தியாகம் (திரைப்படம்)

தியாகம் (Thyagam) என்பது 1978 ஆம் ஆண்டு வெளிவந்த தமிழ்த் திரைப்படமாகும். கே. விஜயன் இயக்கத்தில் வெளிவந்த இத்திரைப்படத்தில் சிவாஜி கணேசன், லட்சுமி பாலாஜி மற்றும் பலர் நடித்திருந்தனர். இது 1974 ஆம் ஆண்டு வெளியான வங்கத் திரைப்படமான அமானுஷின் மறுஆக்கம் ஆகும்.^[1] இந்த படம் 1978 மார்ச் 4 அன்று வெளியானது. அந்த ஆண்டின் அதிக வசூலித்த தமிழ் படங்களில் ஒன்றாக மாறியது.^[2]

தியாகம்
இயக்கம்	கே. விஜயன்
தயாரிப்பு	கே. பாலாஜி சுஜாதா சினி ஆர்ட்ஸ்
இசை	இளையராஜா
நடிப்பு	சிவாஜி கணேசன் பாலாஜி லட்சுமி
வெளியீடு	மார்ச்சு 4, 1978
ஓட்டம்	.
நீளம்	4510 மீட்டர்
நாடு	இந்தியா
மொழி	தமிழ்

கதை

பணக்காரராக ராஜாவும் ராதாவும் காதலர்கள். ராஜாவின் கணக்குப்பிள்ளையாக இருந்த ராமசாமியின் சூழ்ச்சிகளால் போலி பாலியல் வன்கொடுமை, கொலை குற்றச்சாட்டுகளின் கீழ் ராஜா சிறையில் அடைக்கப்படுகிறார். அந்தக் கணக்குப்பிள்ளை ராஜாவின் குடும்ப சொத்தையும் அபகரித்துக்கொள்கிறார். ராதாவும் ராஜாவை விட்டு பிரிகிறாள். வறுமை, காதல் தோல்வி என ராஜா விரக்தியில் ஆழ்ந்துள்ளார். ஊருக்கு புதியதாக காவல் ஆய்வாளராக பிரசாந்த் வருகிறார். முதலில் ராஜாவுக்கும் பிரசாந்துக்கும் மோதல்கள் ஏற்படுகின்றன. பிறகு ராஜா ஒரு நல்லவர் என்பதை அறிந்து அவருடன் மோதியதற்காக வருந்தி அவருடன் நட்பை ஏற்படுத்திக் கொள்கிறார். பொறியியலாளரான ராஜாவுக்கு பாலம் கட்டுவதற்கான கட்டுமான ஒப்பந்தத்தை வாங்கித் வழங்குவதன் மூலம் அவர் மறுவாழ்வு ராஜாவுக்கு அளிக்கிறார். காவல் ஆய்வாளர் பழைய போலி குற்றச்சாட்டுகளை மீண்டும் விசாரிக்கிறார். இதை அறிந்த இராமசாமி பாலத்தை அழிக்கவும், ராஜா, பிரசாந்த் ஆகியோரின் பெயரைக் கெடுக்கவும், தன்னைக் காப்பாற்றிக் கொள்ளவும் முயற்சிக்கிறார். அவர் வெற்றி பெற்றாறாரா அல்லது ராஜா தன்னை சூழ்ந்த சிக்கல்களில் இருந்து தன்னைக் காத்துக்கொண்டாரா என்பதே கதையின் முடிவு.

நடிகர்கள்

• சிவாஜி கணேசன் - இராஜா/ இராஜசேகரன்
• இலட்சுமி - இராதா
• கே. பாலாஜி - ஆய்வாளர் பிரசாந்த்
• மேஜர் சுந்தரராஜன்
• வி. கே. ராமசாமி
• எம். ஆர். ஆர். வாசு
• நாகேஷ்
• தேங்காய் சீனிவாசன்
• மனோரமா
• ஏ. கருணாநிதி
• ஜூனியர் பாலையா
• முக்கமாலா கிருஷ்ணமூர்த்தி
• ஜெயலட்சுமி

இசை

இப்படத்திற்கு இளையராஜா இசையமைக்க, கண்ணதாசன் பாடல் வரிகளை எழுதினார்.^[3][4] "தேன்மல்லிப் பூவே" பாடல் மோகன இராகத்தில் அமைக்கப்பட்டது.^[5][6]

பாடல்	பாடகர்	நீளம்
"நல்லவர்க்கெல்லாம் சாட்சிகள் ரெண்டு"	டி. எம். சௌந்தரராஜன்	4:21
"தேன்மல்லிப் பூவே"	டி. எம். சௌந்தரராஜன், எஸ். ஜானகி	4:03
"உலகம் வெறும்"	டி. எம். சௌந்தரராஜன்	4:24
"வருக எங்கள்"	டி.எம். சௌந்தரராஜன், கௌசல்யா, முகமது யூசுப், எம். வாசுதேவன்	5:47
"வசந்தகால கோலங்கள்"	எஸ். ஜானகி	3:43

வரவேற்பு

ஆனந்த விகடன் படத்திற்கு 100க்கு 45 மதிப்பெண்களை வழங்கியது. முதன்மையாக கணேசன், லட்சுமி ஆகியோரின் நடிப்பையும், ஒளிப்பதிவு, பிரசாத் லேப்சின் வண்ணமயமாக்கல் ஆகியவற்றைப் பாராட்டியது.^[7]