்டு சிவகுமார் என்று பெயர் மாற்றினார்.
• அதற்கு சிவகுமார் அவர்கள் எனது பெயர் பழநிசாமி என்பது எங்கள் தந்தையார் பழநி முருகன் வேண்டுதலையேற்று வைத்த பெயர் ஆதலால் மாற்று பெயர் கூட முருகபெருமானை சார்ந்த பெயராக இருக்க வேண்டும் என்று ஒரு அன்பு நிபந்தனை விதித்தார்.
• அதை அப்படியே ஏற்று கொண்ட ஏ.வி.எம்.சரவணன் அவர்கள் தனது தந்தை மெய்யப்ப செட்டியார் மூலம் " சிவகுமார் " என்று முருகபெருமானை குறிக்கும் பெயரை வைத்தார்.
• அவர் பெயர் மாற்றம் செய்ததற்கு நன்றி தெறிவிக்கும் விதமாக நடிகர் சிவகுமார் அவர்கள் தனது மூத்த மகனுக்கு அவரது பெயரான " சரவணன் " என்று (நடிகர் சூர்யாவின் இயற்பெயர்) தனது மகனுக்கு பெயர் வைத்தார் என்பது குறிப்பிடத்தக்கது.
• மேலும் காக்கும் கரங்கள் திரைப்படம் 19 ஜூன் 1965 அன்று வெளியிடப்பட்டது.
• மேலும் அப்படத்தின் மூலம் இயக்குநர் ஏ. சி. திருலோகச்சந்தர் சிவகுமார் நட்பு உருவானது.
• இத்திரைப்படத்தின் மூலம் இவருக்கு திறமையான நடிகருக்கான கதவுகள் திறந்தது.
• இவர் அனைத்து வகைகளிலும் எந்த பாத்திரத்தையும் ஏற்று நேர்த்தியுடன் தனது அசாத்தியமான நடிப்பை வெளிபடுத்தி நடிக்கும் திறமையை வளர்த்துக் கொண்டார்.
• மேலும் தனது நடிப்பின் ஆரம்ப காலத்தில் சிவகுமார் அவர்கள் தமிழ் திரையுலகில் நடிப்பில் முடிசூடா சக்கரவர்த்தியாக திகழ்ந்த நடிகர் திலகம் சிவாஜி கணேசனின் தீவிர ரசிகனாக திகழ்ந்த போது அவரை போலவே சிவகுமார் தனது நடிப்பின் சாயலும், தாக்கமும், பாவனையிலும், பாணியும் சிவகுமார் வெளிபடுத்தி நடித்த போது சிவாஜி கணேசன் அவர்கள் உனகென்று ஒரு தனி நடிப்பு பாணியை உருவாக்கிக் கொள் என்று அன்பான அறிவுரையை வழங்கினார்.
• அதன் பிறகு சிவகுமார் தனது நடிப்பின் திறன்களை மிக எளிதாக மாற்றி கொண்டு புதிதான தனக்கென்று ஒரு பாணியில் நடித்தார்.
• மேலும் இவர் நடிப்பிற்கான அற்ப்பணிப்பில் உருவான குறிப்பிடத்தக்க சில திரைப்படங்களான சரஸ்வதி சபதம் (1966), கந்தன் கருணை (1967), திருமால் பெருமை (1968) மற்றும் உயர்ந்த மனிதன் (1968) போன்றவற்றிலிருந்து நன்கு அறியப்பட்டதாகும். இவர் தமிழ்த் திரைப்படங்களில் மிகவும் வெற்றி பெற்ற ரோசாப்பூ ரவிக்கைக்காரி (1979) மற்றும் மிகவும் பிரபலமான கே பாலசந்தரின் சிந்து பைரவி (1985) திரைப்படங்களில் நடித்துள்ளார். ரோசாப்பூ ரவிக்கைக்காரி (1979), வண்டிச்சக்கரம் (1980) ஆகிய படங்களுக்கு சிறந்த நடிகருக்கான பிலிம்பேர் விருதை (தெற்கு) வென்றார். வாழ்நாள் சாதனையாளர் விருது -(2007)ஆம் ஆண்டில் பெற்றார். இவர் தமிழ்நாடு மாநில திரைப்பட விருதுகள் அவன் அவள் அது (1980) மற்றும் அக்னி சாட்சி (1982) ஆகிய திரைப்படங்களுக்குப் பெற்றார்.
• இவர் மூன்று தலைமுறைகளில், எம்ஜி ராமச்சந்திரன், சிவாஜி கணேசன், ஜெமினி கணேசன், எஸ். எஸ். ராஜேந்திரன், ஆர். முத்துராமன், ஏ. வி. எம். ராஜன், ஜெய்சங்கர், ரவிச்சந்திரன், கமல்ஹாசன், ரசினிகாந்த், விஜயகாந்த், சத்யராஜ், சரத் குமார், பிரபு, கார்த்திக், மோகன், அர்ஜுன், அஜித் குமார், விஜய், விக்ரம் மற்றும் சூர்யா உட்பட பல முன்னணி தமிழ் நடிகர்களுடன் இணைந்து நடித்துள்ளார்.
• அதன் பிறகு 2000 ஆம் காலகட்டத்தில் ராதிகாவுடன் இணைந்து சித்தி மற்றும் அண்ணாமலை போன்ற பிரபலமான தொலைக்காட்சி தொடர்களில் சிவகுமார் தனது மற்றொரு பரிமாண நடிப்பை வழங்கினார்.
• இவர் 2012 ஆம் ஆண்டில் அண்ணா நூற்றாண்டு நூலகத்தில் ஜெயா தொலைக்காட்சி வாழ்நாள் சாதனையாளர் விருதை சிவகுமாருக்கு வழங்கி கௌரவித்தது. 40 ஆண்டுகளுக்கும் மேலாக தமிழ்த் திரையுலகிற்கு இவர் செய்த பாராட்டத்தக்க பங்களிப்புக்காக இவரை கௌரவிப்பதற்காகவே இவ்விருது வழங்கப்பட்டது.
• மேலும் இவர் சமீபத்திய காலங்களில் இந்து இறையியல் உள்ளிட்ட பல்வேறு விடயங்களில் தனது கருத்தைத் தெரிவித்த இவர் பொதுப் பேச்சில் இறங்கினார். இவருடைய சரளமான பேச்சுகளுக்காக பாராட்டப்பட்டார்.^[4][5]

