தௌன்சா மாவட்டம்
From Wikipedia, the free encyclopedia
Remove ads
தௌன்சா மாவட்டம் (Taunsa District), பாக்கித்தான் நாட்டில் உள்ள பஞ்சாப் மாகாணத்தின் 41 மாவட்டங்களில் ஒன்றாகும். இது பஞ்சாப் மாகாணத்தில் தென்மேற்கில் பலூசிஸ்தான் மாகாணத்தின் எல்லைப்புறத்தில் அமைந்துள்ளது. இதன் நிர்வாகத் தலைமையிடம் தௌன்சா செரீப் நகரம் ஆகும். தௌன்சா செரீப் நகரம் மாகாணத் தலைநகரான லாகூருக்கு தென்மேற்கே 448.1 கிலோமீட்டர் தொலைவிலும், நாட்டின் தலைநகரான இசுலாமாபாத்து]க்கு தென்மேற்கே 488.7 கிலோமீட்டர் தொலைவிலும் உள்ளது.
தேரா காசி கான் மாவட்டத்திலிருந்து சில வருவாய் வட்டங்களைக் கொண்டு தௌன்சா மாவட்டம் 2024ஆம் ஆண்டில் நிறுவப்பட்டது.[2]இம்மாவட்டத்தின் கிழக்கில் சிந்து ஆறு பாய்கிறது. மேற்கில் சுலைமான் மலைத்தொடர் உள்ளது. இம்மாவட்டம் 3 வருவாய் வட்டங்களைக் கொண்டுள்ளது.[3]இங்கு சராய்கி மொழி பேசும் பலூச்சி மக்கள் பெரும்பான்மையாக உள்ளனர்.
Remove ads
மாவட்ட எல்லைகள்
தௌன்சா மாவட்டத்தின் வடமேற்கில் கைபர் பக்துன்வா மாகாணம், வடகிழக்கில் லைய்யா மாவட்டம், கிழக்கில் கோட் அட்டு மாவட்டம் மற்றும் தெற்கிலும், மேற்கிலும் தேரா காசி கான் மாவட்டம் எல்லைகளாக உள்ளது.
மக்கள் தொகை பரம்பல்
2023 பாக்கித்தான் மக்கள்தொகை கணக்கெடுப்பின்படி 1,61,806 குடியிருப்புகள் கொண்ட இம்மாவட்ட மக்கள் தொகை 1,045,460 ஆகும்[4]. பாலின விகிதம் 100 பெண்களுக்கு 104.69ஆண்கள் வீதம் உள்ளனர். சராசரி எழுத்தறிவு 53.05% ஆகும். [1][5]10 வயதிற்குட்பட்ட குழந்தைகள் 353,488 (33.83%) ஆக உள்ளனர். [6]நகர்புறங்களில் 158,122 (15.12%) மக்கள் வாழ்கின்றனர்.[1]
மொழிகள்
தௌன்சா மாவட்டத்தில் சராய்கி மொழியை 66.79% மக்களும், பலூச்சி மொழியை 31.18% மக்களும், பஷ்தூ மொழியை 1.19% மக்களும், பிற மொழிகளை 0.8% மக்களும் பேசுகின்றனர்.[7]
சமயம்
Remove ads
மாவட்ட நிர்வாகம்
துணை ஆணையாளர் நிர்வாகத்தின் கீழ் உள்ள தௌன்சா மாவட்டத்தில் 3 வருவாய் வட்டங்களும், 13 ஒன்றியக் குழுக்களும் உள்ளது.
மேற்கோள்கள்
மேற்கோள்கள்
Wikiwand - on
Seamless Wikipedia browsing. On steroids.
Remove ads