吳越歷史
From Wikipedia, the free encyclopedia
Remove ads
吴越地区，从旧石器时代起，历经新石器时代个上山文化、小黄山文化、跨湖桥文化、马家浜文化、崧泽文化、良渚文化、钱山漾文化、好川文化、马桥文化等，先秦时期个勾吴、于越、瓯越、楚国，秦朝，汉朝搭东瓯国，六朝时期个东吴、两晋、南朝，隋朝，唐朝，五代个南唐搭吴越国，两宋，元朝，明朝，清朝，中华民国，中华人民共和国，个中央还长期有越人部落个存在，搭各许政权等个统治。
Remove ads
远古时代
吴越地区个地质历史里头，有多种多样个生物种类搭化石记录。
侏罗纪白垩纪，吴越个宕地有许特有个恐龙搭翼龙品种，打比方讲，有浙江峨眉龙、舟山龙、南京龙、太仓龙等。
海门地区发现爻无数鱼龙个化石，个是一种生活在侏罗纪到白垩纪个海洋爬虫。
南京边扗个灰岩溶洞中央，发现爻蛮多只南京猿人个化石，是重要个早期人类化石。
上古时代
上古时代个吴越地区，是古文明个发祥地之一。
旧石器时代
古人类人牙化石“建德人”显示，在距玱五万年光景，原始人类活动便在吴越个宕地出现。
新石器时代
公元前8000到6500年光景，来期日个金衢盆地，出现爻一种有规划特点搭聚落结构个新石器时代考古学文化，讴作上山文化，相关个遗迹里向已经出土爻具有明显驯化特征个水稻。
前7000年光景，小黄山文化出现勒嵊州，有承前启后作用。
前6000到4000年光景，来湘湖南岸，跨湖桥文化出现。个地方出土一只独木舟，畀望作航海传统个体现。有学者认为，伊拉同早期南岛人有关系。
前5000到4000年光景，杭州湾南岸平原出现爻河姆渡文化，以余姚河姆渡遗址为代表。来河姆渡相关文化遗址里头，发现爻大量干阑式建筑，说明爻当时个居住习惯；佢侇已经开始吃人工栽种个水稻；佢手工艺术品老实精湛，以“双鸟朝日”纹象牙雕顶顶有名。
前5000年到3350年光景，马家浜文化出现来环太湖流域。佢侇采集、渔猎、畜牧搭稻作，相关遗址出土个野生动物骨头有梅花鹿、四弗像、野猪、獐、貉、蟹、蚝，各种鸟，草鱼、鼋、鲫鱼许个水生动物，还有桃、杏梅搭菱角咾啥。
前5300年到4000年光景，良渚文化酋邦体制来环太湖地区出现搭扩展佢个影响力，因之各个酋邦形成联盟、有浓厚个神权色彩、能够建造大型工程、社会成员地位分化。佢个中心以良渚遗址边扗个莫角山王城。良渚文化个顶重要个特点是玉器个运用搭陪葬，个便包括大只个玉琮、玉璧、玉钺。玉琮是个里向工艺顶精、顶有权威个玉器，上头有多种兽面纹，其中以全幅个神人兽面纹顶顶尊贵；玉钺是军权、王权个象征。良渚文化中央，已经有文字个雏形，或者已经出现爻原始文字。基因研究还表明，长江出海口边个良渚人里向，存在高比例个单倍群O-M119（原O1a）基因，可能讲明爻个时节、南岛人搭壮侗语族已经来在良渚交会。
前2700到3200年光景，钱山漾文化出现勒湖州，相关遗址中央出土爻与良渚搭马桥文化中弗同个器物，畀认为是种新个文化类群。
前2700到3200年光景，好川文化出现勒丽水，其印纹陶畀认为是越人考古文化个代表物事。