தனிப்பட்ட வாழ்க்கை

• சிவகுமார் கோயம்புத்தூரில் உள்ள காசிகவுண்டன்புதூரில் ராக்கையா கவுண்டர்–பழநியம்மாள் இணையாருக்கு நான்காவது மகனாக பிறந்தார்.
• இவருக்கு முன்பு மூன்று அக்காவும் சுப்ரமணியசாமி (சிறு வயதிலே இறந்துவிட்டார்) என்ற இளைய சகோதரரும் இருந்துள்ளனர்.
• மேலும் இவர் தனது தாயார் விருப்பத்தை ஏற்று அவரது உறவினர் பெண்ணான இலட்சுமி என்பவரை 1974 ஆம் ஆண்டு மணந்தார். இத்தம்பதியருக்கு மூன்று பிள்ளைகள் உள்ளனர்.
• அதில் முதலாவதாக நடிகர்கள் சூர்யா மற்றும் கார்த்திக் என இரண்டு மகன்களும் படித்து பட்டம் பெற்று இருந்தாலும் தனது தந்தை போல் திரைப்படங்களில் நடிப்பதை ஆர்வம் கொண்டு தற்போது வரை நடித்து வருகின்றார். அதன் பிறகு பிருந்தா என்ற மகளும் உள்ளார். தங்கை பிருந்தா அவர்கள் திரையில் தோன்றி நடிக்காவிட்டாலும் திரைப்படங்களில் பின்னணி பாடகிய திகழ்ந்து வருகிறார்.^[6].
• மேலும் சிவகுமார் அவர்கள் ஆன்மீக ஈடுபாடும், வைதீக நம்பிக்கையும் உடையவர் என்பதால் தனது விருப்ப கடவுளான முருகப்பெருமான் மீதான தீவிர பக்தராவார்.
• சிவகுமாரின் மூத்த மருமகள் பிரபல நடிகை ஜோதிகா ஆவார்.^[7]

கம்பராமாயண சொற்பொழிவு

• கம்பராமாயணத்தில் ஈடுபாடு கொண்ட இவர், குறுகிய காலத்தில் கம்பராமாயணப்பாடல்கள் பலவற்றை மனனம் செய்து, அவற்றை மேற்கோள் காட்டி நிகழ்த்தும் கம்பராமாயணச் சொற்பொழிவுகள் அறிஞர்களால் பாராட்டப்பெறுகின்றன.^[8]

