கோலாலம்பூர் மருத்துவமனை எம்ஆர்டி நிலையம்

கோலாலம்பூர் மருத்துவமனை எம்ஆர்டி நிலையம் (ஆங்கிலம்: Hospital Kuala Lumpur MRT station; மலாய்: Stesen MRT Hospital Kuala Lumpur) என்பது மலேசியா, கோலாலம்பூர், தித்திவங்சா, துன் ரசாக் சாலையில் (Circular Road) அமைந்துள்ள ஒரு விரைவுப் போக்குவரத்து (MRT) தொடருந்து நிலையம் ஆகும்.

PY18  கோலாலம்பூர் மருத்துவமனை
| எம்ஆர்டி நிலையம்
கோலாலம்பூர் மருத்துவமனை நிலையம்
பொது தகவல்கள்
வேறு பெயர்கள்	Hospital Kuala Lumpur MRT Station Stesen MRT Hospital Kuala Lumpur சீனம்: 吉隆坡中央医院站
அமைவிடம்	துன் ரசாக் சாலை, தித்திவங்சா கோலாலம்பூர்  மலேசியா
ஆள்கூறுகள்	3°10′27.17″N 101°42′5.95″E
உரிமம்	எம்ஆர்டி நிறுவனம்
இயக்குபவர்	ரேபிட் ரெயில்
தடங்கள்	12  புத்ராஜெயா
நடைமேடை	1 தீவு மேடை
இருப்புப் பாதைகள்	2
கட்டமைப்பு
கட்டமைப்பு வகை	நிலத்தடி
தரிப்பிடம்	உண்டு
துவிச்சக்கர வண்டி வசதிகள்	உண்டு
மாற்றுத்திறனாளி அணுகல்	உண்டு
மற்ற தகவல்கள்
நிலையக் குறியீடு	PY18
வரலாறு
திறக்கப்பட்டது	PY18  16 மார்ச் 2023
சேவைகள்
முந்தைய நிலையம்   ரேபிட் கேஎல்   அடுத்த நிலையம்     தித்திவங்சா குவாசா டாமன்சாரா   புத்ராஜெயா வழித்தடம்   ராஜா ஊடா புத்ராஜெயா சென்ட்ரல்
அமைவிடம்

இந்த நிலையம், கிள்ளான் பள்ளத்தாக்கு பெரும் விரைவு போக்குவரத்து (KVMRT); புத்ராஜெயா எம்ஆர்டி வழித்தடத்தின் இரண்டாம் கட்ட கட்டுமானத்தின் கீழ் 2023 மார்ச் 16-ஆம் தேதி திறக்கப்பட்டது.  PY17  தித்திவங்சா நிலையத்திற்கும்;  PY19  ராஜா ஊடா எம்ஆர்டி நிலையத்திற்கும் இடையில் அமைந்துள்ள இந்த நிலையத்தின் அடையாளக் குறியீடு  PY18  ஆகும்.^[1]

வரலாறு

இந்த நிலையம் கட்டப்படுவதற்கு முன்பு சுங்கை பூலோ-செர்டாங்-புத்ராஜெயா வழித்தட அமைப்பில்; கோலாலம்பூர் மருத்துவமனை நிலையமும் ஒரு பகுதியாக அமையும் என 2016 செப்டம்பர் 15-ஆம் தேதி எம்ஆர்டி நிறுவனம் அறிவித்தது. முன்பு செயல்பாட்டில் இருந்த சுங்கை பூலோ-செர்டாங்-புத்ராஜெயா வழித்தட அமைப்பு தற்போது புத்ராஜெயா வழித்தடம் என அழைக்கப்படுகிறது.

அதன் பின்னர் இந்த  PY18  கோலாலம்பூர் மருத்துவமனை எம்ஆர்டி நிலையம்; புத்ராஜெயா வழித்தடத்தில் நிலத்தடி நிலையமாக உருவாக்கப்பட்டது.