前1900到1200年光景，马桥文化出现勒太湖流域，必过器具丄个文字样个花纹比良渚文化个简单。相关遗迹出现爻小件青铜器。
Remove ads
古典时代
吴越时期
勾吴、于越初期
马桥文化发展成爻吴国搭越国。吴国，貤作句吴、工䲣、攻吾咾啥个；越国，貤作戉、于越、于粤、大越。对佢侇个起源有多种望法，《吴越春秋》搭《越绝书》两书个作者认为吴越两国地理相接，习俗相同，语音相通。根据考古证据，越人来勒语言习俗、历史传承、考古遗迹许宕地搭中原有蛮多差别。佢侇被认为讲是壮侗语系或南亚语系个古越语，汉朝刘向个《说苑·善说篇》里头记录个《越人歌》算是保存顶完全个越语资料。佢写爻一个越人思慕王子个心声：“滥兮抃草滥予？昌（桓）泽予？昌州州（湛）。州焉乎秦胥胥。缦予乎昭澶秦逾渗。惿随河湖”（原译文：今夕何夕兮，搴洲中流。今日何日兮，得与王子同舟。蒙羞被好兮，不訾后耻。心几顽而不绝兮，得知王子。山有木兮木有枝，心悦君兮君不知；吴语译文：期日是何日子阿，我勒乘舟漫游。期日是何日子阿，好搭王子同舟。承蒙王子望扗起，弗畀我勒嫌憎。我心乱弗已啊，得着认得王子！）
因之吴越宕地水网密集，有许地方丘陵纵横，吴越军队长在舟楫、步兵、短兵，个宕地貤富有铜、锡，使得两国铸剑技术高超。吴越剑剑型有两，一为兽面剑格，多有圆毂，一为一字剑格，剑身宽长，形制还要统一[1]。个许剑中，吴越王剑是精品。越王勾践剑剑体个菱形暗格纹、剑首个同心圆搭复合剑体为人称道。
吴越争霸
《春秋》记载，吴越交兵至少有十趟，分别是阍刺吴王余祭、吴灭巢与锺离之战、檇里之战、柏举之战、越袭吴之战（前505）、槜李之战、夫椒之战、越袭吴都之战、笠泽之战、灭吴之战。
吴国在灭爻邗国后，搭楚国产生冲突。前506年，伍子胥搭孙武辅佐下头，吴王阁闾打进楚国，来勒柏举之战大败楚国，吴军攻入郢都，楚昭王出逃随国，吴国雄霸东南。
允常死脱以后，勾践继位。吴王阖闾攻越，输脱，自家也死脱，儿子夫差继位。夫差为咾复仇，兴兵伐越，勾践忖要先发制人，便先攻吴。夫差来勒夫椒之战败越军，来勒会稽山拿勾践围起来。勾践献礼求和，阿末夫差畀勾践放转越国。
夫差北进中原争霸。前482年，黄池会盟，勾践再袭吴，占领吴都，两国议和罢兵。
前478年，吴国饥荒，越国再攻，笠泽之战里头，两国优势逆转。
前475年，越国再次兴兵，吴国长年征战，精疲力竭，退转都城死守，越军围困三年，最终越灭吴。
楚国
东瓯
浙南有东瓯部落，是百越一支，地处浙南个温州、台州、丽水许宕地。有记载写，佢开国君主是无疆伐楚失败后，留落来个后裔次子欧阳蹄，但有争议。
中古时代
秦汉时期
秦朝
秦灭楚后，降越君，置会稽郡，吴越宕地形式上头成秦会稽郡个一块，郡治在吴、越两国故都吴县。前211年，秦王政自称始“始皇帝”，建立集权，征伐四方。
前209年，秦二世元年，天下反秦，六国旧部寻机复国。项羽袭杀会稽太守，领八千江东子弟起兵。秦王子婴降刘邦，项羽军杀子婴，拿咸阳宫烧脱，秦亡国。
汉朝
前202年，刘邦击败项羽，建汉，仍置会稽郡，一度封吴国。
东瓯国受汉廷册封，成外诸侯国，后因之吴闽战争内附汉朝。
