Адзейка

Адзейка (Ядзейка, Ядзека, Ядык, Ядка), Адзіка (Гадыка), Гадэйка — мужчынскае імя і вытворнае ад яго прозьвішча.

Adecho
Паходжаньне
Мова(-ы)	германскія
Утворанае ад	Hado + суфікс з элемэнтам -к- (-k-)
Іншыя формы
Варыянт(ы)	Адзіка, Гадыка, Гадэйка, Ядзейка, Ядзека, Ядык, Ядка, Атэйка, Этэйка
Зьвязаныя артыкулы
якія пачынаюцца з «Адзейка»

Паходжаньне

Асноўны артыкул: Імёны ліцьвінаў

Гадзіка, Адзека, Адзіка, Едзіка, Едзека, Аціка або Ецека (Chadico^[1], Adecho, Adika^[2], Edica, Edeco^[3][4], Attiko, Ettecha) — імя германскага паходжаньня^[5]. Іменная аснова -гад- (-ад-, -ат-) (імёны ліцьвінаў Ядвіга, Гатман, Бернат; германскія імёны Hadwig, Hadoman, Bernat) паходзіць ад гоцкага *haþus^[6], германскага hathu 'бой'^[7].

Імя Эдыка гістарычна бытавала ў Польшчы: Edyke, uxor Ioachim de Colberg (1402 год)^[8].

Варыянты імя ў гістарычных крыніцах: чоловеков… Одеико (7 лістапада 1442 году)^[9]; село у Берестеиском повете на имя Телатичи… а земли пустовскии… Едковщина (26 студзеня 1516 году)^[10]; Турчинъ Адеиковичъ (1528 год)^[11]; прыставомъ былъ за чоловекомъ боярына пана Александрова Стец Ядыкъ (1529 год)^[12]; Висконт Едейкович (1538 год)^[13]; человека ихъ отчизного Пацука Стачковича Едековича (1541 год)^[14]; до подданого господарьского волости Городенской Едейковъ (27 сакавіка 1560 году)^[15]; Marcian Adzikiewicz (3 студзеня 1672 году)^[16]; ks. Andrzej Odeyko, pleban kieturwłócki (1784 год)^[17]; Elżbieta Hadyko (1802 год)^[18].

Носьбіты

• Турчын Адзейкавіч — берасьцейскі баярын, які ўпамінаецца ў попісе войска Вялікага Княства Літоўскага 1528 году
• Вісконт Ядзейкавіч — жыхар Жамойцкага староства, які ўпамінаецца ў 1537—1538 гадох^[19]
• Павал Яцейкавіч — жыхар Жамойцкага староства, які ўпамінаецца ў 1537—1538 гадох^[20]

Гадэйкі — літоўскі шляхецкі род^[21].

Ядкевічы (Jadkiewicz) гербу Даленга — літоўскі шляхецкі род^[22].

Этэйкі (Атэйкі) — літоўскі шляхецкі род^[23].

Адзікевічы (Adikiewicz) — шляхецкі род Рэчы Паспалітай з Прусіі^[24].

На гістарычнай Меншчыне існуе вёска Ядзейкі.