第一次鴉片戰爭後，箇面划進上海美租界，因為有香客弗斷個下海廟搭仔通往浦東個擺渡，慢慢交變成蘇州河北面個主要集市之一。1903年，上海公共租界工部局勒拉提籃橋地區個華德路（長陽路）、舟山路、昆明路、保定路當中個地塊造了只大唻野花花個工部局監獄，俗稱「提籃橋監牢」。也正是因為箇只提籃橋監獄，故咾上海人講到牢監個辰光也會得用到「提籃橋」箇只名字，「送進提籃橋」也變成一句鏟人個言話^[1]。

納粹德國個辰光，交交關關猶太人逃到上海來避難，提籃橋是主要聚居點之一。日本占領上海個辰光，拿提籃橋劃成猶太人隔離區，最多個辰光箇面曾有3萬名猶太人。目前，提籃橋區域裡向，長陽路62號還有猶太教個一座華德路摩西會堂。

提籃橋本生為虹口區一隻商業、文化中心，必過下海廟個香客減少，擺渡停脫，人氣逐漸消失。目前，提籃橋個範圍大致是楊樹浦路、惠民路、黃浦江、東大名路搭霍山路當中。箇兩年，區里向新造上海港國際客運中心，搞出只北外灘概念，開始拆遷造高樓房子。

名稱由來

歷史

相關條目

參考資料

外部連結