Інгела

Інгела (Інгель) — мужчынскае імя.

Ingeila
Паходжаньне
Мова(-ы)	германскія
Утворанае ад	Ingo + Geilo
Іншыя формы
Варыянт(ы)	Інгель
Вытворныя формы	Інгіль
Зьвязаныя артыкулы
якія пачынаюцца з «Інґела»

Паходжаньне

Асноўны артыкул: Імёны ліцьвінаў

Інгайла, пазьней Інгель (Ingeila, Ingel) — імя германскага паходжаньня^[1]. Іменная аснова інг- (інк-) (імёны ліцьвінаў Інгіль, Імбар, Ігар; германскія імёны Ingilo, Imbor, Ingvarr) паходзіць германскага *ing- 'інгевонін' (паўночнагерманскае племя)^[2] або старагерманскага *Ingwaz 'імя старажытнага германскага боства'^[3][4], а аснова -гайл- (-гал-, -гел-) (імёны ліцьвінаў Галімунт, Відзігайла, Монтгайла; германскія імёны Geilmundus, Widigail, Montigel) — ад гоцкага і бургундзкага gails 'жвавы, свавольны, ганарысты'^[5].

Варыянты імя ў гістарычных крыніцах: село Азиминское конюхи, волок тринадцат, з людми, на тых волоках оселыми…. Ян Инукгелевич (9 ліпеня 1572 году)^[6]; Ingieliszki zaścianek plebanii uciańskiej (1784 год)^[7]; Ingielewicz Josephus, par. in Nowy Pohost (1938 год)^[8].

Носьбіты

Інгеловічы і Інгелевічы^[9] гербу Інэса — літоўскія шляхецкія роды з Ашмянскага і Віленскага паветаў адпаведна^[10].

Інгелевічы (Ingielewicz) гербу Тры Зоркі — літоўскі шляхецкі род зь Вільні і Віленскага павету^[11].

Інгелевічы (Ingielewicz) — літоўскія шляхецкія роды з ваколіцаў Сьвянцянаў^[12] і Троцкага павету^[13].

Глядзіце таксама

• Інга
• Гайла