Абруб (Берасьцейская вобласьць)
вёска ў Пружанскім раёне Берасьцейскай вобласьці Беларусі From Wikipedia, the free encyclopedia
Remove ads
Абру́б[3] — вёска ў Пружанскім раёне Берасьцейскай вобласьці. Уваходзіць у склад Велікасельскага сельсавету. Знаходзіцца за 10 км на захад ад Пружанаў, 22 км ад чыгуначнай станцыі Аранчыцы на лініі Баранавічы — Берасьце. Насельніцтва на 2012 год — 28 жыхароў, 17 двароў.
Remove ads
Этымалёгія назвы
Паводле пружанскай гісторыка і краязнаўцы Веры Церахавай, назва вёскі паходзіць ад слова «абрубіць», бо ў гэтай мясцовасьці даўней жылі людзі, што займаліся абрубкай дрэваў (абрубшчыкі, дрывасекі)[4].
Мінуўшчына
За расейскім часам — у Велікасельскай воласьці Пружанскага павету Гарадзенскай губэрні. Паводле перапісу 1897 року 172 жыхары, 30 двароў, хлебазапасная крама. На пачатку XX стагодзьдзя — 145 жыхароў.
За польскім часам — у гміне Шарашоў Пружанскага павету Палескага ваяводзтва[5]. У 1921 — 71 жыхар, 20 двароў.
Зь верасьня 1939 року ў складзе БССР, з 15 студзеня 1940 вёска ў Шарашоўскім, з 1956 у Пружанскім раёнах Берасьцейскай вобласьці. 1 сьнежня 2009 году перададзеная зь ліквідаванага Старавольскага ў склад Велікасельскага сельсавету[6].
Remove ads
Насельніцтва
- XIX стагодзьдзе: 1897 год — 172 жыхары, 30 двароў
- XX стагодзьдзе: пачатак стагодзьдзя — 145 жыхароў; 1921 год — 71 жыхар, 20 двароў; 1959 год — 160 жыхароў (перапіс); 1970 год — 138 жыхароў; 1999 год — 68 жыхароў
- XXI стагодзьдзе: 2003 год — 52 жыхары, 25 двароў; 2005 год — 47 чалавек, 24 двары[7]; 2010 год — 29 жыхароў; 2012 год — 28 жыхароў, 17 двароў[1]
Транспарт
Аўтамабільная дарога Н530 Перадзельск — Лазоўка[8].
Турыстычная інфармацыя
- Валун-сьледавік памерам 1,5×1,45×1 м, месца паломніцтва[9]
Асобы
- Міхаіл Баброўскі — беларускі славіст, дасьледнік, сьвятар. У 1833 атрымаў Абруб у пажыцьцёвае карыстаньне[10]
- Павал Баброўскі — расейскі генэрал, гісторык, этнограф
Крыніцы
Літаратура
Вонкавыя спасылкі
Wikiwand - on
Seamless Wikipedia browsing. On steroids.
Remove ads