前157年，汉景用晁错，削藩，吴国咾啥个七国用“清君侧”个名号造反，输脱。
东汉，会稽治所搬到山阴，吴县变成功吴郡治所。
汉末孙吴
汉末
东汉末年，王朗同严白虎占据浙江一带，后富春人孙坚搭佢儿孙策、孙权一统江东。孙策临终，命二弟孙权执掌江东，一面镇压山越，一面貤三征黄祖。
赤壁之战，以少胜多，火攻大破曹军，曹操北退，从此三国成鼎立之势。
周瑜死后，孙权从鲁肃建议，分荆南四郡畀刘备抗曹。刘备取蜀后，孙权索要荆州三郡畀拒，派吕蒙夺取。阿末双方恢复同盟。
219年，关羽北伐曹魏，水淹七军；吕蒙提议乘枪势里夺取江陵、襄阳搭白帝城，白衣渡江，袭杀关羽。
孙吴
222年，镇西将军陆逊大败蜀军，孙权因之面临曹魏进攻，貤出使搭刘讲和。刘随后死勒白帝城，诸葛亮遣邓芝为使，吴蜀复孟。同年，孙权拒绝送儿子孙登做人质，断绝同曹魏个同盟，立年号黄武。
229年，黄龙元年，孙权称帝，国号吴，改元黄龙。
241年，孙登薨逝，孙权立孙和为太子，封孙霸为鲁王，引发“南鲁党争”，最后孙亮畀立太子，孙霸畀赐死，举国分歧。
252年，孙亮即位，改元建兴。诸葛恪、孙峻多次北伐，都呒得果。
越人部落
历经秦汉帝国郡县统治搭孙吴时期个编户，一部分越人畀汉化爻。但在郡县制呒及宕地，尤是山地海滨，一向有大量个越人原住民部落在垯。
山越
孙吴时期，山越搭各地“宗部”便常年搭吴军打仗。晋朝开始，“山越”个词个用法逐渐消失。[2]
两晋南朝时期
来勒建康建都个南方六王朝，包括爻孙吴、东晋、刘宋、南朝齐、南朝梁、南朝陈，也叫“六朝”。个辰光，六朝诗、六朝志怪盛行，儒家、佛教、玄学、道教蓬勃发展，成为社会文化个代表。
两晋
吴降晋后，吴越宕地受晋国统治。318年，“五胡乱华”情势下头，晋室南迁到建康，大批中原贵族和士大夫随之搬到建康周围搭太湖边丄，个是衣冠南渡。
隆安年间，因之对上层士族个门阀统治弗满，五斗米道教主孙恩来勒会稽八郡起义。佢兵败后同部众投海，佢妹丈卢循后貤起兵，也兵败投海。
南朝
418年，刘裕改立晋恭帝，篡位建国刘宋，东晋亡，“南朝”开始哉。440年，北魏统一北方，搭刘宋南北对峙。
将军萧道成独揽朝政，来勒479年篡位建国南齐，刘宋亡。502年，萧衍来勒太子萧宝卷弟南康王萧宝融转京前篡位，建国南梁，南齐亡。
梁武帝用东魏降将侯景北伐东魏，武帝兄畀俘获后佢打算用侯景交换，因之侯景反叛，围攻建康，史称“侯景之乱”。最后，城破，梁武帝畀饿死。
551年，广州刺史部个番禺郡太守，吴兴人陈霸先搭湘东王萧绎派遣个王僧辩联合攻灭侯景，后陈霸先因立王问题杀王僧辩。557年篡位，佢建陈，史称南陈，是陈武帝，南梁亡。
陈武帝安抚侨姓世族搭吴姓世族，先击溃王琳北齐联军，再据守巴丘阻当北周，稳定国势，之后复苏江南经济。[3]
577年，北周南征两淮，陈军惨败。581年，杨坚建立隋朝。陈宣帝死后，太子叔宝继位，是陈后主。588年，隋文帝派杨广灭陈。
隋唐时期
隋朝
隋文帝去脱郡级，巩固集权，废除选官，设立科举，控管江南大族。[4]
在佢在位辰光，为转运江南物资巩固开支，也为南北航运，修建爻大运河。
604年，儿子杨广宫变继位，继续兴建运河，大修宫殿，四处征讨，拓展版图。掘河民伕死伤惨重[5]，民变四起。
