Вісконт

Вісконт — мужчынскае імя і вытворнае ад яго прозьвішча.

Wisgonda
Паходжаньне
Мова(-ы)	германскія
Утворанае ад	Wiso + Gundo
Зьвязаныя артыкулы
якія пачынаюцца з «Вісконт»

Паходжаньне

Асноўны артыкул: Імёны ліцьвінаў

Вісагунд, Вісігунда або Вісгунд, пазьней Вісгонда (Wisagund, Wisigunde^[1], Wisgund^[2][3], Wisgonda^[4]) — імя германскага паходжаньня^[5][6]. Іменная аснова -віс- (-віз-, -веш-) (імёны ліцьвінаў Вісігерд, Вісімунт, Вішымут; германскія імёны Wisigard, Wisemund, Vismuot) паходзіць ад гоцкага wis 'мудры, абазнаны', а аснова -гунд- (-гунт-, -кунт-) (імёны ліцьвінаў Гунтар, Вігунт, Вірконт; германскія імёны Guntar, Wigunt, Werecundus) — ад гоцкага gunþs 'бойка, бітва'^[7]. Такім парадкам, імя Вісконт азначае «мудрасьць бітвы»^[6].

У Польшчы бытавала імя Вісканта (Вісконта^[8]): Wiscanta (1329 год)^[9].

У Прусіі адзначалася імя Віскант: Wiskant (1361 год)^[10]. Апроч таго, у Прусіі бытавала прозьвішча Wiskandt (Wiskant)^[11][12][13], у ваколіцах Мэмэлю адзначалася прозьвішча Wieskand^[14].

Варыянты імя ў гістарычных крыніцах: боярину виленскому Товтвилу Висконтовичу (10 жніўня 1495 году)^[15]; Висконт Едейкович (1538 год)^[16]; Symon Wiskont (1690 год)^[17]; Jan Wiskont… Andrzey Wiskont (2 сакавіка 1758 году)^[18]; Rafał Wiskont (19 лютага 1764 году)^[19]; Jerzy Wiskont (1784 год)^[20].

Носьбіты

• Таўтвіл Вісконтавіч — віленскі баярын, які ўпамінаецца ў 1495 годзе

Вісканты (Вісконты) — літоўскі шляхецкі род^[21].

Як памяншальную форму ад імя Вісконт разглядаюць імя палачаніна Віскошы (Вискоша полоца(нинъ)^[22]), надпіс зь якім той пакінуў у XII стагодзьдзі ў катэдры Святога Марціна ў Люцы^[23].

Глядзіце таксама

• Віс
• Гунт