திரைப்படப் பட்டியல்

1960களில்

ஆண்டு	திரைப்படம்	கதாபாத்திரம்	குறிப்பு
1965	காக்கும் கரங்கள்	சுரேந்தர்	அறிமுகம்
1966	மோட்டார் சுந்தரம் பிள்ளை	கோபால்
	தாயே உனக்காக	ராஜு (ராணுவ வீரர்)
	சரஸ்வதி சபதம்	கடவுள் விஷ்ணு
1967	கந்தன் கருணை	கடவுள் முருகன்
	காவல்காரன்	சந்திரன்
	கண் கண்ட தெய்வம்	பரிமாறுபவர்
1968	பணமா பாசமா	சங்கரின் மைத்துனன்
	திருமால் பெருமை	கடவுள் விஷ்ணு
	பால் மனம்
	ஜீவனாம்சம்	சபாபதி
	உயர்ந்த மனிதன்	சத்யமூர்த்தி
1969	காவல் தெய்வம்	மாணிக்கம்
	கன்னிப் பெண்
	அன்னையும் பிதாவும்

1970களில்

ஆண்டு	திரைப்படம்	கதாபாத்திரம்	குறிப்பு
1970	விளையாட்டுப் பிள்ளை	மாணிக்கம்
	எதிரொலி	சுந்தரம்
	கஸ்தூரி திலகம்
	திருமலை தென்குமரி	சேகர்
	நவக்கிரகம்
1971	திருமகள்	ராமு
	கண்காட்சி
	தேரோட்டம்
	மூன்று தெய்வங்கள்	குமார்
	அன்னை வேளாங்கண்ணி	ரங்கய்யா
	பாபு	பிரேம்
1972	அகத்தியர் (திரைப்படம்)	தொல்காப்பியர்
	சக்தி லீலை	நாரத முனி
	இதய வீணை	கிரிமணி
	அன்னை அபிராமி
	தெய்வம்	சுப்பிரமணியம்
1973	கங்கா கௌரி	மகாதேவன்
	அரங்கேற்றம்	தங்கவேலு
	பாரத விலாஸ்	சங்கர்
	ராஜ ராஜ சோழன்	இளவரசர் இராசேந்திர சோழன்
	சண்முகப்பிரியா		விருந்தினர் தோற்றம்
	பொண்ணுக்கு தங்க மனசு	ராமு
	சொந்தம்
	திருமலை தெய்வம்	கடவுள் விஷ்ணு / ஸ்ரீனிவாசன்
	கட்டிலா தொட்டிலா	சம்பாசிவம்
	காரைக்கால் அம்மையார்	கடவுள் சிவா
	பெண்ணை நம்புங்கள்
	சொல்லத்தான் நினைக்கிறேன்	ராகவன்
1974	திருமாங்கல்யம்	முரளி
	டைகர் தாத்தாச்சாரி
	மாணிக்கத் தொட்டில்		விருந்தினர் தோற்றம்
	சிசுபாலன்		விருந்தினர் தோற்றம்
	கண்மணி ராஜா	செல்வம்
	தீர்க்க சுமங்கலி
	வெள்ளிக்கிழமை விரதம்	நாகராஜன்
	குமாஸ்தாவின் மகள்
	ஒண்ணே ஒண்ணு கண்ணே கண்ணு
	பாதபூஜை
	எங்கம்மா சபதம்
	தாய் பாசம்
	பணத்துக்காக	ரமேஷ்
1975	எங்க பாட்டன் சொத்து
	புதுவெள்ளம்
	தேன்சிந்துதே வானம்	ராஜா
	யாருக்கும் வெட்கமில்லை
	மேல்நாட்டு மருமகள்	மோகன்
	தங்கத்திலே வைரம்	ரவி
	உறவு சொல்ல ஒருவன்		விருந்தினர் தோற்றம்
	இப்படியும் ஒரு பெண்
	ஆண்பிள்ளை சிங்கம்	அசோக்
	பட்டிக்காட்டு ராஜா	ராஜா
1976	உங்களில் ஒருத்தி
	கிரஹப்பிரவேசம்	இரவி
	அன்னக்கிளி	தியாகராஜன்	பரிந்துரை, சிறந்த நடிகருக்கான பிலிம்பேர் விருது – தமிழ்
	மதன மாளிகை
	சந்ததி
	உறவாடும் நெஞ்சம்
	பத்ரகாளி	கணேஷ்
1977	எதற்கும் துணிந்தவன்
	சொன்னதைச் செய்வேன்
	பெண்ணை சொல்லி குற்றமில்லை
	பெருமைக்குறியவள்
	கவிக்குயில்	கோபால்
	சொர்க்கம் நரகம்
	துணையிருப்பாள் மீனாட்சி
	புவனா ஒரு கேள்விக்குறி	நாகராஜன்
	ஸ்ரீ கிருஷ்ண லீலா	கடவுள் கிருஷ்ணன்
	ஆட்டுக்கார அலமேலு	விஜய்	பரிந்துரை, சிறந்த நடிகருக்கான பிலிம்பேர் விருது – தமிழ்
	துர்க்கா தேவி
	சாய்ந்தாடம்மா சாய்ந்தாடு
1978	ராதைக்கேற்ற கண்ணன்
	மாரியம்மன் திருவிழா
	கைபிடித்தவள்
	சிட்டுக்குருவி
	கண்ணாமூச்சி
	கண்ணன் ஒரு கைக்குழந்தை
	மச்சானை பாத்தீங்களா
	அதை விட ரகசியம்
1979	என்னடி மீனாட்சி
	கடவுள் அமைத்த மேடை
	ரோசாப்பூ ரவிக்கைக்காரி	செம்பட்ட	100வது திரைப்படம் வெற்றி, சிறந்த நடிகருக்கான பிலிம்பேர் விருது – தமிழ்
	யாருக்கு யார் காவல்
	பூந்தளிர்	அசோக்
	தேவதை
	முதல் இரவு
	ஏணிப்படிகள்	மாணிக்கம்

