Miss Universe 1960

Ang Miss Universe 1960 ay ang ikasiyam na edisyon ng Miss Universe pageant, na ginanap sa Miami Beach Auditorium sa Miami Beach, Florida, Estados Unidos 9 noong Hulyo 1960.

Miss Universe 1960
Linda Bement
Petsa	9 Hulyo 1960
Hosts	Charles Collingwood
Pinagdausan	Miami Beach Auditorium, Miami Beach, Florida, Estados Unidos
Lumahok	43
Placements	15
Bagong sali	Espanya Hordan Portugal Tunisya
Hindi sumali	Guwatemala Hawaii Mehiko Polonya Taylandiya Turkiya
Bumalik	Beneswela Hong Kong Libano Maruekos Nuweba Selandiya Paragway Pinlandiya Suriname Suwisa Timog Aprika Tsile
Nanalo	Linda Bement  Estados Unidos
Congeniality	Myint Myint May Burma
Photogenic	Daniela Bianchi  Italya
← 1959 1961 →

Pagkatapos ng kompetisyon, kinoronahan ni Akiko Kojima ng Hapon si Linda Bement ng Estados Unidos bilang Miss Universe 1960.^[1] Ito ang pangatlong tagumpay ng Estados Unidos sa kasaysayan ng kompetisyon. Nagtapos bilang first runner-up si Daniela Bianchi ng Italya, habang nagtapos bilang second runner-up si Elizabeth Hodacs ng Austrya.^[2][3]

Mga kandidata mula sa apatnapu't-tatlong bansa at teritoryo ang lumahok sa kompetisyong ito. Pinangunahan ni Charles Collingwood ang kompetisyon.

Kasaysayan

Miami Beach Auditorium, ang lokasyon ng Miss Universe 1960

Lokasyon at petsa ng kompetisyon

Noong 7 Oktubre 1959, inanunsyo ni Hank Meyer, city publicity director ng Miami Beach, na ang ikasampung anibersaryo ng kompetisyon ay gaganapin sa Miami Beach, Florida, imbis na sa Long Beach, California sa Estados Unidos. Ayon sa Long Beach Beauty Congress, "masyadong naging komersyalisado" ang kompetisyon matapos ang kompetisyon noong Hulyo 1959 na napalanunan ni Akiko Kojima ng Hapon, dahilan upang alisin ang kanilang suporta sa pageant.^[4][5]

Pagpili ng mga kalahok

Ang mga kalahok mula sa apatnapu't-tatlong bansa at teritoryo ay napili upang lumahok sa kompetisyon. Isang kandidata ang nailuklok upang kumatawan sa kanilang bansa/teritoryo at isang kandidata ang nailuklok upang kumatawan sa kanilang bansa/teritoryo matapos ang pag-urong ng orihinal na kalahok.

Mga pagpalit

Iniluklok si Mary Quiróz, Miss Yaracuy 1957, upang kumatawan sa bansang Beneswela sa edisyong ito dahil ginanap ang Miss Venezuela 1960 ilang linggo pagkatapos ng Miss Universe.^[6] Dapat sanang kakatawan sa Dinamarka sa kompetisyong ito si Sonja Menzel.^[7] Gayunpaman, pinalitan ni Lizzie Hess si Menzel matapos palitan ni Menzel si Antje Moeller sa Miss International matapos tuklasan na labing-anim na taong gulang lamang si Moller.^[8]

Mga unang pagsali, pagbalik, at pag-urong sa kompetisyon

Unang sumali sa edisyong ito ang Espanya, Hordan, Portugal, at Tunisya, at bumalik ang Beneswela, Hong Kong, Libano, Maruekos, Nuweba Selandiya, Paragway, Pinlandiya, Surinam, Suwisa, Timog Aprika, at Tsile. Huling sumali noong 1953 ang Suwisa at Timog Aprika, noong 1954 ang Bagong Silandiya at Hong Kong, noong 1955 ang Libano at Pinlandiya, noong 1957 ang Maruekos, at noong 1958 ang Beneswela, Paragway, Suriname, at Tsile.

Hindi sumali ang Hawaii dahil isa na itong estado ng Estados Unidos, at nagsimula nang magpadala ang Hawaii ng mga kandidata sa Miss USA. Hindi sumali si Marzena Malinowska ng Polonya dahil pinili nitong sumali sa Miss International 1960.^[9] Hindi sumali si Lorena Velázquez ng Mehiko dahil tumanggi siyang katawanin ang Mehiko sa kompetisyon.^[10] Hindi sumali si Figen Özgür ng Turkiya dahil sa hindi isiniwalat na dahilan at pinalitan siya ni Nebahat Çehre. Gayunpaman, bumitiw rin siya sa kompetisyon dahil sa hindi isiniwalat na dahilan.^[11][12] Hindi sumali ang mga bansang Guwatemala at Taylandiya sa edisyong ito matapos na mabigo ang kanilang mga organisasyong pambansa na magdaos ng kompetisyong pambansa o magtalaga ng kalahok.

Dapat rin sanang sasali si Cluadinette Fouchard ng Hayti, subalit ito ay bumitiw dahil ito ay ikakasal na.^[13] Hindi sumali sina Julia Adamson ng British Guiana, Wiana Sulastini ng Indonesya, at Christl D’Cruz ng Singapura dahil pinili nilang sumali sa Miss International 1960.^[14][15][16] Hindi sumali sina Pat Tudor ng Australya, Sale Assouen ng Kamerun, Rajaobelina Bedovoahangy ng Madagaskar, Jenny Lee Scott ng Rhodesia, at Maria Flohr ng Tahiti dahil sa hindi isiniwalat na dahilan.^[17]

Mga resulta

Mga bansa at teritoryong sumali sa Miss Universe 1960 at ang kanilang mga pagkakalagay.

