Агароднікі (Казловіцкі сельсавет)

Агаро́днікі^[2] (таксама — Падзе́рскія Агаро́днікі^[2]) — вёска ў Беларусі, на левым беразе ракі Случы. Уваходзяць у склад Казловіцкага сельсавету Слуцкага раёну Менскай вобласьці. Насельніцтва на 2012 год — 253 чалавекі^[3].

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Агароднікі (неадназначнасьць).

Агароднікі
трансьліт. Aharodnіkі
Дарожны знак ля ўезду ў вёску
Краіна:	Беларусь
Вобласьць:	Менская
Раён:	Слуцкі
Сельсавет:	Казловіцкі
Насельніцтва:	253 чал. (2012)
Часавы пас:	UTC+3
Тэлефонны код:	+375 1795
Паштовы індэкс:	223617[1]
Нумарны знак:	5
Геаграфічныя каардынаты:	53°1′46.189″ пн. ш. 27°36′43.164″ у. д.
Агароднікі на мапе Беларусі ± Агароднікі Агароднікі
Галерэя здымкаў у Вікісховішчы

Гісторыя

Агароднікі належалі да вёсак слуцкіх выбранцаў. У пачатку XX ст. вёска ўваходзіла ў склад Цараўскай воласьці Слуцкага павету і налічвала 65 двароў.

У 1969 і 1975 гадох у Агародніках паставілі абэліск і стэлу ў памяць пра падзеі Другой сусьветнай вайны. На 1 студзеня 1998 году ў вёсцы было 132 двары^[4].

Насельніцтва

Дэмаграфія

• XX стагодзьдзе: 1901 год — звыш 400 чал.; 1 студзеня 1998 году — 308 чал.; 1999 год — 285 чал.
• XXI стагодзьдзе: 2010 год — 276 чал.; 2012 год — 253 чал.

Інфраструктура

У Агародніках працуюць базавая школа, клюб, бібліятэка, фэльчарска-акушэрскі пункт, крама.

Славутасьці

Каля вёскі знаходзіцца адзін з археалягічных помнікаў — нэалітычная стаянка эпохі новакаменнага веку (канец III тысячагодзьдзя — VIII—VII ст. да н. э.).^[5]

Асобы

• Іван Лушчыцкі (1907—1973) — філёзаф