上海磁悬浮线

上海磁浮示范运营线（也称上海磁悬浮列车）是上海个一条磁悬浮列车线路，属于上海轨道交通个一个部分，具有交通、展示、旅游观光等多重功能。伊个正线全长29.863公里，加上维修基地个出入走行线搭检修线，总长折合约31.17公里。上海磁浮示范运营线采用个是德国个Transrapid技术，最高时速好达到431km/h，是全世界头一条也是目前唯一一条进行商业运营个高速磁悬浮列车线路。

一部磁悬浮列车开出浦东机场

目前线路连接龙阳路站搭浦东国际机场，当中弗停站。

车站列表

站名	里程 （米）	站间距 （米）	转乘路线	所在地	车站形式	开门方向1
龙阳路	0	-	█ 2号线 █ 7号线 █16号线 █18号线	浦东新区	地上三层西班牙式站台	两侧
浦东国际机场	29863	29863	█ 2号线		地面侧式站台	右侧

• 注¹：相对列车运行方向来讲。

票价

磁浮线普通个单程车票要50块人民币，必过假使讲乘客有机票或者公交卡，个末好打八折，也就是要付40块人民币；来回车票要80块。车子浪还有贵宾车厢，单程票100元人民币，来回票为人民币160元。还有得卖磁浮线多次卡，900元号乘30埭（相当于每次打6折）^[1]。

2013年，上海地铁发行仔磁浮线-地铁联票，分两种，磁浮线好乘一趟个（55元）同乘两埭个（85元），地铁是一日票，有效期里向好分别使用^[2]。

事故

2006年8月11号下半日，一部从浦东国际机场始发个磁悬浮列车，勒拉到龙阳路站个辰光，有一节车厢失火哉。磁悬浮公司连忙启动消防预案，疏散乘客，遏制火势，上海市公安、消防部门迅速出警。15点40分左右，起火车厢个明火畀扑脱^[3]。还好火即时畀扑脱，呒没乘客受伤，也朆影响到其他磁悬浮列车个正常运营。经过调查，失火个车厢主要结构搭主体部件基本完好，主要失火个原因为车载蓄电池故障哉^[4][5]。

有个男个从墩边浪个脚手架爬到轨道梁下头，畀磁悬浮列车撞死，调查后认为是磁悬浮轨道附近个人偷孛相爬上去发生个事体^[6]。

参见

• 上海磁浮交通科技馆