ஹப் மாவட்டம்

ஹப் மாவட்டம் (Hub District), பாகிஸ்தான் நாட்டின் பலூசிஸ்தான் மாகாணத்தின் 37 மாவட்டங்களில் ஒன்றாகும். ஹப் மாவட்டம் பலூசிஸ்தான் மாகாணத்தின் தென்கிழக்கில், சிந்து மாகாணத்தின் எல்லையை ஒட்டி அமைந்துள்ளது. இதன் நிர்வாகத் தலைமையிடம் ஹப் நகரம் ஆகும். ஹப் நகரம் மாகாணத் தலைநகரான குவெட்டாவிற்கு தெற்கே 663கிலோமீட்டர் தொலைவிலும்; தேசியத் தலைநகரான இசுலாமாபாத்துக்கு 1,431 கிலோமீட்டர் தொலைவிலும் உள்ளது.

ஹப் ضِلع حَب
மாவட்டம்
மேல்: கதானி கடற்கரை கீழ்: ஹனிதான் கல்லறைகள்
பலூசிஸ்தான் மாகாணத்தில் ஹப் மாவட்டம்
நாடு	பாக்கித்தான்
மாகாணம்	பலூசிஸ்தான்
கோட்டம்	கலாத்
நிறுவிய ஆண்டு	2022
தலைமையிடம்	ஹப்
அரசு
• வகை	மாவட்ட நிர்வாகம்
பரப்பளவு
• Total	6,716 km2 (2,593 sq mi)
மக்கள்தொகை  (2023)[1]
• Total	3,82,885
• அடர்த்தி	57/km2 (150/sq mi)
• நகர்ப்புறம்	1,95,661 (51.10%)
• நாட்டுப்புறம்	37,782 (48.90%)
எழுத்தறிவு [2]
• சராசரி எழுத்தறிவு	44.35%
நேர வலயம்	ஒசநே+5 (பாகிஸ்தான் சீர்நேரம்)

மாவட்ட எல்லைகள்

பலூசிஸ்தான் மாகாணத்தின் மாவட்டங்கள்

6,716 சதுர கிலோமீட்டர் பரப்பளவு கொண்ட ஹப் மாவட்டத்தின் வடக்கில் குஷ்தர் மாவட்டம், கிழக்கில் சிந்து மாகாணம், தெற்கில் அரபுக்கடல் மற்றும் மேற்கில் லஸ்பெலா மாவட்டம் எல்லைகளாகக் கொண்டுள்ளது.

மாவட்ட நிர்வாகம்

ஹப் மாவட்டம் 5 வருவாய் வட்டங்களைக் கொண்டுள்ளது.

வருவாய் வட்டம்	பரப்பளவு (km²)[3]	மக்கள் தொகை (2023)	மக்கள்தொகை அடர்த்தி (ppl/km²) (2023)	சராசரி எழுத்தறிவு % (2023)[4]	ஒன்றியக் குழுக்கள்
கதானி வட்டம்	419	29,215	69.73	48.57%	கதானி
சோன்மியானி வட்டம்	2,616	67,991	25.99	35.80%	சோன்மியானி விண்டெர்
ஹப் வட்டம்	868	233,443	268.94	44.35%	அல்லாபாத்
சகரன் வட்டம்	...	...	...	...	சகரன்
தூரேஜி வட்டம்	2,813	52,236	18.57	15.58%	துரேஜி லோகி

மக்கள் தொகை பரம்பல்

2023 பாக்கித்தான் மக்கள் தொகை கணக்கெடுப்பின்படி 49,449 குடியிருப்புகள் கொண்ட ஹப் மாவட்டத்தின் மக்கள் தொகை 3,82,885. பாலின விகிதம் 1000 ஆண்களுக்கு 913 பெண்கள் வீதம் உள்ளனர். சராசரி எழுத்தறிவு விகிதம் 35.90% ஆகும். நகர்புறங்களில் 227,872 (67.09%) மக்கள் வாழ்கின்றனர். 2017 கணக்கெடுப்பின் போது இதன் மக்கள் தொகையில் 10 வயதிற்குட்பட்ட குழந்தைகள் 105,437 (31.04%) இருந்தனர்.^[1]

சமயங்கள்

ஹப் மாவட்டத்தில் இசுலாமியர்கள் 97.93%, இந்துக்கள் 1.67% மற்றும் பிற சமயத்தவர்கள் 0.40% உள்ளனர்.

மொழிகள்

ஹப் மாவட்டத்தில் பலூச்சி மொழி 58.31%, சிந்தி மொழி 18.51%, பிராகுயி மொழி 15.80%, பஷ்தூ மொழி 4.08% சராய்கி மொழி 1.22% மற்றும் பிற மொழிகள் 2.08% பேசப்படுகிறது.