கடைக்குட்டி சிங்கம்

கடைக்குட்டி சிங்கம் (Kadaikutty Singam), பாண்டிராஜ் இயக்கத்தில், 2டி என்டேர்டைன்மென்ட் சார்பில் சூர்யா தயாரிப்பில் 2018 ஆம் ஆண்டு வெளியான தமிழ்த் திரைப்படமாகும்.^[1] கார்த்திக், சாயிஷா, அர்த்தனா பினு ஆகியோர் நடித்துள்ளனர்.^[2] இத்திரைப்படம் டி. இமானின் இசையில் வேல்ராஜின் ஒளிப்பதிவில், உருவாகியுள்ளது.^[3] இத்திரைப்படம் தெலுங்கில் சின்ன பாபு என்னும் பெயரில் வெளியாகியுள்ளது.^[4] இத்திரைப்படமானது சூலை 13, 2018 அன்று வெளியானது.

கடைக்குட்டி சிங்கம்
சுவரொட்டி
இயக்கம்	பாண்டிராஜ்
தயாரிப்பு	சூர்யா
கதை	பாண்டிராஜ்
இசை	டி. இமான்
நடிப்பு	கார்த்திக் சாயிஷா அர்த்தனா பினு
ஒளிப்பதிவு	வேல்ராஜ்
வெளியீடு	13 சூலை 2018 (2018-07-13)
நாடு	இந்தியா
மொழி	தமிழ்

நடிப்பு

• கார்த்திக் - குணசிங்கம்
• சாயிஷா - இனியா
• அர்த்தனா பினு - பிரியதர்ஷினி
• சத்யராஜ் - ரணசிங்கம்
• பிரியா பவானி சங்கர் - பூம்பொழில் செல்லம்மா
• பானுப்ரியா - பஞ்சவன் மாதேவி
• விஜி சந்திரசேகர் - வனவன் மாதேவி
• பொன்வண்ணன் - தில்லியநாயகம்
• சூரி - சிவகமியன் செல்வன்

படப்பணிகள்

கார்த்திக் முன்னணிப் பாத்திரத்தில் நடிக்கும் இப்படத்தின் தயாரிப்பாளர் சூர்யா 2017இல் இயக்குநர் பாண்டிராஜூடன் இத்திரைப்படத்திற்கான ஒப்பந்தத்தை மேற்கொண்டனர்.^[5] நவம்பர் 9, 2017இல் சென்னையில் இத்திரைப்படத்தின் படப்பிடிப்பு, படக்குழுவினருடன் தொடங்கியது.^[6] 2018 இன் தொடக்கத்தில் இப்படத்தின் படப்பிடிப்பிற்காக படக்குழுவினர் தென்காசிக்குச் சென்றனர்.^[7] தியாகராய நகரிலுள்ள நடிகை மனோராமாவின் இல்லத்தில் இப்படத்திற்காக சில காட்சிகளைப் படமாக்கியுள்ளனர்.^[8]