Адміністрацыйна-тэрытарыяльны падзел Эстоніі

Адміністрацы́йнымі адзі́нкамі Эсто́ніі ёсьць павет (эст. maakond) і муніцыпалітэты двух тыпаў: места (эст. linn) ды воласьць (эст. vald). Тэрыторыя Эстоніі падзеленая на 15 паветаў, якімі кіруюць павятовыя старосты (эст. maavanem), прызначаныя ўрадам. У сваю чаргу паветы падзяляюцца на мескія муніцыпалітэты і воласьці.

Паветы Эстоніі

Існуе яшчэ адзін тып муніцыпальнага ўтварэньня — пасёлкавая воласьць (эст. alevvald) — у склад якога ўваходзіць толькі адзін пасёлак. Паводле стану на 2011 рок у Эстоніі было шэсьць пасёлкавых воласьцей: Аэгвійду, Вяндра, Кохтла-Нымэ, Лавасаарэ, Тоатсі і Ярвакандзі.

Паветы

№	Герб павету	Павет (бел)	Павет (эст)	Код ISO 3166-2	Насельніцтва, чал. (2012)[1]	Плошча, км²	Шчыльнасьць, чал./км²	Адміністрацыйны цэнтар
1		Валгамаа	Valga maakond	EE-82	31 059	2043.53	15,20	Валга
2		Вільяндзімаа	Viljandi maakond	EE-84	48 604	3422,49	14,20	Вільяндзі
3		Вырумаа	Võru maakond	EE-86	34 178	2305,44	14,82	Выру
4		Іда-Вірумаа	Ida-Viru maakond	EE-44	153 716	3364,05	45,69	Йыхві
5		Йыгевамаа	Jõgeva maakond	EE-49	31 967	2603,83	12,28	Йыгева
6		Ляэнэ-Вірумаа	Lääne-Viru maakond	EE-59	61 154	3627,80	16,86	Раквэрэ
7		Ляэнэмаа	Lääne maakond	EE-57	24 734	2383,12	10,38	Хаапсалу
8		Пыльвамаа	Põlva maakond	EE-65	28 026	2164,77	12,95	Пылва
9		Пярнумаа	Pärnu maakond	EE-67	84 388	4806,58	17,56	Пярну
10		Рапламаа	Rapla maakond	EE-70	35 503	2979,70	11,91	Рапла
11		Саарэмаа	Saare maakond	EE-74	31 835	2922,19	10,89	Курэсаарэ
12		Тартумаа	Tartu maakond	EE-78	153 479	2992,74	51,28	Тарту
13		Хар’юмаа	Harju maakond	EE-37	566 741	4333,13	130,79	Талін
14		Хіюмаа	Hiiu maakond	EE-39	8620	1023,26	8,42	Кярдла
15		Ярвамаа	Järva maakond	EE-51	31 204	2459,58	12,69	Пайдэ
		Агулам			1 325 217	43 432,31	30,51

Мінуўшчына

Мапа Лівоніі і Курляндыі Фрэдэрыка дэ Віцьці (1705)

Адміністрацыйна-тэрытарыяльны падзел Эстонскай ССР (1957)

У XIII стагодзьдзі эстонскія землі падзяляліся на 8 маакондаў: Вірумаа, Ляэне, Равала, Саарэ, Сакала, Угандзі, Хар’ю, Ярва і 4 кіхельконды (не ўваходзілі ў якія-кольвек мааконды: Мыху, Вайга, Нурмэкунд і Алемпоіс.

Пасьля ўваходжаньня ў склад СССР Эстонія ў 1947 року была падзеленая на раёны (эст. rajoon), а ў 1952 року быў праведзены экспэрымэнт па падзеле Эстоніі на вобласьці. Агулам іх было ўтворана тры:

• Пярнуская
• Талінская
• Тартуская

Аднак у 1953 року яны были скасаваныя, і да канца савецкага рэжыму заставаліся раёны і месты рэспубліканскага падпарадкаваньня. Пасьля аднаўленьня незалежнасьці ў 1991 року раёны былі перайменаваныя ў паветы (мааконды), некаторыя зь іх зьмянілі назву, аднак агульная колькасьць засталася роўнай 15. Месты рэспубліканскага падпарадкаваньня, уключаючы й Талін, былі ўлучаныя ў склад паветаў.