唐朝
617年，李渊来勒太原起兵，618年建唐。619年，李子通攻克江都，建国号吴，后畀杜伏威个将领辅公祏击败。辅公祏降唐，后貤反唐，兵败被杀。
唐太宗时期，三省六部搭科举选士制度形成。贞观元年（627）开始，太湖流域个粮食物产开始畀征调到北方去支援战争。
高宗中期后，皇后武则天协政，后些来帝后共治。佢因之搭唐中宗不合，另立四子，阿末自立皇帝，改国号为周，即武周。晚年，中宗貤复辟唐，是神龙革命。
玄宗时期，府兵制崩溃，设置九节度使。755年，安禄山以讨伐杨国忠为名叛变，史称安史之乱。个后，唐失关东，江南来勒赋税占比迅速上升。
758年，唐设镇东军节度使，即浙江东道观察使，治所来勒越州，下头管理越州、睦州、衢州、婺州、温州、台州、明州、处州。770年，废为浙东观察使。779年，搭浙西观察合并，780年，两浙貤分割。781年，两浙合并成节度使，787年，两浙分割，浙东长辖越州、衢州、婺州、温州、台州、明州、处州，相当于衢江流域、浦阳江流域东面。中和之后，建号义胜军（883年）、威胜军（887年）、镇东军（896年），乾宁年间，浙西个钱镠来畀许兼并爻。
唐懿宗同唐僖宗即位个辰光，政局混乱，经济命脉江南畀破坏。875年，黄巢来勒冤句起兵相应王仙芝，后南下掠夺南方，大肆屠杀，入长安后称帝，号称大齐，史称黄巢之乱。个辰光，唐帝已然变成功藩镇角力个战利品。904年，朱全忠杀脱皇帝，另立唐昭宗儿子李柷，后些来又自家建国后梁，唐亡，五代十国开始。[6]
吴越国
唐末
唐末大乱个辰光，为抗王郢搭盗贼，杭州宕地地方武装组织民图，石镜都镇将董昌作总指挥。[7]
879年，钱镠率石镜镇兵阻挡黄巢军，保全杭州。董昌后些来占领杭州，任钱镠都指挥使，管理杭州八都。882年，浙东节度使刘汉宏畀八都兵打败。886年，钱镠击破刘汉宏军，佢走去台州，后台州守将杜雄畀佢献畀钱镠。893年，钱镠被唐封作镇海军节度使。
895年，董昌来勒越州自立为帝，国号“大越罗平”，年号“顺天”，钱镠劝佢去号，但佢弗肯。后董昌联合淮南杨行密袭苏杭，钱镠得着唐令，领八都兵伐董昌，攻克越州。
吴越国
907年，钱镠畀封作吴越王。923年3月12号，佢畀后梁封作爻吴越国王，建国吴越。
947年，吴越国出兵援助福州军阀李仁达抵抗南唐。战后，福州归附。故咾，吴越国辖一军十三州：杭州（首都）、越州（东府）、湖州、温州、台州、明州、处州、衢州、婺州、睦州、秀州、苏州、福州搭安国衣锦军。
两宋时期
北宋
978年，北宋大军压境，吴越国君臣商议过后，献土降宋。宋国来勒吴越国搭南唐东部设立两浙路。
南宋
Remove ads
近古时代
 |
个篇文章个部分内容或者段落需要扩充，欢迎帮衬扩充来改善个篇条目或者段落。 更多个讯息可能会得勒拉讨论页或者扩充请求里向寻着。 扩充条目完成后请拿脱只模板。 |
元朝
明朝
南明
清朝
近世·近代
晚清时期
中西接触
中国长期自认为天朝上国，认为外国侪是蛮夷或者藩属，因之，清廷自认洋人来华是倾心慕化搭纳贡称臣[8]。当时节，英国人相信假使搭乾隆建立良好沟通，佢会命使地方官员改革，增开口岸。1787年，英国遣使团访华，但佢勒路中央便死爻。