1980களில்

ஆண்டு	திரைப்படம்	கதாபாத்திரம்	குறிப்பு
1980	ஒரு வெள்ளாடு வேங்கையாகிறது
	குருவிக்கூடு
	காதல் கிளிகள்
	அவன் அவள் அது	ராமு
	சாமந்திப்பூ
	வண்டிச்சக்கரம்	கஜா	வெற்றி, சிறந்த நடிகருக்கான பிலிம்பேர் விருது – தமிழ்
	ராமன் பரசுராமன்		இரண்டு கதாபாத்திரங்கள்
	துணிவே தோழன்
1981	கோடீஸ்வரன் மகள்
	ஆணிவேர்
	நெல்லிக்கனி
	நெருப்பிலே பூத்த மலர்
	அன்று முதல் இன்று வரை
1982	ஆனந்த ராகம்
	ஆயிரம் முத்தங்கள்	முரளி
	துணைவி
	தீர்ப்புகள் திருத்தப்படலாம்
	தாய்மூகாம்பிகை
	நிஜங்கள்
	அக்னி சாட்சி	அரவிந்தன்	பரிந்துரை, சிறந்த நடிகருக்கான பிலிம்பேர் விருது – தமிழ்
	நம்பினால் நம்புங்கள்
1983	உறங்காத நினைவுகள்
	சாட்டை இல்லாத பம்பரம்	பழனிசாமி
	தம்பதிகள்
	வீட்டுல ராமன் வெளியில கிருஷ்ணன்
	சஸ்டி விரதம்
	இன்று நீ நாளை நான்	பழனியப்பன்
	தண்டிக்கப்பட்ட நியாயங்கள்
	தங்கைக்கோர் கீதம்	ஹரிச்சந்திரன்
1984	குவா குவா வாத்துகள்
	அம்மா இருக்கா
	நான் பாடும் பாடல்	சி. ஆர். சுப்பிரமணியம்
	நிலவு சுடுவதில்லை	ரவி
	உன்னை நான் சந்தித்தேன்	ரகுராமன்
1985	புதுயுகம்	ராஜசேகர்
	பௌர்ணமி அலைகள்
	சுகமான ராகங்கள்
	கற்பூரதீபம்
	பிரேம பாசம்
	சிந்து பைரவி	ஜே. கே. பாலகணபதி	பரிந்துரை, சிறந்த நடிகருக்கான பிலிம்பேர் விருது – தமிழ்,
	மீண்டும் பராசக்தி
1986	ஜீவநதி
	கண்மணியே பேசு
	கண்ணத் தொறக்கணும் சாமி	சேகர்
	யாரோ எழுதிய கவிதை
	இசை பாடும் தென்றல்
	மனிதனின் மறுபக்கம்	ரவி வர்மா
	உனக்காகவே வாழ்கிறேன்	ரவிசங்கர்
	பன்னீர் நதிகள்
1987	இனி ஒரு சுதந்திரம்	சத்யமூர்த்தி
	சின்னக்குயில் பாடுது	ராஜா
1988	பூவும் புயலும்
	ஒருவர் வாழும் ஆலயம்	சிவகுருநாதன்
	பாசப் பறவைகள்	டாக்டர். சுகுமார்
	இல்லம்	மயில்சாமி கவுண்டர்
	பாடாத தேனீக்கள்