நிலத்தடி கட்டுமானங்கள்

நிலத்தடி கட்டுமான ஒப்பந்தத்தின் கீழ் கோலாலம்பூர் மருத்துவமனை எம்ஆர்டி நிலையம் தற்போது நிலத்தடியில் அமைந்துள்ளது. 2016 மார்ச் மாதம் கையெழுத்தான உடன்படிக்கையின் கீழ் RM 15.47 பில்லியன் மதிப்பிலான கட்டுமான கட்டமைப்புகள் எம்ஆர்டி நிறுவனத்தால் எம்எம்சி-கமுடா (MMC-Gamuda) நிறுவனத்திடம் வழங்கப்பட்டன. கட்டுமான கட்டமைப்புகளில் நிலையங்களின் இணைப்புவழிகள், நடைமேடைகள், நிலையக் கதவுகள் உள்ளிட்ட பல்வேறு கட்டமைப்புக் கட்டுமானப் பணிகள் அடங்கும்.

13.5 கிலோமீட்டர் (8.4 மைல்) நிலத்தடி கட்டுமான ஒப்பந்தத்தில்,  PY16  செந்தூல் பாராட் எம்ஆர்டி நிலையம் தொடங்கி  PY26  பண்டார் மலேசியா செலாத்தான் எம்ஆர்டி நிலையம் வரையிலான நிலையக் கட்டுமானப் பணிகளும் அடங்கும்.^[2][3][4] அனைத்து நிலையங்களின் கட்டுமானப் பணிகளும் கிள்ளான் பள்ளத்தாக்கு பெரும் விரைவு போக்குவரத்து (KVMRT) திட்டத்தின் கீழ் உள்ளன. கோலாலம்பூர் மருத்துவமனை எம்ஆர்டி நிலையம் 16 மார்ச் 2023-இல் பொதுமக்களுக்குத் திறக்கப்பட்டு, செயல்பாடுகளைத் தொடங்கியது.^[5][6]

2022 திசம்பர் 23-ஆம் தேதி, 12 புத்ராஜெயா எம்ஆர்டி வழித்தடத்தின் இரண்டாம் கட்டத் திறப்பு நிகழ்வு நடைபெறும் என்று எம்ஆர்டி நிறுவனம் அறிவித்தது. இரண்டாம் கட்ட கட்டுமானத்தின் கீழ் கம்போங் பத்து நிலையம் தொடங்கி புத்ராஜெயா சென்ட்ரல் வரையிலான மற்ற எம்ஆர்டி நிலையங்களும் செயல்படத் தொடங்கின.

இருப்பினும், அசல் திட்டத்தின்படி, கோலாலம்பூர் மருத்துவமனை எம்ஆர்டி நிலையம் சூலை 2022-இல் திறக்கப்பட்டிருக்க வேண்டும். ஆனாலும் திறப்பு நிகழ்வு சில தாமதங்களைச் சந்தித்தது. அதன் காரணமாக திறப்புவிழா சனவரி 2023-க்கு ஒத்திவைக்கப்பட்டது.^[7][8]

நிலைய அமைவு

G	தரை தளம்	நுழைவாயில்கள் பேருந்து நிறுத்தம், வாடகை தனியார் வாகனங்கள்
B1	தரை தளம்	நிலையத்தின் நுழைவாயில்கள் A, B, C (→) நிலைய இணைப்புவழிகளுடன் இணைப்பு.
B2	நிலத்தடி தளம்	பயணச்சீட்டு இயந்திரங்கள், கட்டண வாயில்கள், வாடிக்கையாளர் சேவை மையங்கள்
B3 நடைமேடை	PY தெற்கு திசை	→ 12  புத்ராஜெயா  →  PY41  புத்ராஜெயா சென்ட்ரல்  PY19  (ராஜா ஊடா எம்ஆர்டி நிலையம்)
	PY41  மத்திய நடைபாதை, தொடருந்து கதவு வலதுபுறம் திறக்கும்  PY15  மத்திய நடைபாதை, தொடருந்து கதவு வலதுபுறம் திறக்கும்
	PY வடக்கு திசை	← 12  புத்ராஜெயா  →  PY04  குவாசா டாமன்சாரா எம்ஆர்டி நிலையம்  PY17  (தித்திவங்சா நிலையம்)

இந்த நிலையம் அடுக்கு நிலைகளைக் கொண்ட நிலையமாகும். புத்ராஜெயா தொடருந்து சேவைக்காக, இந்த நிலையத்தின் மேல் பகுதியில் ஒரு மைய நடைமேடை உள்ளது. அது இரண்டு துணை நடைமேடைகளாகப் பிரிக்கப்பட்டு உள்ளது.