1792年，马戛尔尼访华，带有各科专家，先进物事，意在彰显文明。等佢见着皇帝，佢侇因之跪拜礼节上头意见不一，让乾隆不高兴。弗过，佢最终妥协[9]，呈送国书。佢书面列出请求，要清国广开口岸、列明关税、允英商暂时居留，但侪畀驳回爻[10]。打道转府时节，佢由军机大臣搭两广总督伴送，取道运河，来到吴越地区，经过杭州、到广州转英。伊来勒中国五个号头，看到交关事体，来勒日记当中记录社会实情，感叹清国个老百姓知识浅陋、生活困苦，国家武备废弛，官员贪污腐败[11]。
1816年，嘉庆廿一年，英国再派使团到爻天津，貤碰著跪叩礼节问题，因为拒绝行三跪九叩礼，阿末畀驱逐。[11]
第一趟鸦片战争搭南京条约个签署
关系官方化
1832年，道光十二年，英国取消东印度公司个贸易垄断，任命上议院议员、海军将官内皮尔（William J. Napier）作驻华商务总监，个事干标志爻中英关系个官方化。1834年，佢抵到澳门，致信两广总督卢坤要求平等外交关系，弗等奏明，便先到广州商馆，投递公函，呒人愿收，引发律劳卑事件。
之后，巴麦尊重掌外交部，同年，来勒新加坡救起中国水手，期望促进“和平与友好的关系”，通知两广总督邓廷桢，但佢依旧认为“蕞尔小邦”弗配搭“天朝上国”并论。
虎门销烟
1729年（雍正七年），雍正便颁布爻禁烟令。但是中国人需要大烟，英国商人也好撑钞票，个中央大量银钱外流，引起朝廷关切。清廷屡屡再发令禁烟，但效果弗好，滋生爻地方官员个监守自盗，朝廷里向也吵个弗停。
湖广总督林则徐提出六点方案，来勒佢辖区里头实施。道光蛮满意，迁林则徐到广州查办海口事件，史称虎门销烟。佢要求外商三天里向交出大烟，弗然便要收货杀头，每交一箱好赔畀商人五箱茶叶，但弗赔钞票。洋商扣开始认为佢是行事敷衍，直到佢逮捕颠地，威胁佢自首，才讴英国政府驻华商务总督义律来处理。结果义律畀林则徐围勒商馆里向，屈服。
1839年，林维喜案发生，林则徐要求义律交出水兵杀头，但义律坚持依照英国法律程序审判爻六人。随后，林则徐封锁澳门，断英国人个粮食，两天以后，驱逐佢侇。义律带兵船要求买粮，未果，两国交火[12]。
10月25号，林则徐对弗听佢命个船下令，三天里向必须入港或者返程，要弗便纵火烧船。11月3号早界，关天培发兵船开向英舰，英国开炮，穿鼻之战爆发[13]。随后，佢奉道光命全面封锁，畀英人断水断粮。
同期，澳葡政府对查禁大烟相当上心，葡萄牙商人侪承诺弗卖大烟，欢迎林则徐亲临查办，照样正常贸易，甚至多有保护[14]。
远征报复
英国内阁议会决定派先遣部队待命，准备报复[15]。
1840年7月份，英军搭清军来勒舟山开战，英军顺利登陆占领定海。后些来，英军继续北上，直逼大沽口，道光皇帝妥协，派琦善来勒大沽口谈判。琦善搭道光意见弗合，谈判最终呒果。义律失去耐心，英军炮轰虎门炮台，总攻虎门，清军溃败。义律要求停战谈判，船丄挂白旗畀袭击，报复进攻，占领广州。[16]