1990களில்

ஆண்டு	திரைப்படம்	கதாபாத்திரம்	குறிப்பு
1990	பகலில் பௌர்ணமி
	உறுதிமொழி
	நீ சிரித்தால் தீபாவளி
	நியாயங்கள் ஜெயிக்கட்டும்
1991	மறுபக்கம்	வேம்பு ஐயர்
	மனித ஜாதி
	பிள்ளை பாசம்
	சார் ஐ லவ் யூ
1992	அண்ணன் என்னடா தம்பி என்னடா	ராக்கையா
	ஒண்ணா இருக்க கத்துக்கணும்	சிவராமன்
1993	தசரதன்
	பொன்னுமணி	கதிர்வேலு
	பொறந்த வீடா புகுந்த வீடா	ரவி
1994	சிறகடிக்க ஆசை	சிவா
	வீட்டைப்பாரு நாட்டைப்பாரு	பழனிவேல்
	வாட்ச்மேன் வடிவேலு	வடிவேலு
	மேட்டுப்பட்டி மிராசு	மேட்டுப்பட்டி மிராசு, சிவா
1995	பசும்பொன்	கதிரேசதேவர்
	தேவா	காந்திதாசன்
	டியர் சன் மருது	விஸ்வநாதன்
1996	நாட்டுப்புறப் பாட்டு	பழனிசாமி
1997	ராமன் அப்துல்லா	ஹஜீர்
	காதலுக்கு மரியாதை	சந்திரசேகர்
1999	உன்னை தேடி	ஆதி நாராயணன்
	கும்மி பாட்டு	தர்மராசு
	மலபார் போலீஸ்	நாகராஜன்
	மறவாதே கண்மணியே	தர்மராசு
	சேது
	கண்ணுபடப்போகுதய்யா	பரமசிவம்

2000த்தில்

ஆண்டு	திரைப்படம்	கதாபாத்திரம்	குறிப்பு
2000	உயிரிலே கலந்தது	ஆய்வாளர் சேது விநாயகம்
	இளையவன்	டி. பாபு
2001	பூவெல்லாம் உன் வாசம்	அருணாசலம்

பின்னணிக் குரல்

2010களில்

ஆண்டு	திரைப்படம்	கதாபாத்திரம்	நடிகர்
2015	36 வயதினிலே	இந்தியக் குடியரசுத் தலைவர்	சித்தார்த்த பாசு

தொலைக்காட்சித் தொடர்கள்

• கையளவு மனசு (1990)
• ரேவதி
• புஸ்பாஞ்சலி
• வீட்டுக்கு வீடு வாசப்படி
• பந்தம் (1994)
• ௭த்தனை மனிதர்கள் (1997)
• ஆட்சி இன்டர்நேஷனல் (1997-1998)
• திக் திக் திக் (1999)
• சித்தி (1999-2001)
• காவேரி (1999-2001)
• அண்ணாமலை (2002-2005)
• லட்சுமி (2006-2008)

விருதுகள்

சிவகுமார் மூன்று முறை பிலிம்பேர் விருதுகள் தெற்கில் பெற்றவர் மற்றும் இரண்டு முறை தமிழ்நாடு மாநில திரைப்பட விருதுகளை வென்றவர் .

பிலிம்பேர் விருதுகள் தெற்கு

• 1979 – சிறந்த நடிகர் – ரோசாப்பூ ரவிக்கைக்காரி- (தமிழில்)
• 1980 – சிறந்த நடிகர் – வண்டிச்சக்கரம் - (தமிழில்)
• 2007 - பிலிம்பேர் வாழ்நாள் சாதனையாளர் விருது

தமிழ்நாடு மாநில திரைப்பட விருதுகள்

• 1979 – சிறந்த நடிகர் விருது - அவன் அவள் அது
• 1982 - சிறந்த நடிகர் விருது - அக்னி சாட்சி

அண்ணா நூற்றாண்டு நூலகம்

• 2012 - வாழ்நாள் சாதனையாளர் விருது

நார்வே தமிழ்த் திரைப்பட விழா விருதுகள்

• 2015 - நார்வே தமிழ்த் திரைப்பட விழா--கலைச்சிகரம் விருது

விஜய் விருதுகள்

• 2018 - தமிழ் சினிமாவுக்கு பங்களித்ததற்காக விஜய் விருது

நூல்கள்

• இது ராஜபாட்டை அல்ல
• கம்பன் என் காதலன்
• டைரி(1945-1975)
• தமிழ் சினிமாவில் தமிழ்