Альбрэхт Радзівіл

Альбрэхт Радзівіл (мянушка «Юстыніян»; 8 сакавіка 1558, Лукішкі каля Вільні — 13 чэрвеня 1592, Кракаў) — дзяржаўны дзяяч Вялікага Княства Літоўскага. Маршалак надворны (1579—1586) і вялікі літоўскі (з 1586).

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Альбрэхт Радзівіл (неадназначнасьць).

Альбрэхт Радзівіл
лац. Albrecht Radzivił

Альбрэхт Радзівіл
Герб Трубы
Асабістыя зьвесткі
Нарадзіўся	8 сакавіка 1558[1] Вільня, Вялікае Княства Літоўскае
Памёр	13 чэрвеня 1592(1592-06-13)[2][3] (34 гады) Кракаў, Рэч Паспалітая[1]
Пахаваны	Вільня
Род	Радзівілы
Бацькі	Мікалай Радзівіл «Чорны» Альжбета з Шыдлавецкіх
Жонка	Ганна з Кетлераў
Дзеці	Ян Альбрэхт
Дзейнасьць	палітык, староста

Валодаў Клецкім і Давыд-Гарадоцкім княствамі, маёнткамі Лебедзевам, Хажовам, Геранёнамі і Лаздунамі ў Ашмянскім павеце^[4]. Быў старостам ковенскім (з 1579), румбарскім і луцкім. I ардынат клецкі (з 1586).

Біяграфія

Ганна Кетлер

Зь нясьвіскай лініі роду Радзівілаў гербу «Трубы», сын Мікалая «Чорнага», канцлера вялікага літоўскага, і Альжбеты з Шыдлавецкіх. Меў братоў Станіслава, Юрыя, Мікалая.

Навучаўся ў Ляйпцыскім унівэрсытэце (1570—1573) і ў Рыме (1575—1576). У 1574 годзе ў Вільні перайшоў з кальвінізму ў каталіцтва.

У 1579 годзе атрымаў урад маршалка надворнага літоўскага, у 1586 годзе — маршалка вялікага літоўскага.

У 1579—1581 гадох браў удзел у Інфлянцкай вайне (1558—1582), за ўдзел у вызваленьні Полацку атрымаў пасаду надворнага маршалка. Браў удзел у складаньні Ям-Запольскага міру (1582).

У Клецку збудаваў мураваны касьцёл, фундаваў шпіталь^[5]. Фундаваў драўляныя касьцёлы ў Суботніках і Лаздунах.

Ажаніўся 12 студзеня 1586 году з Ганнай (1567—1617), малодшай дачкой герцага курляндзкага Готарда Кетлера (1517—1587) і Ганны Мекленбург-Гюстраўскай (1533—1602). У гонар гэтага шлюбу Гальяш Пельгрымоўскі напісаў панэгірык «На шлюб найсьвятлейшага князя і гаспадара Альбэрта Радзівіла» (Вільня, 1585)^[6]. У шлюбе нарадзіліся дзеці:

• Ян Альбрэхт (1591—1626), II ардынат на Клецку
• Ганна (пам. 1569), жонка князя Яна Ўладзіслава Сангушкі (пам. 1652)
• Кацярына, памерла непаўналетняй
• Барбара (1590–1614), жонка Мікалая Кішкі (пам. 1644), ваяводы дорпацкага

Спачыў 26 студзеня 1593 году ў касьцёл Сьвятых Янаў у Вільні^[7].

Галерэя

• Іканаграфія Альбрэхта Радзівіла «Юстыніяна»
• 
  З Амбраскай калекцыі дасьпехаў, 1601
• 
  Невядомы мастак, 1646—1653
• 
  З альбома «Выявы роду Радзівілаў». Г. Ляйбовіч, 1758
• 
  М. Старкман, 1857

У картцы да артыкула прыводзіцца партрэт, напісаны каля 1733 году невядомым мастаком, зь Нясьвіскай партрэтнай галерэі, які цяпер захоўваецца ў Летуве.