马桥文化

馬橋文化是新石器時代個文化，是江南地區個史前文明，畀人視作太湖流域（包括杭州灣地區）個一個典型遺存，因為搿類遺存最早發現勒上海馬橋遺址中層，所以1982年定名為馬橋文化。

更多信息 吳越歷史年表 ...

馬橋文化距今大概3200-3900年歷史，1959年勒上海馬橋鎮東俞塘村發現，1982年命名。馬橋文化來源於浙江西南搭中原龍山文化後個岳石文化還有二里頭文化，覆蓋範圍小於或者等於良渚文化個地域。

馬橋文化繼承之少量良渚文化個文化因素，目前嘸沒出土同時期其他文化已經出現個，包括玉器，帶細刻圖案個陶器、象牙器等精美物件。石器還是主要個生產工具，重要個是出現之刀、鑿、鏃等小件青銅器。雖然朆發現鑄銅工具，但表明上海還有長江下游開始進入青銅器時代。