Тапшырылмаган хатлар (фильм)

«Тапшырылмаган хатлар» — Гадел Кутуйның 1935 елда язылган популяр «Тапшырылмаган хатлар» повесте буенча 2016 елда төшерелгән татарча тулы метражлы нәфис фильм. «2014—2020 елларда Татарстан Республикасы дәүләт телләрен һәм Татарстан Республикасының башка телләрен саклау, өйрәнү һәм үстерү» дәүләт программасы кысаларында төшерелгән^[2] (программаның координаторы — ТР мәгариф һәм фән министрлыгы). Кинопроектны тормышка ашыручы — «Татмедиа» республика нәшрият һәм гаммәви элемтәләр агентлыгы.

Тапшырылмаган хатлар
Фильмның постеры
Режиссёр	Рөстәм Рәшитов
Продюсер	Илшат Әминов Фәрит Галиев Миләүшә Айтуганова
Сценаричы	Дан Дамаскин
Баш ролләрдә	Гүзәл Сибгатуллина Ришат Әхмәдуллин Айдар Сөләйманов Фирая Әкбәрова Фәнис Җиһаншин Люция Хәмитова Ләйсән Фәйзуллина
Оператор	Денис Гусев Фәрит Галиев
Көйязар	Эльмир Низамов
Нәрсәгә нигезләнгән	Тапшырылмаган хатлар (Гадел Кутуй)
Озынлык	130 мин
Бюджет	3,1 млн сум
Ил	Россия Россия Татарстан Татарстан
Тел	татарча
Дөнья күрү	2017[1],

Бу терминның башка аңлатмалары да бар, аларны карау өчен Тапшырылмаган хатлар (мәгънәләр) битенә күчегез.

Тарихы

Фильмнан кадр

Башта фильм, 4 сериядән торучы мини-сериал итеп, ТЯГ каналы өчен төшерелгән.

Нәфис фильмның премьерасы 2017 елның 30 мартында Казанның «Мир» кинотеатрында була.

Үзенчәлеге

Гадел Кутуй «Тапшырылмаган хатлар»ны 1935 елда иҗат иткән. Әсәрдә 1920 еллардагы вакыйгалар сурәтләнә. Фильмны исә бүгенге көнгә яраклаштырып төшергәннәр^[3].

Галиянең балачак кадрлары Арча районының Наласа, Биектау районындагы Олы Кавал авылларында, кайбер җәй күренешләре Кама Тамагы районында Идел буенда, шәһәр эпизодлары Казанда төшерелгән.

• Режиссёры — Рөстәм Рәшитов
• Сценарий авторы — Дан Дамаскин
• Операторлар — Денис Гусев, Фәрит Галиев
• Рәссамнар — Анна Невзорова, Гөлнара Үтәкәева
• Композитор — Эльмир Низамов
• Тавыш режиссеры — Илсөяр Дамаскин
• Продюсерлар — Илшат Әминов, И. И. Сафиуллин, Фәрит Галиев, Миләүшә Айтуганова
• Фильмның озынлыгы — 130 минут
• Фильмны төшерү бәясе (бюджеты) — 3,1 млн сум

Актёрлары

Актерларны (барысы 50) туплау өчен барлыгы 12 кастинг оештырылган. Анда 700 ләп кеше катнашкан.

Актёр	Роле
Гүзәл Сибгатуллина (Минакова)	Галия Галия район участок табибы
Ришат Әхмәдуллин	Искәндәр Искәндәр артист, Галиянең беренче ире
Айдар Сөләйманов	Вәли Вәли табиб-нейрохирург, Галиянең икенче ире
Фирая Әкбәрова	шәфкать туташы
Фәнис Җиһаншин	Галиянең туганы
Илсөяр Дамаскин	хат ташучы
Рәмзия Закирҗанова	күрше хатыны
Люция Хәмитова
Илтөзәр Мөхәммәтгалиев
Ләйсән Фәйзуллина
Йосыф Бикчәнтәев

Бәяләмә

Фильмга карата әйтелгән бәяләмәләр төрле.

• Рәшит Әхмәтов: «Фильмдагы Эльмир Низамовның музыкасын «Кинотавр» премиясенә, Гүзәл Сибгатуллинаның Галиясен «Тукай бүләге»нә тәкъдим итәргә кирәк».
• Миләүшә Хәбетдинова: «Мексика “сабын” фильмнарының очсызлы варианты».

Әдәбият

1. Рәшит Әхмәтов. «Тапшырылмаган хатлар». «Звезда Поволжья», 2017 ел, 6-12 апрель, № 13 (836).(рус.)
2. Миләүшә Хәбетдинова. «Югалган матурлык» турында. «Звезда Поволжья», 2017 ел, 6-12 апрель, № 13 (836).(рус.)

Сылтамалар

• «Тапшырылмаган хатлар» Кинопоиск сайтында
• «Тапшырылмаган хатлар»: кадр артында ниләр бар? «Безнең гәҗит», 16.10.2016 2018 елның 20 май көнендә архивланган.
• «Тапшырылмаган хатлар»ны тапшырыр вакыт җитте. Кино итеп! Intertat.ru, 01.12.2016 2016 елның 4 декабрь көнендә архивланган.
• Режиссер Рашитов показывает казанцам «Неотосланные письма». Вечерняя Казань, 01.04.2017