Mga pagkakalagay

Pagkakalagay	Kandidata
Miss Universe 1960	Estados Unidos – Linda Bement[2]
1st runner-up	Italya – Daniela Bianchi[2]
2nd runner-up	Austrya – Elizabeth Hodacs[2]
3rd runner-up	Timog Aprika – Nicolette Caras[2]
4th runner-up	Espanya – María Teresa del Río[2]
Top 15	Brasil – Gina MacPherson[18][19] Gresya – Magda Passaloglou[18][19] Hapon – Yayoi Furuno[18][19] Inglatera – Joan Boardman[18][19] Israel – Aliza Gur[18][19] Kanlurang Alemanya – Ingrun Moeckel[18][19] Kolombya – Stella Márquez[18][19] Noruwega – Ragnhild Aass[18][19] Suwisa – Elaine Maurath[18][19] Timog Korea – Sohn Miheeja[18][19]

Mga espesyal na parangal

Parangal	Nagwagi
Miss Photogenic	Italya – Daniela Bianchi
Miss Congeniality	Burma – Myint Myint May[20]  Louisiana – Judy Fletcher[20]

Kompetisyon

Pormat ng kompetisyon

Tulad noong 1955, labinlimang mga semi-finalist lang ang napili at ibinunyag sa paunang kompetisyon na binubuo ng swimsuit competition at evening gown competition. Ang labinlimang mga semi-finalist ay magbibigay ng isang maikling talumpati gamit ang kanilang sariling wika. Pagkatapos nito, lumahok sa swimsuit competition at evening gown competition ang mga semi-finalist, at kalaunan ay napili ang limang pinalista.^[20]

Komite sa pagpili

• Maxwell Arnow – Amerikanong direktor
• Claude Berr – miyembro ng komite ng Miss Europe
• Irwin Hasen – Amerikanong kartunista
• Russell Patterson – Amerikanong ilustrador para sa mga palabas
• Vuk Vuchinich – Amerikanong pintor at manlililok
• Miyoko Yanagida – Hapones na pintor

Mga kandidata

Apatnapu't-tatlong kandidata ang lumahok para sa titulo.^[21]

Bansa/Teritoryo	Kandidata	Edad[a]	Bayan
Arhentina	Rose Marie Lincke[22]	22	Buenos Aires
Austrya	Elizabeth Hodacs[23]	18	Viena
Belhika	Huberte Box[24]	19	Bruselas
Beneswela	Mary Quiróz[6]	21	Caracas
Brasil	Gina MacPherson[25]	19	Guanabara
Bulibya	Nancy Aguirre[26]	19	La Paz
Burma	Myint Myint May[27]	18	Yangon
Dinamarka	Lizzie Hess[28]	20	Copenhague
Ekwador	Isabel Rolando[29]	21	Quito
Espanya	María Teresa del Río[19]	21	Madrid
Estados Unidos	Linda Bement[30]	18	Lungsod ng Salt Lake
Gresya	Magda Passaloglou[24]	24	Atenas
Hapon	Yayoi Furuno[31]	19	Fukuoka
Hong Kong	Vivian Cheung[32]	20	Hong Kong
Hordan	Helen Giatanapoulus[32]	–	Aman
Inglatera	Joan Boardman[33]	22	Wallasey
Israel	Aliza Gur[34]	19	Haifa
Italya	Daniela Bianchi[35]	18	Roma
Kanada	Edna McVicar[36]	19	Galt
Kanlurang Alemanya	Ingrun Moeckel[37]	18	Dusseldorf
Kolombya	Stella Márquez[38]	21	Pasto
Kosta Rika	Leila Rodríguez[39]	18	San José
Kuba	Flora Lauten[40]	18	Havana
Líbano	Gladys Tabet[41]	18	Beirut
Luksemburgo	Marie Venturi	21	–
Lupangyelo	Svanhildur Jakobsdóttir[42]	19	Reikiavik
Maruekos	Marilyn Escobar[32]	19	Rabat
Nuweba Selandiya	Lorraine Nawa Jones[43]	21	Wellington
Noruwega	Ragnhild Aass[33]	19	Oslo
Olanda	Carina Verbeek[33]	19	Ang Haya
Paragway	Mercedes Ruggia[44]	–	Asuncion
Peru	Medallit Gallino[45]	19	Lambayeque
Pinlandiya	Maija-Leena Manninen[46]	21	Helsinki
Portugal	Maria Teresa Cardoso[47]	19	Lisboa
Pransiya	Florence Eyrie[33]	21	Paris
Suriname	Christine Jie Sam Foek[48]	21	Paramaribo
Suwesya	Birgitta Öfling[49]	22	Uppsala
Suwisa	Elaine Maurath[33]	19	Geneva
Timog Aprika	Nicolette Caras[50]	19	Johannesburg
Timog Korea	Sohn Miheeja	19	Seoul
Tsile	Marinka Polhammer[22]	19	Santiago
Tunisya	Louise Carrigues[28]	–	Tunis
Urugway	Iris Teresa Ubal[47]	22	Montevideo

Mga tala

1. Mga edad sa panahon ng kompetisyon