• நடைமேடை 1 - புத்ராஜெயா சென்ட்ரல்
• நடைமேடை 2 - குவாசா டாமன்சாரா எம்ஆர்டி நிலையம்

நிலைய அமைவிடம்

இந்த நிலையம் துன் ரசாக் சாலையின் நிலத்தடியிலும் பகாங் சாலைக்கு அருகிலும் உள்ளது. கோலாலம்பூர் மருத்துவமனை எம்ஆர்டி நிலையத்தைச் சுற்றிலும் அமைந்துள்ள இடங்கள்:

• இசுதானா புடாயா (Istana Budaya)
• தித்திவங்சா பன்னாட்டு வளைதடி விளையாட்டு அரங்கம் (Titiwangsa International Hockey Stadium)
• தித்திவங்சா அரங்கம் (Titiwangsa Stadium)
• தித்திவங்சா ஏரிப் பூங்கா Titiwangsa Lake Park
• தேசியக் கலைக்கூடம் (National Art Gallery)
• தேசிய இரத்த மையம் (National Blood Centre)
• கோலாலம்பூர் மருத்துவமனை
• கோலாலம்பூர் மருத்துவமனையின் சிறுநீரக மற்றும் சிறுநீரகவியல் கழகம் (Institute of Urology and Nephrology)
• கோலாலம்பூர் மருத்துவமனை மறுவாழ்வு மருத்துவத் துறை (Kuala Lumpur Hospital Rehabilitation Medicine Department) * கோலாலம்பூர் மருத்துவமனை இயன்முறை மருத்துவம் துறை (Kuala Lumpur Hospital Physiotherapy Department)

வெளியேறும் வழிகள் - நுழைவாயில்கள்

புத்ராஜெயா  — ஈப்போ சாலை எம்ஆர்டி நிலையம்
நுழைவாயில்	அமைவிடம்	இலக்கு	தோற்றம்
A	மருத்துவமனை முதனமைச் சாலை	கோலாலம்பூர் மருத்துவமனை (HKL), கோலாலம்பூர் மருத்துவமனை மறுவாழ்வு மருத்துவத் துறை, தேசிய பல்கலைக்கழக பல் மருத்துவத் துறை, துங்கு அசிசா மருத்துவமனை, வியூ குடியிருப்புகள்
B	குவாந்தான் சாலை	வாடகை தனியார் வாகனங்கள், துன் ரசாக் சாலை, அரசு குடியிருப்பு, மலேசியாவின் தேசிய மதியிறுக்க சங்கம், இசுதானா புடாயா, தேசியக் கலைக்கூடம், தேசிய இரத்த மையம், தித்திவங்சா ஏரி
C ஒத்திவைப்பு	மாரான் சாலை	அரசு குடியிருப்பு, செரி தித்திவங்சா தங்குமிடம், குவாந்தான் சாலை தொடக்கப்பள்ளி (1)

பேருந்து சேவைகள்

கோலாலம்பூர் மருத்துவமனை எம்ஆர்டி நிலையத்தின் பேருந்து சேவைகள்

பேருந்து	தொடக்கம்	இலக்கு
402	PY18  கோலாலம்பூர் மருத்துவமனை எம்ஆர்டி	KG22   AG13  மலூரி நிலையம் (→)  AG3   SP3   MR11   PY17   CC13  தித்திவங்சா நிலையம்

காட்சியகம்

கோலாலம்பூர் மருத்துவமனை எம்ஆர்டி நிலையக் காட்சிப் படங்கள் (ஏப்ரல் 2023)

• 
• 
• 
• 
• 

மேலும் காண்க

• கோலாலம்பூர் மருத்துவமனை
• துங்கு அப்துல் ரகுமான் பல்கலைக்கழகம்
• மலேசிய மருத்துவமனைகளின் பட்டியல்
• தித்திவங்சா ஏரி
• மலேசிய இருதய மையம்