Альхоўка (Падляскае ваяводзтва)

Альхоўка (па-польску: Olchówka, на мясцовай беларускай гаворцы: Аліхоўка^[2]) — вёска ў Гайнаўскім павеце Падляскага ваяводзтва Польшчы. Знаходзіцца ў гміне Нараўка.

Альхоўка
польск. Olchówka
Першыя згадкі:	1757
Мясцовая назва:	Аліхоўка
Краіна:	Польшча
Ваяводзтва:	Падляскае
Павет:	Гайнаўскі
Гміна:	Нараўка
Насельніцтва:	108 чал. (31 сакавіка 2021)[1]
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	17-220
Нумарны знак:	BHA
Геаграфічныя каардынаты:	52°51′20.2″ пн. ш. 23°49′35.0″ у. д.
Альхоўка на мапе Польшчы Альхоўка
Галерэя здымкаў у Вікісховішчы

Вёска мяжуе зь Белавескай пушчай.

Насельніцтва

Жыхары вёскі ў большасьці этнічныя беларусы, праваслаўныя (прыход Нараўка^[3]). Каталіцкая частка насельніцтва (парафія Нараўка^[4]) па этнічных ідэнтыфікацыях — польская.

Гісторыя

Вёска заснаваная праўдападобна ў 18 ст. на месцы аднайменнага ўрочышча. Празь нейкі час пражывалі тут стражнікі Белавескай пушчы. У міжваенны пэрыяд Альхоўка прыналежала да гміны Масева (першапачаткова Белавескага, а пасьля 1922 году Бельскага павету Беластоцкага ваяводзтва). Паводле польскага перапісу насельніцтва 1921 г. пражывалі тут 278 жыхароў (273 беларускай нацыянальнасьці і 5 палякаў)^[5]. У час Другай сусьветнай вайны Альхоўка была спаленая немцамі і выселеная. Адбудаваная пасьля вайны^[2].