杨芳、怡良、林则徐三人表面同意谈判，但瞒报朝廷，因之继续禁止通商。英军再次进攻，三日后，广州城投降，广州知府来勒朝廷弗识个情况下签《广州和约》赔款，之后，英国撤军。
北上入浙
英国方面，巴麦尊弗满义律私拟个草约，派璞鼎查任新个全权驻华代表。英军第二次北上，闽浙战争爆发，英军貤一次攻陷定海，后貤占领镇海过冬，貤打落来宁波个威远城池，占领县城。为仔报复，道光杀爻大部分来勒台湾搁浅畀清军抓牢个英国战俘。
1842年，英国占领并让舟山搭香港变成功自由港。3月10号，宁波战役爆发[17]，15号，英军占领慈溪[17]，清军退到绍兴、杭州。道光帝派人“先剿后抚”，对佢遣个耆英“羁縻”弗满。英军继续进攻，攻陷乍浦[18]。
英军继续北上，进攻吴淞口，占领上海，之后貤撤出，封锁吴淞口，直逼镇江。期间，上海畀撤退个清旗人、英兵搭当地平民洗劫。7月21号，英国进攻镇江，切断爻大运河漕运。8月9号，英军兵临江宁城下，城内官员同意谈判。
两国签约
8月21号，道光来勒英国坚持下头授权签约。8月29号，英国军舰康沃利斯号（HMS Cornwallis）上头，大英帝国搭大清帝国代表签署《南京条约》，战争结束。条约规定爻要再开四只口岸，外国商人得着自由贸易权，英国领事得着搭地方官个沟通权，关税由两国协定，清廷搭英国支付战争搭大烟赔款，放走全部战俘，赦免搭英人合作个臣民，英国在第一期赔款到账后，会撤出军队，弗干涉中国贸易，但会留在鼓浪屿搭招宝山（宁波），直到赔款全部解清。同时，香港岛作为直辖殖民地，畀清国永世割畀维多利亚女王。[11]
上海公共租界
长毛之乱
清廷改革
立宪运动搭光绪新政
辛亥革命
中华民国时期
临时政府
北洋政府
江浙战争
联省自治运动
东南五省联军
国民政府时期
北伐战争
南京国民政府
抗日战争时期
抗日战争
上海市大道政府搭中华民国维新政府
南京国民政府（汪精卫）
战争后期
国民政府还都后
中华民国时期
改组更名
第二次国共内战
浙江东南岛屿战争
1949年，长江江防畀解放军突破爻，国军失去东南各省，退到沿海岛屿上头。[19]
1950年5月，浙江省政府机构搭人员随国军撤到台湾，省政府搭浙南行署撤销。
弃守舟山之后，中华民国仅有在浙江东南个大陈列岛（台州列岛）、一江山、披山、头门山、渔山、南麂等岛，撤到岛头个县政府包括爻温岭、临海、黄岩、平阳、三门、乐清、玉环七只。
1951年9月，蒋中正派胡宗南到大陈岛建立江浙总部，还重设浙江省政府，搭解放军继续打仗。[20]
1952年，浙江省政府七县合并成温岭、临海、平阳、玉环四县，三门县畀改成渔山管理局，还设爻竹屿管理局，佢侇原来是搭大陆直接贸易个特区，赫一年后便裁爻。
1953年，蒋中正改成守势，浙江省政府迁到台湾，当地再设爻一只大陈地区行政督察专员公署。
1955年1月20日，解放军攻陷一江山岛，美国第七舰队保护下头，中华民国政府畀大陈岛上头个军队搭居民撤到台湾，随后撤出南麂，浙江全境易手。
中华人民共和国时期
中华人民共和国初期
改革开放
Remove ads
参考材料
Wikiwand - on
Seamless Wikipedia browsing. On steroids.
Remove ads