லய்யா மாவட்டம்
From Wikipedia, the free encyclopedia
Remove ads
லய்யா மாவட்டம் (Layyah District), பாக்கித்தான் நாட்டில் உள்ள பஞ்சாப் மாகாணத்தின் 41 மாவட்டங்களில் ஒன்றாகும். பஞ்சாப் மாகாணத்தின் தென்மேற்கில் அமைந்த இதன் நிர்வாகத் தலைமையிடம் லய்யா நகரம் ஆகும். லய்யா நகரம் மாகாணத் தலைநகரான லாகூருக்கு தென்மேற்கே 386 கிலோமீட்டர் தொலைவிலும், நாட்டின் தலைநகரான இசுலாமாபாத்துக்கு தென்மேற்கே 433கிலோமீட்டர் தொலைவிலும் உள்ளது.
Remove ads
மாவட்ட எல்லைகள்
லய்யா மாவட்டத்தின் வடக்கில் பக்கர் மாவட்டம், கிழக்கில் ஜாங் மாவட்டம், தென்கிழக்கில் முசாப்பர்கர் மாவட்டம், தெற்கில் கோட் அட்டு மாவட்டம் மற்றும் மேற்கில் தௌன்சா மாவட்டம் மற்றும் கைபர் பக்துன்வா மாகாணம் எல்லைகளாக உள்ளது.
கல்வி
- லய்யா பல்கலைக்கழகம்
- கால்நடை அறிவியல் கல்லூரி
- வேளாண்மைக் கல்லூரீ
- பைசலாபாத் அரசு பல்கலைகழகக் கல்லூரி (லய்யா வளாகம்)
- லாகூர் கல்வியியல் பல்கலைக்கழகம் (லய்யா வளாகம்)
- லாகூர் அரசு பல்கலைக்கழகம் (லய்யா வளாகம்)
- லாகூர் தேசிய வணிக மேலாண்மை & பொருளாதார கல்லூரி (லய்யா வளாகம்)
மக்கள் தொகை பரம்பல்
2023 பாக்கித்தான் மக்கள்தொகை கணக்கெடுப்பின்படி 3,41,131குடியிருப்புகள் கொண்ட இம்மாவட்ட மக்கள் தொகை 21,02,386 ஆகும் . பாலின விகிதம் 100 பெண்களுக்கு 106.23 ஆண்கள் வீதம் உள்ளனர். சராசரி எழுத்தறிவு 61.83% ஆகும்.[1][2] 10 வயதிற்குட்பட்ட குழந்தைகள் 6,04,722 (28.76%) ஆக உள்ளனர்.[3] நகர்புறங்களில் 3,86,282 (18.37%) மக்கள் வாழ்கின்றனர்.[1]
சமயம்
இம்மாவட்டத்தில் இசுலாம் 99.23%, கிறித்துவம் 0.69% மற்றும் பிற சமயங்களை 0.08% மக்கள் பின்பற்றுகின்றனர்.[4]
மொழிகள்
இம்மாவட்டத்தின் பெரும்பான்மையாக சராய்கி மொழி மற்றும் பஞ்சாபி மொழி பேசப்படுகிறது. மேலும் உருது மற்றும் பஷ்தூ மொழிகள் சிறிதளவில் பேசப்படுகிறது.
மாவட்ட நிர்வாகம்
துணை ஆணையாளர் தலைமையில் செயல்படும் இம்மாவட்டம் 3 வருவாய் வட்டங்களைக் கொண்டுள்ளது.[5][6]
Remove ads
படக்காட்சிகள்
லய்யா தொடருந்து நிலையம்
லய்யா கடைத்தெரு
மேற்கோள்கள்
Wikiwand - on
Seamless Wikipedia browsing. On steroids.
Remove ads